20 TESTI DELLE CANZONI DI ROSA BALESTRIERI

trascrizione "semi-artigianale" grazie all'aiuto dell'attrice Lucia Sardo

 

 

INDICE

 

  1. Lu venirì matina 

  2. Chiancennu e suspirannu 

  3. Cavaddu miu 

  4. Stasira cu lu ventu 

  5. Cummari Nina, cummari Vicenza 

  6. Mi votu e mi rivotu

  7. Acidduzzu

  8. U cunigghiu

  9. Na barcuzza banneri banneri

  10. A calari la trabbia 

  11. Ca sutta ‘ntra stu ‘fernu

  12. Mamma vi l’haju persu lu rispettu 

  13. Vtitti na bedda affacciata a na finestra 

  14. S. Antoniu calati calati

  15. Morsi cu morsi

  16. Olì olì olà 

  17. Quantu bacilicò  

  18. La siminzina 

  19. I pirati a Palermu (I. Buttitta)

  20. La tarantula 

Torna a Narrazioni

 

Lu venirì matina


Lu veniri matinu agghiorna chiaru
La bedda matri si mini ri camminu
Incuntrau a San Giuvanni ppi la via
Ci dissi: unni stati jennu o matri mia
Vaju circannu lu me caru figghiu
Ca lu pirdiu e nun lu pozzu asciari
Iti ni ssà casuzza di Pilatu
Lu iti asciari ‘nchiusu e ‘ncatinatu
Tuppi tuppi cu è docu darreri
Sugnu la to matruzza addulurata
Oh cara matri mia un tu pozzu apriri
Ca li Giurei mi stanu ‘ncatinannu
Iti docu darreri c’è l’arginteri
Facitici l’aneddu allu Signuri
L’aneddu allu Signuri nun ci stavi
Ci stanu tri chiuviddi e pedi a cruci
Ah caru mastru chi faciti astura
Fazzu tri chiova apposta ppi lu Signuri
Oh caru mastru nun li fari a st’ura
Ti paju la nuttata e la maestria
Oh cara matri nun lu pozzu fari
Unni c’è Gesù ci mettunu a mia
X2: La bedda matri ‘ndisi stu parrari
Fici vutari munnu, terra e mari.
 

Chiancennu e suspirannu


Chiancennu e suspirannu
La lassai
Assittatedda davanti la porta
Idda mi rissi veru ti ni vai
Ora li peni mia cu li cunorta
E lu viaggiu ca è luntanu assai
A lu ritornu tu mi trovi morta
A lu
A lu ritornu tu mi trovi morta
X2: Quannu la bianca manu ci tuccai
Paria la manu d’una vera morta
Chiancennu e suspirannu la lassai
Assittatedda davanti la porta
 

Cavaddu miu
 


A curri cavaddu miu
A curri e camina
A la strata è longa
E la mia è luntana
E lu scrusciu di la rota
E la catinaun’accorda sta canzuna paisana
Ah acca,
a quantu vali un capiddu
avissi a scrima….
 

Stasira cu lu ventu


Stasira vaju e curru cu lu ventu
A grapiri li porti di la Storia
Stasira vogghiu dari pu un mumentu
La vita a lu passatu e alla memoria
Stasira cu la vampa di l’amura
Scavu na fossa, na fossa
A lu duluri
C’è chiù duluri, c’è chiù turmentu
Ca gioia e amuri pi l’umanità
Nun è lu chiantu ca cangia lu distinu
Nun è lu scantu ca ferma lu caminu
‘ncapu li pugna, cuntu li ita
restu cu sugnu, scurru la vita
cantu e cuntu – cuntu e cantu
ppi nun perdiri lu cuntu.
 

Cummari Nina, cummari Vicenza
 

Ah cummari Nina
Ah cummari Vicenza
Cummari Nina, cummari Vicenza
Mittitivi a lenza ca veni u gné gné

(X2) s’è masculiddu lu mannu a la scola
s’è fimminedda a quasetta fa.
 

