I VANGELI
ILLUSTRATI DA
ODO TINTERI
Gesù al Getsèmani
Gesù al Getsèmani da "I Vangeli"
E doppo
avèé cantòu a canson son sciortïi verso o monte di Ulivi. AIlöa Gesù o gh'ha dito:
«Voiätri tutti ve scandalizziéi stanotte pe' causa mae. Sta scrïto de faeti:
«Picchiô o pastô e saian desperse e pëgoe da mandra, ma doppo a mae resurression ve
precediò in Galilea». E Pietro o gh'ha dïto: « Anche se tutti se scandalizzessan de
tì, mì no me scandalizziö mai». Gesù o gh'ha dïto: «In veitae te diggo: staneutte,
primma che o gallo o cante, tì no ti me riconosciae pe' trae votte ». E Pietro o gh'ha
risposto; « Anche se mi dovesse moî con tì, mì te riconosciö sempre». A stessa cösa
gh'han dïto i ätri "discepoli". Allöa Gesù o l'é andaeto con loiätri in
t'un campo dïto Getsémani e o l'ha dïto ai' "discepoli": «Assettaeve chì
tanto che mì vaddo a pregâ». E piggiòu con Ië Pietro e i dui figgi de Zebedeo, o l'ha
comensòu a preuvâ tanta tristessa e magon. O gh'ha dïto: « A mae anima a l'è triste
finn-a a-a morte, stae chì e stae adesci insemme a mì. «E faetose un pö ciù avanti, o
s'è inzenoggiòu co-a faccia pe' taera e o pregava dixendo: «Poae mae, se l'è poscibile
che passe da mi questo calice. Però no comme veuggio mi, ma comme Ti veu Ti '>. Poi o
l'è ritornòu da-i "discepoli" e o l'ha treuvae che dormivan. E o l'ha dïto a
Pietro: «Cosci no sèi staeti boin de stâ adésci n'öa
solo con mi? Stae adésci e preghae pe' no cazze in tentassion. O
spirito o l'è pronto,
ma a carne a l'è debole». E allontanandose torna, o pregava dixendo: «Poae mae, se
questo caliçe o no peu passâ da mì sensa che mì o béive, segge faeta a Tò voentae».
E tornòu ancon o l'ha treuvòu i seu che dormivan, perché i sò euggi ëan diventae
pesanti. O l'ha lasciae, o s'è allontanòu 'n'ätra votta e o l'ha pregòu pe' a tersa
votta ripetendo e stesse parolle. Poi o s'è avvixinòu a-i discepoli e o gh'ha dïto:
«Dormî ormai e appösaeve. Ecco l'è arrivòu l’öa in ta quae o Figgio de L'Ommo o
saiä consegnòu in te moen di peccatoî. Sätae sciù, andemmo: ecco quello ch'o me
tradisce o s'avvixinn-a.
Mt
26,30-46
Pagina principale:indexgen.htm
http://digilander.iol.it/genovaodo/vangeli/illustrati.htm
http://members.it.tripod.de/odot/tuttodo.html
mailto:i.tinteri@tiscalinet.it