I VANGELI

ILLUSTRATI  DA

ODO TINTERI

Gesù e i discepoli di Emmaus

Gesù e i discepoli di Emmaus

da "I Vangeli"

E ecco in quello mëximo giorno dui de lö ëan in cammin pe' un posto lontan circa sette miggia da Gerusalemme, de nomme Emmaüs e parlavan tra lö de tutto quello che l'ëa capitòu. Tanto che descorrivan e descutéivan insemme, Gesù in personn-a o s'è avvixinòu e o camminava con loiätri. Ma i sò euggi no ëan boin de riconoscilo. E Lë o gh'ha dïto: « Cöse son questi descorsci che stae faxendo tra voiätri tanto che camminae? » Se son fermae, co-a faccia triste; un de lö, de nomme Cléopa, o gh'ha dïto: «T’ solo t'ë coscì foestê in Gerusalemme da no savéi cöse l'è capitòu in te questi giorni?» O l'ha domandòu: “ Cöse?» Gh'han risposto: «Tutto quello che riguarda Gesù o Nazareno ch'o l'è staeto profeta potente in parolle e in opere, davanti a Dio e a tutto o popolo, comme i sommi sacerdoti e i nostri cappi l'han consegnòu pe’ fälo condannâ a morte e doppo l'han misso in croxe. Noiätri sperävimo ch'o fïse Lë a liberâ Israele; con tutto questo son passae tréi giorni da quande queste cöse son avvegnüe. Ma quarchedunn-a de nostre donne n'han ben ben turbòu; son andaete de mattin a-o sepurto e no avendo treuvòu o sò corpo, son vegnüe a dïne d'avéi avüo anche 'na vixon d'angei ch' affermavan che Lë o l'ëa vivo. Dui o tréi de noiätri son andaeti a-o sepurto e han treuvòu comm'avèivan dïto e donne, ma Lë no l'han visto. « E Lé o gh'ha dïto: «Nesci e tardi de cheu in to credde a-a parolla di profeti. No bezeugnava che o Cristo o sopportesse queste sofferense pe’ intrâ in ta sò gloria?» E comensando da Mosè e da tutti i profeti o gh'ha spiegòu in tutte e Scrïtüe quello che se riferiva a lë. Quande son staeti arente a-o villaggio dovv'ëan diretti, Lë o l'ha faeto comme s'o dovesse andâ ciù lontan. Ma lö han inscistïo: « Resta chì con noiätri perché vëgne seia e sta zà finindo o giorno». Lë o l'è intròu pe' restâ con loiätri. Quand'o l'è staeto a töa con lô, o l'ha piggiòu o pan, o l'ha dïto a benedission, o l'ha rotto e o ghe l'ha daeto. Allöa se son averti i sò euggi e l'han riconosciùo. Ma lê o gh'è sparïo da-a vista.