Mi votu e mi rivotu


mi votu e mi rivotu sospirannu
passu li notti ‘nteri senza sonnu
e li biddizzi to jù cuntimplannu
li passu di la notti finu a ghiornu
ppi tia un pozzu ora chiù durmiri
paci nun havi chiù st’afflittu cori
lu sai quannu ca jù t’av’a lassari,
quannu la vita mia finisci e mori
palumma ca camini
mari mari
ferma quantu ti dicu du paroli
quannu ti tiru na piuma di st’ali
quannu fazzu na littra
a lu miu amuri
littri ti ni mannu tri o dui
risposta ca di tia nun haiu mai
o chi si persi la carta ppi vui
oppuramenti scriviri nun sai
mi voti e mi rivotu sospirannu
passu li notti ‘nteri senza sonnu
cu ti lu dissi ca t’av’a lassari
meggghiu la morti ca chistu duluri
ahiahaihaiahihaihaiahi
x2: moru moru moru
ciatu di lu me cori
l’amuri miu si tu
cu ti lu dissi attia nicuzza
lu cori miu si schicchia
a picca a picca a picca
ahiahaihaiahihaihaiahi
x2: moru moru moru
ciatu di lu me cori
l’amuri miu si tu
lu primu amuri lu fici cu tia
e tu schifiusa ti stai scurdannu i mia
paci facemu o nicaredda mia
ciatu di l’arma mia
l’amuri miu si tu.
 

 Acidduzzu


Acidduzzu di me cummari
Senza piume e senza ali
Si pusau supra la testa
A me cummari ci fici na gran festa
Ma ch’è beddu st’acidduzzu
Chi cantari ca mi fa
Tutta la notti cici mi fa,
mi pizzica e mizzica
e poi si ni va!

Acidduzzu di me cummari
Senza piume e senza ali
Si pusau supra lu pettu
A me cummari ci fici gran latti
Ma ch’è beddu st’acidduzzu
Chi cantari ca mi fa
Tutta la notti cici mi fa,
mi pizzica e mizzica
e poi si ni va!

Acidduzzu di me cummari
Senza piume e senza ali
Si pusau supra lu panza
A me cummari ci fici sustanza
Ma ch’è beddu st’acidduzzu
Chi cantari ca mi fa
Tutta la notti cici mi fa,
mi pizzica e mizzica
e poi si ni va!

Acidduzzu di me cummari
Senza piume e senza ali
Si pusau supra a scagghiola
A testa di intra e l’ali di fora (X2)
Ma ch’è beddu st’acidduzzu
Chi cantari ca mi fa
Tutta la notti cici mi fa,
mi pizzica e mizzica
e poi si ni va.
 

U cunigghiu


Lu cunigghiu c’havi lu mussu
E lu mussu l’aviti vui
Jù stanotti mi lu ‘nzunnai
Mussu cu mussu, curcata cu vui
Ah la cirasa, la cirasa chi ciavuru fa
Sta picciuttedda m’a strica e mi vasa
Ca voli a cirasa ca pampina

Lu cunigghiu c’havi lu ciatu
E lu ciatu l’aviti vui
Jù stanotti mi lu ‘nzunnai
ciatu cu ciatu, curcata cu vui
Ah lu cutugnu, lu cutugnu chi ciavuru fa
Sta picciuttedda m’a stringi e mi vasa
Ca voli u cutugnu ca pampina

Lu cunigghiu c’havi lu pettu
E lu pettu l’aviti vui
Jù stanotti mi lu ‘nzunnai
Pettu cu pettu, curcata cu vui
Ah la cirasa, la cirasa chi ciavuru fa
Sta picciuttedda m’a strica e mi vasa
Ca voli a cirasa ca pampina

Lu cunigghiu c’havi la panza
E la panza l’aviti vui
Jù stanotti mi lu ‘nzunnai
Panza cu panza, curcata cu vui
Ah lu cutugnu, lu cutugnu chi ciavuru fa
Sta picciuttedda m’a stringi e mi vasa
Ca voli u cutugnu ca pampina
Lu cunigghiu c’havi la coscia
E la coscia l’aviti vui
Jù stanotti mi lu ‘nzunnai
Coscia cu coscia, curcata cu vui
Ah la cirasa, la cirasa chi ciavuru fa
Sta picciuttedda m’a strica e mi vasa
Ca voli a cirasa ca pampina

Lu cunigghiu c’havi li peri
E li peri l’aviti vui
Jù stanotti mi lu ‘nzunnai
Peri cu peri, curcata cu vui
Ah lu cutugnu, lu cutugnu chi ciavuru fa
Sta picciuttedda m’a stringi e mi vasa
Ca voli u cutugnu ca pampina

Lu cunigghiu c’havi lu pilu
E lu pilu l’aviti vui
Jù stanotti mi lu ‘nzunnai
Pilu cu pilu, curcata cu vui
Ah la cirasa, la cirasa chi ciavuru fa
Sta picciuttedda m’a strica e mi vasa
Ca voli a cirasa ca pampina
………………………………………
Ah lu citrolu, lu citrolu chi ciavuru fa
Sta picciuttedda m’a strica u linzolu
Ca voli u citrolu ca pampina.
 

