SEGRETÀRE DE LA CIRCOSCRISIÜ NÖMER VINTÜ

BERGHÈM LAC

"BRAVEHEART"

CARULINA LÖSANA

nasida a Berghèm ol növ de noèmber 

del 'setàntù

la stà a la Ranga

Laùreada n'Giùrisprudensa

Ol mio obietif prinsipal l’è chèl de rimèt insèma la Circoscrisiù, al dè fò dè divisiù e congréghe dè paìs e de laurà ‘nsèma ai delegac al Consiglio Diretìf Proincial, ai Segretàre de Sesiù e a töc i Militantc per portà ‘nante bel ciar e con coerensa ol messag politìc e i motivasiù del nos moiment: la risolusiù del la " Questiù Settentrional e la lota dè liberasiù del Nord contra Roma", simbol del centralism e de la corusiù.

I oter obietif che öle realisà i è chésce che:

Ol Segretàre di Circoscrisiù al gà dè fà saì söbèt töte chèle informasiù söle inisiative politiche del mùiment apena trasmetìde da la Segreteria Pruinciàl. La LEGA, ést la manéra dè fà di organi dè informasiù romùà chi fa finta dè edèm mia o de daméla dré, la gà da semper la so forsa nela militansa che la gà sempér dè es preparada e la gà de ìga töte i informasiù e i strömenc necesàre per dìga e fàga capì ala nosta sét öl piö ciar pusibèl ol nòst mesag politic.

Ol segont laùr l’è chèl dé organisà ‘nsèma l'asiù dè propaganda politica söl teritòre con la programasiù ‘ndì tép précìs dè técà fò i manifesc, l'organisasiù per dà fò ì volantì, ì gazebo, i asemblee publiche e töt chèl chél pöl vès nécésàre per fàs vèt dè piö da la sét.

Ü obietif ambisius dè valütà ‘nsèma ai segretàre dè sesiù l’è la manéra dè riaga a fà ü giornalì de la Circoscrisiù come pèr esempe, ol collaudat "Ol Castigamacc" dè Trescur.

Almeno öna olta al'an, come ghè préést dal Statut, e pò a piö dè spès se la situasiù politica a ià domanda, l’è me intensiù dè organisà ‘nsèma ai segretare dè sesiù öna ASEMBLEA DI MILITANC, con la pöl vès anche alargàda ai sostenitùr. Chèsto per fa sé chèl vè sies öna discüssiù ed öna verifica trà dé notèr e per fa egnì fò dì sugerimènc, riflessiù, critiche dà portà pò ‘ndèl Consiglio Diretìf Proincial.

An gà dè sìrcà dè ötà come Circoscrisiù l’aüment dì adesiù al nost SIN.PA. e se possibèl, dàga ala sèt ü sistema dè tutela e dè consulensa fiscal per ötàga a fa so i modei 730/740.

‘nsema al responsabèl dì Enti Locai an gà dè sìrcà dè organisà l'asiù politica ed amministratia di nos consiglier cümünai chì siès dè maggioransa o dè minoransa.

Ol compito dè la Circoscrisiù l’è chèl dè organisà CORSI E INCONTRI DÈ FORMASIÙ, magari insèma ai amministradùr dè la Lega e dì esperc.

Insèma al segretàre organisatìf an cürerà l'organisasiù dè la FESTA dè la CIRCOSCRISIÙ e an muterà ‘nsema la PARTECIPASIÙ dì sesiù ale MANIFESTASIÙ dèl Moiment.

I vègnerà individuac di responsabèi dè sona per la distribusiù dì buste e dè l’otèr material d’informasiù preparàt dala Segreteria Pruincial.

Carulina Lösana