Poesia e dialetto 
Il Convivio

Emilio Gallina (Treviso)

Mare negra

Te jèri una déi tanti
su chél vagón pièn de zénte
del Venèssia-Udine
dée sie e quaranta.
Solo el colór déa pèe
te fasséva divèrsa,
zóvane dona de Cam.
No’ él to vardàr,
maternaménte ténaro
e cocolón,
inténto al rìdar inboressà
de do toséte
pèrse drio i so zoghi.
Un sorìso
péna péna segnà,
tradìva el to èssar mare
e in chée do toséte
te godévi i to putèi
lassài in man forèste,
par costrissión e ricàto
de chi, séra par séra,
ga vendùo e vénde
el to èssar dona,
baratàndo el to corpo,
par pochi schèi
da ti contratài
al scuro de strade
de un paese no’ tuo,
co’ dolór rassegnà:
quéo che segnàva de mainconìa
el to zòvane viso,
dolcìssima mare négra.
 

Stampa    Stampa il testo