I VANGELI

ILLUSTRATI  DA

ODO TINTERI

Il discorso della montagna

Vedendo a gente, Gesù o l'è montòu in sciö monte e, comm'o s'è assettòu, se ghe son avvixinae i sò discepoli". Piggiando allöa a parolla, o gh' insegnava dixendo: « Beati i pövei in spirito perchè saiä sò o regno di çê. Beati i afflitti perché saian consolae. Beato chi l'è paxe perché o I'ereditâ a taera. Beati quelli ch'han famme e sae de giustissia perché saian sfamae. Beati quelli che perdonn-an perché saian perdonae. Beati i puri de cheu perché veddian Dio. Beati i operatoî de paxe perché saian ciammae figgi de Dio. Beati i perseguitae pe' causa da giustissia perché l'è o sò o regno di çê. Beati voiätri quande v'insultian, ve perseguitian e, mentindo, dïan de tutti i mä contra de voiätri pe' corpa mae. Seggièi allegri e gödïne perché grande a l'è a vostra ricompensa in ti çê. Coscì de faeti han perseguitòu i profeti primma de voiätri. Voiätri séi a sâ da taera, ma se a sâ o perdesse o sò gusto, con cos'o se porriä rende savoïo? O no serve a ätro che a ëse cacciòu via e calpestòu da-i ommi.

Voiätri séi a luxe do mondo; a no peu restâ ascösa 'na çittae missa sorva 'n monte, nè s’aççende 'na lumëa pe' mettila sott'a-o "moggio", ma sorva o luxernâ perché a faççe luxe a tutti quelli che son in ta casa. Coscì risplende a vostra luxe davanti a-i ommi perché veddan e vostre opere bonn-e e rendan gloria a vostro Poae ch'o sta in ti çê.

No pensae che mi segge vegnùo pe' abolî a lezze, ma pe' perfessionäla».

Mc 5.1-17

Il discorso della montagna

da "I Vangeli"