Na barcuzza banneri banneri


E na barcuzza banneri banneri banneri
Sta dia d’amuri mi vieni a purtari
Ridiunu tutti li cilesti sferi
Trimavanu li specchi di lu mari
Binirittu lu diu chi ti manteni
Ca accussi bedda ti vosi furmari
Spampinanu li ciuri unnè ca veni
(X2) L’aria u tribulatu fai sirinari
Havia li trizzi di na Maddalena
U da sta si miritava natura
Nni la to casa nun ci sta lumera
Lu lustru lu fai tu stidda Diana
Catina chi mi teni ‘ncatinatu
Catina chi ‘ncatini l’arma mia
Beni ti vogghiu chiù di lu me ciatu
(X2) Accussi criru chi tu voi beni a mia.
 

A calari la trabbia
 

Ora mi nni vaju a calari la trabbia
Na tunnaredda tanta luminata
Ma jù pittantu nun mi lu criria
Di la truvari la nassa scassata
E tu trabbia
Comu un cani corsu
Mi stai supra comu un satanassu
Sugnu appuiatu supra un munti grossu
Viru li tunni e mi passuvu a rassu.
 

Ca sutta ‘ntra stu ‘fernu


Ca sutta ‘nda stu ‘nfernu puvireddu
Ah nui semu cunnannati a tirannia
La mmolla di li lupi su l’agneddi
Ah, chiancitimi chiancitimi
O mamma mia
La tirannia li carcagna ‘ncarca
E l’abbusu e lu putiri stricca e curca

 

Mamma vi l’haju persu lu rispettu
 

Mamma vi l’haju persu lu rispettu
(X2) Di la finestra cu
natichi tunni e lariulé
di la finestra lu fici acchianari

Cu parra parra mi lu tegnu strittu
(X2) La schetta vecchia nun
natichi tunni e lariulé
ca schetta e vecchia nun vogghiu arristari

ni ni fejemu dirittu dirittu
(X2) vo’ comu voli Diu
natichi tunni e lariulé
vo’ comu voli Diu m’a maritari
 

Vtitti na bedda affacciata a na finestra
 

Vitti na bedda affacciata a na finestra
C’abbivirava lu bacilicò
E jù ci rissi dammini nanticchia
Idda mi rissi è tuttu lu tò
E culu si e culu no
di notti si chianta lu bacilicò

Fammini iri me matri alla missa
Ca ti lu dignu cu tutta la grasta
Alla turnata ci tornu a passari
Persi la grasta e lu bacilicò
E culu sì e culu no
Di notti si chianta lu bacilicò.
Tu si bedda nica nica

Tu si bedda, tu si bedda, nica nica
Malandrina, malandrina e arrobba cori
Mi la rubbasti a mia stu cori
Ora lu teni, ora lu teni

Mi la rubbasti a mi

Quantu è bedda, quantu è bedda sta corpuratura
Lu pettu tunnu, lu pettu tunnu e lu visu aduratu

(X2) di tia lu sugnu assai ‘nnamuratu
comu a tia, comu a tia ca nun ci nnè

sti labbruzza, sti labbruzza ‘nzuccarati
l’occhi toi toi culuri di Mari
mi hannu fattu assai nnamurari
pi lu geniu pi lu sangu ca mi fai tu
chi su beddi, chi su beddi li toi capiddi
l’occhi toi, l’occhi toi culuri di mari

(X2) mi hannu fattu assai nnamurari
comu a tia nun ci nnè
tu si bedda, tu si badda nica nica
malandrina, malandrina e arrobba cori
mi l’arrubbasti a mia stu cori
(X2) comu a tia, comu a tia e nun ci nnè

ora lu teni ora lu teni.
 

