Quadro che rappresenta il "Placito di Risano"
El famoso "Placito del Risano" in un quadro del pitor Giusepe Barison. L'anession dela nostra region (la marca de confin ciamada "Numerus Tergestinus") al Impero carolingio ghe ga portà solievo a Trieste, liberada cussì del incubo dele invasioni. Quel che ga creà no pochi problemi xe sta inveze l'impato co'l ordinamento interno del Impero, de s'cieta impronta germanica: el feudalesimo. A gente abituada de sempre a le legi romane, el fato che'l feudatario podessi decider de vita e de morte no ghe comodava, anche se 'sto poter el vigniva amorbidì de una spece de giudizio de apelo che iera i "placiti" dove che el popolo, atraverso i sui rapresentanti, podeva far sentir le su' ragioni ai "missi dominici": una spece de ispetori che po' ghe riferiva al imperator e giudicava in suo nome. Nel 804 sule rive del fiume Risan, davanti ai missi dominici, a vescovi e prelati, se trova i rapresentanti de Trieste e dele comunità istriane per domandar una tassazion più giusta, el dirito a regolar la vita dela comunità secondo consuetudine e una limitazion ai insediamenti slavi nel teritorio.

Chiudi Finestra