-
Sicilia
-
Sicilia bedda
-
‘china di misteru
-
terra d’amuri
-
di dei e caluri
-
‘nte to brazza
-
a tutti ha ricivutu
-
e d’ogni razza
-
cu affettu l’ha sibbutu.
-
A quantu genti
-
‘i mamma
-
tu cià fattu
-
greci, normanni, latini,
-
ebrei, arabi, bizantini
-
e iautri
-
chi non mi ricoddu.
-
Sini un smiraldu
-
‘nta stu beddu mari
-
e chiù ti vaddu
-
e chiù iaiu di parrari.
-
Dill’antichità
-
si nu splinduri,
-
dill’umanità
-
lu megghiu amuri,
-
di tutti i ciuri
-
u chiù prufumatu
-
e di li vini
-
u chiù rumatizzatu.
-
U sacciu
-
chi non si ridi sempri
-
e u ciauru
-
non è sulu di ciuri
-
c’è puru fetu
-
di carni bruciata
-
e lacrimi di figghi massacrati.
-
Sicilia tu veramenti
-
non t’arrendi mai
-
ti sciughi l’occhi
-
e tiri sempri avanti,
-
ma non essiri tu sula
-
a pagari sti virgogni
-
non si soru bastarda
-
voghiu chi si scuta
-
e chi si vadda
-
chiddu chi succedi
-
all’otri menzi
-
ancora peggiu
-
di sta terra cauda.
-
Sempri s’ha dittu
-
chi tuttu u mundu
-
è paisi
-
e iò non mi stancu
-
mai di diri
-
ca nuddu postu
-
ci sunnu sulamenti
- canti e
risi.
|
