Pagina letteraria
Attenzione: questa pagina viene costantemente aggiornata con nuovi racconti, aneddoti, poesie in dialetto manduriano di Antonio Pesare .
Vi consigliamo, quindi, di consultare questo sito di tanto in tanto, oppure iscrivetevi gratuitamente alla newsletter, per avere l’avviso direttamente nella vostra e-mail.
Na fiata murìu unu e sci' tuzzou an
Paraisu. San Pietru apprìu: "Ce buei?" - tissi. "Sa', jù 'ggia
muertu. Oju trasu". "Eh, uè
trasi! No' 'm'a betri prima ce porta la pagella? - tissi San Pietru e ziccou a
leggiri - Mesciu!, ma cqua' tici…" "Ba mena - tissi cuddu - iti ci
chiuti nu uecchi! Jù mi stou cujetu17 a n'angulu senza tari ncomutu18
a cieddi19!"
"Mah, pi 'sta fiata ti fazzu trasiri. Però accortu, cqua' cuddu ca iti e
cuddu ca sienti! No' t'h'a sci' mintennu mai a mienzu pi nisciuna
ragioni!" "No' ti cuscitari20, lu pinzieri jè lu
mia!" Cussì trasìu e si ssittou a n'angulu e ziccou a tnimentiri21
tutti l'animi ca passaunu. A totta 'na fiata ni eddi toi ca cu 'na scala ulìunu
trasunu an forza ti 'na porta cu la scala an croci. "Mah" è pinzatu,
e uardaa quisti ca cu 'sta matosca ti scala pijaunu la rincorsa e BUM nanti
alli stantuli22 ti la porta, e non ci trasìunu. Si ziccou a 'zzari.
San Pietru lu eddi e lu bloccou: "No' ti scirrari23: cuddu ca iti e
cuddu ca sienti!" "Si'-si' - rispunnìu cuddu cristianu ca ngià sta
firvìa - quantu pari ca uardu!" E li to' animi ca scìunu e binìunu cu la
scala sempri an croci! Alla fini cuddu pirdìu li lumi, si bicinou e ziccou a
gritari: "Ma propia mucculuni siti?! Ca pirce' no' la girati la scala cu
pozza trasiri ti la porta?" A 'stu puntu l'animi si rintesara, ngià
nervosi ca scìunu: "Nui facimu comu ni tici la capu!" "Allora
'ntr'alli fessi stamu! - tissi cuddu - Cu la scala an croci non ci trasiti né
mo' né mai 'ntr'a quedda porta!" "Tu no' ti ni frecari, fatti li ca..i
tua, ca nui sapimu cuddu ca facimu!" E cussi' 'na palora tira l'otra
ziccara a bula' li mazzati! Arriou San Pietru fucennu, cciaffou cuddu cristianu
mienzu sangulintatu24: "T'era tittu ca cqua' intra ognitunu s'h'a fa'
li fatti sua, pirce' nc'è lu Patriternu ca eti e prueti". "Sienti
Pitri', unu porta ngià tantu ti fecutu pi li cosi storti ca jè sciutu
suppurtannu sobbr'alla terra, ci puei puru cqua' a betri li cosi alla mmersa,
sa' ce ti ticu?, apri la porta ca custu no' jè postu pi mei! E quantu ccuentri25
Patrunuta tilli cu cancia capu ci oli cu beti ancora ncunu clienti! Lassa cu si
sapi a giru comu stonnu li cosi!" E cussì si ccujìu li zannoli26
sua, appriu lu purtoni e si ni scìu27.