COGGIUS
|
||
O
Serafica ermosura
O divina Imperadora Pregai po nosu Signora De Itria Virgin pura. |
||
Luna mai eclissada, Soli claru luminosu, Veru discansu e riposu De s'anima tribulda, In Bosu est discansada Dogna umana creatura. Pregai ecc. |
Liberetis de Turchia Unu iscrau cristianu Cun poderi soberanu, Sacratissima Maria: Su Turcu iddu teniat Intru de una cascia oscura. Pregai ecc. |
Sei rimediu e seis unioni De su prus disisperau, Disterrai su peccau Cun perfetta contrizioni, Medianti sa confessioni Fata cun totu premura.   Pregai ecc. |
Ortu conclusu serrau, Giardinu friscu fluriu, Chi mai si ddu hat biu Niscin'umbra de peccau, Po s'essiri in Bosu incarnau Su reide s'eterna altura. Pregai ecc. |
Dogna martis fittianu Girunendir'osservessit, Po su cali menescessit De sa soberana manu Poniriddu in portu planu Cun libertadi segura. Pregai ecc. |
Reima de grandu bellesa Destruei de nosu is erroris, Reformai is peccadoris Alcanzediddis firmesa, Attendei a tanta impresa Cun protezioni segura.   Pregai ecc. |
De David Turri perfetta, de lesse vara florida, De is mortusseis Vida, De su Xelu porta aberta, De cuddus chi tennit ferta De peccaus seis cura. Pregai ecc. |
Su fillu iscrau teniat Una mamma sventurada E, torramì, supplicada, A fillu miu, o Maria, E de issu luegu s'est bia Abbrazzada cun ternura. Pregai ecc. |
De virtudi circas sa bia, O infelizi dubbiosu? Beni puru e fervorosu De Itria implora o Maria; Est'Issa sa vera ghia, S'assistenzia est plus che segura. Pregai ecc. |
Seis porta de s'Orienti, Arca de su testamentu, Seis istada aposentu De s'altu Onnipotenti, Sei aundi veramenti S'iterrant dogna ermosura. Pregai ecc |
De Turcus ingiriada Costantinopoli famosa Dda liberais portentosa Cali Mamma affezionada. Umilias Reina sagrada S'ostinazioni prus dura. Pregai ecc. |
Calisiollat traversia Issa sollit riparai Nisciunnu non podit nai: M'hat ripudiau Maria. A su mundu Iss'est benia Po calmai dogna amargura. Pregai ecc. |
Cipressu altu friscu e amenu Candidu e biancu lillu Domu de s'altu consillu Celu stellau e serenu Fonti de acqua friscu e amenu De grandissima dulzura. Pregai ecc. |
E is de Itria appestaus De sa maligna influenzia Cu sa bella bosta presenzia I si binti liberaus, S'acclamant ingenugaus: Mamma de grandu ternura Pregai ecc. |
In su templu tuu sagrau Innumerabilis votus Esprimint de is devotus Sa grazia chi hant alcanzau; A chini t'ha supplicau Haas succurtu cun premura. Pregai ecc. |
Sei Filla,Mamma e Isposa De sa santa Trinitari, Po sa bosta umilidari Alcanzestis tali cosa, O Virgini miracolosa De dognunu seis cura. Pregai ecc. |
Cussu iscrau chi portestis In manus bostas gososa Cun trassa miracolosa De iscravitudi boghestis, E su Turcu illuminosus Cun tali strana ventura. Pregai ecc. |
O
Reina de s'altura
O Vera Consoladora Pregai po nosu Signora De Itria Virgini Pura. |
De is Angelus bellesa, De is Virginis corona, De is Martiris padrona, De is cunfessoris Tirmesa, De is patriarcas prinzesa, De dogna Santu clarura. Pregai ecc. |
Zopus, ferius, istrupiaus, Poburus, zurpus, tulidus De bosu sunti assistidus, De bosu sunti curaus, Sunti totus consolaus Cun prodigiosa blandura. Pregai ecc. |