LA PIU’ BEDDA DI GADDURA

Nostra Signora di Locusantu - Regina di Gaddura

Tu se’ nata par incantu

deliziosa elmosura

la meddu di Locusantu

la più bedda di Gaddura.

Se’ bedda chi dugnu cori

s’innamuriggja di te

pa l’occhj mei un fiori

ed è la meddu chi c’è.

E socu vecchju canutu

e socu a tempu passendi

però sempri burrulendi

comu m’eti cunnisciutu

Cantu campu decu fà

sempri onori a Locusantu

ch’è la tarra di l’incantu

di ca veni a istragnà.

La Patrona di Gaddura

l’emu noi in Locusantu

incurunata da cantu

cussi bedda criatura.

Ciccheddu Mannoni