Sei il visitatore n.
FastCounter by LinkExchange

Gaetano Coccimiglio

              U BANDU
             A CAMBIALE
             U JETTATURE
             
A Bulletta

 

U BANDU

Nu jiuernu Giacuminu Marinaru
ha fattu chistu grande sperimentu;
nu fattariellu ch'è curiusu e raru
e mo io ve lu cuntu a nu mumentu.

Filippu, capu guardiu du comune,
ha chiamatu de pressa lu bandista
e ccu ha trumba 'mmanu, lu Cannune,
tutti l'appunti si li minte in lista.

Ripassata la parte scinde 'nchiazza
e cumincie a jiujjare ccu lIa vrogna,
ce du n'accumpagnata ccu lii vrazza
dice chille cose ccu vrigogna.

Ppe ordine du sindacu d'Ajiellu 
tutti i 'nzurati, puru surdi e muti,
s'hane mintere 'ncapu nu cappiellu 
no tutti, sulamente li curnuti.

Giratu lu paise tuttu quantu 
cooperative e puru Patriciellu 
se minte chilla trumba sutt'u mantu,
'ncuellu se sentie cadere u castiellu.

Nu grande movimentu generale 
provoche chillu bandu a lli cristiani,
chine ridie, ancunu stave male,
ere na cosa brutta, mancu i cani.

Mentre u curnutu mansu va alla casa 
se cangie llu vestitu e se fa biellu,
stende lla manu e piglie de a na rasa 
bascu, berrettu, cueppula e cappiellu,

Franciscu ccu lla cueppula un ce mere 
ca ud jie pilatu, tene lli capilli,
se rivorge de pressa alla mugliere:
ce vajiu ccu lla cuoppula o scapilli?

Illa lu guarde c'ha sentutu u bandu,
le 'mpare llu cappiellu 'ndo llu muru,
Francì, io nu llu fazzu ppe cumandu,
ppe llu sì e ppe llu no, tu minti puru.

home

 

A CAMBIALE

Nun sapimu chine è statu
stu magnificu scienziatu
ccu ha mente acuta e sberta
chi n'ha fattu sta scoperta.

Ccu nu piezzu e carta amica,
ud è certu cosa antica,
i cristiani tutti sannu
nun l'usave certu nannu.

ognedunu l'ha provata
sta cartuzza culurata
te consente de cumprare

senza sordi de sborsare.

Baste sulu fare a firma,

'nde po' inchjiere na cirma,

ma si tu si benestante

nente firma du garante..

Tu te vidi 'rnparadisu

ma ogne mise c'è n'avvisu

chi te spieghe e nu mumentu

ha fare u pagamentu,

ma po' venenu le rise

si te truevi a fine mise

senza sordi ppe pagare

cà la puenu protestare.

Me sentiedi 'mpapinatu

quandu a prima haju firmatu

e cull' aria triste e stanca

ere jiutu 'mberu a banca

Misu 'nfila allu bancune

vrignosu allu spicune,

ccu lii sordi dintr'a manu

io parrave chianu chianu.

Quandu vijiu, chi te dicu,

puru a firma e n'atru amicu,

vuegliu dire e cumpà Ciccu

chi sapie vurpignu e riccu.

A stu puntu hajiu capitu

ch'a cambiale ud'jie chiuritu:

sinde serbe l'operajiu

ppe passare u mise e majiu,

sinde serbe l'impiegatu

si se trove spasulatu,

sinde serbe quatru e tundu

tutt'u populu du mundu.

De stu grande ritrovatu

nun sapimu chine è statu,

cà sinnò, 'ntra nu mumentu,

ce facimu u monumentu.

home

 

 

A BULLETTA

Mentre pigliu lu friscu alla muntagna,

ppe' musica lu cantu de n'aciellu,

pensave cumu è bella sta cuccagna

quandu sientu nu suenu allu canciellu,

ppe' rapere io mungiu nu buttune,

cumpare llu' postinu ch'è Maiune.

Me dune na bulletta culurata

ccù tanti numaricchi delicati,

c'è scritta puru l'acqua cunsumata,

ce su lle' tasse, puru l'arretrati,

ce sunu tante cose de nun dire,

insomma cinquecientu mila lire.

U cuntaturu signe a metru cubu

e chista jie na grande fricatura,

misure puru l'aria dintr'u tubu

e l'atre tasse ppe' lIa' fognatura,

insomma senza avire io la fogna,

hajie pagare a tassa, chi vrigogna.

Si vue spiegata a cosa bella bella

cumu funzione sta bulletta pazza

lejite u manifestu e Pedatella

mpacchiatu propriu ila', 'mmienzu la chiazza,

ccu' na buttiglia chjina ed attippata

te mostre puru l'acqua 'nturbulata.

lllu ha sparatu cumu nu cannune

ppe' sta vicenda scunsulata è stancu,

ma pue respunde subitu u Comune

ca nun è veru quantu dice Francu

e chillu manifestu tuttu smunta

mostrandu tri delibere de giunta.

Chine n'aviedde dire chista cosa,

io cchiù ce pìenzu e cchiù me pigliu e zirra,

senza vivere Fiuggi né Certosa,

pagare cara l'acqua e menu a birra,

la curpa ud jie d'Ajiellu, è du destinu,

custe cchiù l'acqua e nu bicchieri e vinu.

home

 

U JIETTATURE

Minde stave 'mmienzu a via

ccu Gatanu, u neputiellu,

quandu scuentu , arrussu sia,

chillu grande mungipiellu

sutt'a curba du Cafierru;

fazzu corna e tueccu fierru.

S'abbicine llu 'mpamune

chi sa fare sulu danni:

cumu è biellu stu guagliune

certu tenedi cinqu'anni;

lu vulisse accarizzare

ma lu fazzu alluntanare.

Curru 'mbero 'ndo Cozzetta

a cumprare petre e sale

e ce mintu 'ntr'a sacchetta

ca sinnò se sente male,

ma stu grande disgraziatu

m'ha daveru ruvinatu.

Passe n'ura e llu guagliune

tuttu quantu ammazzupitu

tu corpisce nu frevune

e ce passe l'appetitu,

tuttu quantu 'ncierricatu

nun bo mancu lu gelatu.

Nun pensandu fosse chillu

ch'ha bulutu affascinare

chiamu subitu a Camillu

ppe llu fare visitare

e llu grande medicune

trappe tuttu lu guagliune.

Alle spalle un tene nente

e bronchite nun me pare

ud jie guastu nullu dente

e nun sacciu cumu fare,

pue lu stende supr'u liettu

e le trappe tutt'u piettu.

Piglia puru nu cucchiaru

ca ce guardu le tonsille

e llu tocche paru paru

ma su bone puru chille

e Camillu, scunsulatu,

nun capisce stu malatu.

Forse tu cumpà Gatanu

chi pigliave la friscura

ha 'mpruntatu de luntanu

chilla grande jiettatura?

Io nun haiu chi ce fare,

fallu sulu sfascinare.

Eccussì chiamu na zia

de ste cose cumpetente,

tu è curare a malatia

chi ci ha datu lu fetente

e lle puertu 'ntra due ure

tutte quante e vestiture.

Guarde cavuzi e magliette,

li quazietti e llu cappiellu,

tocche puru e stivalette.

Chistu è statu u mungipiellu

ccu llu sguardu 'ndemoniatu

lu guagliune t'ha 'nguaiatu.

Riestu friddu cumu marmu

aspettandu na menz'ura,

quande chilla fa llu carmu

alla bella criatura,

pue telefonu e luntane:

è guaritu già Gatanu.

homeTorna indice generale