Seja
a Vernasseua
in
to golfo turchin
e
comme corde d’òu
tremman
e seunnan
dentro
a l’arco marin.
Un
solitario gossetto,
sistro
sulle mobili corde,
o
dorme in mezo a-a marinn-a,
a-o
vento fresco di monti
a
lenta onda a se-o ninna.
Vixin
a-a çimma do Fasce
ecco,
gh’è a lunn-a ch’a nasce
e
a caccia perle in sce-o mâ.
E
oua e onde che arrivan
da-a
parte de Portofin
camallan
o ciæo de lunna
e
o lascian chi in sce l’ænin.
Edoardo Firpo