S. Antoniu calati calati
 

E S. Antoniu calati calati
Ca jù l’annacu e vui l’addummisciti……vo

E si nun dormi beddu lu capizzu
Ti picchiu pi li pedi e t’arrumazzu……vo

E quannu veni la fest di lu munti
T’aja cattari tanti cosi, tanti……vo

O si po’ o nun si po’
Lu vistiteddu pi San Calò

E allu parrinu ci l’ama a diri
Chi l’avia purtatu ni lu varberi
Moru ch’è beddu,
moru ch’è granni
quannu crisci và a ccatta la carni
masculu e beddu
ci l’ama a diri aqlla raggia di li vicini

O si po’ o nun si po’
Lu vistiteddu di S. Calò
 

Morsi cu morsi
 

Morsi cu morsi
Cu m’amava persi
(X2) Comu fineru li joca e li spassi
Sta bedda libbirtà comu la pesi
(X2) L’ahnu in putiri li canazzi corsi
Chianciti tutti
Li liuni e l’ursi
(X2) Chianci me matri ca ri vui mi persi
Cu dumanna di mia
Comu nun ci fussi
(X2) Scrivitimi allu libru di li persi
 

Olì olì olà
 

Palazzu paroli fabbrica tò
Oli oli olà
Palazzu fabbricatu
‘nmenzu o mari

‘Nmenzu lu mari c’è
na villa nova
veni lu ventu e la
Oli oli olà
Veni lu ventu e
La mmutta a la plaja

Tolla ‘ntichiti tolla-la
Tolla ‘ntichiti tolla-la
Tolla ‘ntichiti tolla-la
Tolla ra la la

Ci sta na picciuttedda mariola
Di nomu ci mittemu
Oli oli olà
Di nomu ci mittemu Carniola
Teni li capèidduzzi
Bruni e rizzi
E si li ‘ntrizza a la
Oli oli olà
E si li ‘ntrizza a la palermitana
Tolla ‘ntichiti tolla-la
Tolla ‘ntichiti tolla-la
Tolla ‘ntichiti tolla-la
Tolla ra la la.
 

Quantu bacilicò
 

Quantu bacilicò simini ogni jornu
(X2) Tu mi l’ha dari na - cima allu jornu
Ah si voi lu me curuzzu ti lu mannu
(X2) Lu to mi l’ha mannari allu ritornu
ah li carnuzza tua ciavuru fannu
(X2) ca cu li ciaura ci – passa lu sonnu
ah bedda ca si ju t’avissi a me’ cumannu
(X2) dumani mi susissi a menz’jornu
 

La siminzina


bo e la ribò
ora veni lu patri to
(X2) e ti porta la siminzina
la rosa marina e lu bacilicò
o figghia mia
lu santu passau
e di la bedda
mi ni spiau
(X2) e ju ci dissi la bedda durmia
e dormi figghia di l’arma mia

vo, vo, vo dormi figghia e fai la vo
vo, vo, vo dormi figghia e fai la vo
 

I pirati a Palermu (I. Buttitta)
 

Arrivarru li navi
Quanti navi a Palermu
Li pirati sbarcarru
Cu li facci d’infernu

N’arubbarru lu suli, lu suli
Arristammu allu scuru, chi scuru
Sicilia chianci!

Tutt l’oru all’aranci
Li pirati arrubbarru
Li campagni spugghiati
Cu la negghia lassaru

N’arubbarru lu suli, lu suli
Arristammu allu scuru, chi scuru
Sicilia chianci!

Li culura do mari
N’arrubbarru chi dannu
Su ‘mpazzuti li pisci
Chi lamentu ca fannu

N’arubbarru lu suli, lu suli
Arristammu allu scuru, chi scuru
Sicilia chianci!

Alli fimmini nostri
Ci scipparrru di l’occhi
La lustrura e lu focu
Ca addumava li specchi
N’arubbarru lu suli, lu suli
Arristammu allu scuru, chi scuru
Sicilia chianci!.
 

La tarantula
 

A mi t’ha muzzicatu a bella la tarantola
E t’ha muzzicatu li pedi

Pedi cu pedi mo’ si ni veni
Mo’ si ni veni
Mo si ni va’
Chista è la tarantola

A mi t’ha muzzicatu o bella la tarantola
E m’ha muzzicatu la coscia

Coscia cu coscia mo mi si ‘ncoscia
Gamba cu gamba mi mi si n’ciamma
Pedi cu pedi mo si ni veni
Mo si ni veni mo si ni va
Chista è la tarantola

A mi t’ha muzzicatu a bella tarantola
E m’ha muzzicatu la panza

Panza cu panza mo mi s’avanza
Coscia cu coscia
Gamba cu gamba
Pedi cu pedi
Mo si ni veni
Mo si ni veni mo si ni va
Chista è la tarantola

A mi t’ha muzzicatu a bella tarantola
E m’ha muzzicatu lu pettu
…………………………………………
 

Torna su

Torna a Narrazioni