ma
l’erica fioria
a
mette un sprusso pallido in to zerbo.
E
andemmo pe l’aia tranquilla
leggeri
in sce-e rocce marinn-e.
Anche
e prie pâ che o saccian
d’ese
ciù vixinn-e a-o çê;
se
dièiva che respïan
comme
l’erba ch’ò da-i pê.
Ecco
che spuntan i pin!…
Son
càreghi de pigne e candejette,
e
me pân tutti erboeti de Natale.
Tutti
son fermi e cantan sensa vento.
Se
ammiemmo in basso, lontan,
in
sce-o ciàn verde marin,
vedemmo
un gianco puntin
ch’ò
va desperso sbandòu;
o
l’è un öchin e o ne pâ
unna
farfalla in sce un pròu.
E
rocce do golfetto
sprofondan
in te l’ægua de smeraldo,
e
o sô che ven zù pallido
da-e
ombre de pinete
o
mette un freido de lunn-a
ai
bassifondi incantæ.
Chinâ
a San Fruttuoso
a-o
nasce da mattin,
ò
l’imprescion de cazze
dentro
a un fiore marin.
Edoardo Firpo