Capitulu segundu

 Su carculu cumbinatoriu

                 bae a de nantis                  indighe

2.1

Su Cavalleri de Merč, Antoine Gombaud, haiat jogau a dados totu sa notte. Si fuit impuntadu a iscumiter in sa essida de unu doppiu ses, a faer sonnčs, e segundu sos carculos suos non depiat perder. Haiat perdiu, a su contrariu, sa inza de chentu ettaros chi teniat in sa Provenza. Tantu no ddi dispiaghiat chi sa inza esserat cambiau mere, po unu jogadore afetianau comente a issu no cheriat narrer nudda ca bene ischiat chi su chi si perdiat oe si torraiat a bincher cras, cantu su disturbu de che calare de Parigi a Provenza, e prus ancora de s'esser fattu incantare de cussos contos de aritmetica bonos a nudda. Propriu custa orta sos contos no torrāna, e po curpas de matematicos famados. Bae e fidadi! A manzanu chitzo haiat reunidu sa tzerachia, fattu preparare una carrotza, cumbidadu sa zente e via, siat a onorare su epidu, mancu po irgonza no si nde s'esseret ischipiu in ziru, e a pustis ca cun calincunu de sa cumpanzia depiat tenner acraramentos de importu. Sos contos de crachi manera depian torrare, a per forza.