"Antighidadis"

  
Is domus funt casi tottus torradas a frabicai cun "tecnicas" modernas , una bussinada a sa cracìna e sa terra cotta de ariseru. Calincuna domu abarrosat ancora a su tempus sfidendi su modernismu de oi, casi tottus domus "poberas" cumenti sa 'omu 'e Zia Luisichedda (passada a su Comunu), sa 'omu 'e Zia Virgilia (ancora abitada), sa 'omu de Zia Eliana, e sa 'omu de sa famiglia Pibiri (Vanda Boi) chi si differenziat de is atras cun d'unu stili prus ricercau. Pagus is "portalis" allogaus, casi tottus sciusciaus o de sciusciai po is cundizionis chi s'agattant.

Filla de Nuraxis cument'e tottus is biddas de Sardigna. Medas is sinnus chi possidit ancora de antiga e rara storia archeologica cali su "Putzu Sacru" de Nieddìu, sa "Tumba de is gigantis" de Aiodda, e sa "Idda 'eccia". S'urtima ma meda importanti scoberta est sa de un'atra tumba antighissima e ancora in bonas cundizionis, agattada cun monedas e atras aìnas valorosas de s'epoca. Scoberta fatta lacanas de sa idda in mesi de aprili de s'annu 2000, e ancora a su studiu de is mannus e de is autoridadis 'e cumpetenzia. Si sperat chi pozat portai prus ricchesa a prou de sa idda, grazias a is bisitadoris de dogna logu chi hant'essi accattaus de genti amistanziosa e singilla, umili ma fracongia sempiri po sa paxi, donu arrexinau in s'anima e in su coru de 'ognunu, poitta in Nuradha s'ospitalidadi est sacra!

Tumba "megalitica" de Aiodda

  

Su Putzu Sacru de "Nieddìu"
Prova nd'hant a donai finzas e is tantis funtanas chi ndi ddi bessint 'e is venas, mai fadiadas 'e cantai cristallinas asuta de birdis padentis in d'una gara naturali 'e alligra poesìa chi no connoscit "definida"

Alessandru e Giuanni Manconi

  

- Nuradha -

BAI A HOME-SU POETA