Gianfranco Arlanch

Ogni tant ma sempre pù spess fago en sògn
che desmentego subit come som desmissià
e me lassa en malèsser, tant che bisògn
che me trova 'n amico da starghe tacà.

L'è come 'l penser de um che me spia
per chissà che motivo capità nel passà,
magari n'aziom che ho fat a chi sia,
e provo 'n fastidi a girar en zità.

Anca adèss mi me cruzio perché gò 'nla ment
sto penser che no passa per nessuna resom
e sempre pù forte me cresse el torment.

Ancoi po' gò 'n dubio che m'ha ciapà,
che sia qualche rimorso la spiegaziom,
o saral quel'ensògni che ho desmentegà?