GIANFRANCO ARLANCH
EL CAPITEL En vècio capitel de quei desmentegai che gh’era su na strada resta fora de mam el gheva i muri roti e tuti screpolai e ‘l so quertèl de prea ormai en de ‘n rotam. Roti i muri e tut spacà su ‘l quèrt el steva en pè ormai per tradiziom, dentro en la so nicia col cancelòt davèrt en Sant tut rovinà el feva compassiom. Nessum meteva ‘n lum o fiori zo ‘nte ‘l vaso come i gh’era ‘n temp pozai con devoziom, adèss gh’è calzinazi e ‘n candolòt piem raso de aqua vegnua zo co l’ultimo sguazzom. El Sant rafigurà ‘l pareva li a partir col so bastom en mam e ‘l cagn davanti al pè, pareva el voless nar, se pol asquasi dir, en posti bem diversi e no tornar pu ‘ndrè. El deva l’impressiom, e no sarìa po' stram, che ‘l ness da altra zent che gà bisògn de lù, e no narà via tant, magari qualche am che su quel vècio mur no se ‘l vederà pu.
|