Capitulu cuintu

Su contu de su Cavalleri de Merè.

5.1

bae a de nantis                                    indighe

 Su Cavalleri de Meré haiat cuminzau a arresonare gosi: happo agatadu una falsidade in sos numeros, po custu motivu: si fulanu tentat de incapare in d unu ses tirande unu dadu, dd'agatat cumbeniente a tentare de dd'inzertare faende batoro tiros. Ma si chircat de faer sonnés cun duos dados no ddi torrat cumbeniente in bintibatoro tiros. E puru 24 istat a 36 (su numeru de sas fazes de duos dados), comente 4 istat a 6 (su numeru de sas fazes de unu dadu). Custu fattu m'iscanduluzit meda, a prus de m'haer fattu perder sa inza de Provenza: sas proporziones no fun issas e totu costantes e s'aritmetica est cuntradditora. Nois nos basamus a susu de una regula tenta po ona finzas de Zirone Cardanu, matematicu italianu, chi narat: si   ponimus chi n siat su numeru de tentativos nezessarios in d unu esperimentu po chi tenzemus una probabilidade superiore a su chimbanta po chentu de inzertare una previsione, tando si 1/N[0] est sa probabilidade de inzertare in d unu tentativu solu e 1/N[1] est sa probabilidade analoga in d unaterunu esperimentu, tando N[0] : N[1] =n[0] : n[1]. In s'arresonamentu nostru 1/N[0] est sa probabilidade de faer ses tirande unu dadu una orta sola. N[0] est tando uguale a 6. 1/N[1] est sa probabilidade de faer doppiu ses tirande duos dados una orta sola. N[1] est tando uguale a 36. n[0] est numeru de sos tentativos fattos po sos cales torrat cumbeniente a puntare a susu de sa essida de su ses, si ancora no est essidu, ca sa probabilidade avanzat su chimbanta po chentu, e n[0] po esperienzia resurtat chi siat batoro. Ponimus chi siat bona custa proporzione:

N[0] : N[1] = n[0] : n[1] est a narrer:  6 : 36 = 4 : x. Isorta depet esser x = (36*4)/6 e resurtat chi 24 tiros fun bastante po chi sa probabilidade de faer doppiu ses (sonnés) siat prus manna de su chimbanta po chentu. Ma custu est farzu, poite sa probabilidade in argumentu est solu de su barantanoe po chentu: cantu bastat po faer perder a unu jogadore.

 

N[Solve[6/36==4/x]]

{{x -> 24.}}