Parole calde de anima lizera
come a volte te vem fora dal cor
gh'ó dit sul lac en di de primavera
a la Nineta che strenzeva al cor.

La luce de `n lampiom la se spegeva
come en lamp dai contorni malgualivi
e l'onda bassa e larga se desfeva
en tra i sassi de la sponda en zento rivi.

Ricordo ancora de tut quel noss parlar
de tanti sogni e de tanti desideri
e po' quela vozata fonda che á fat cantar
el cor e n'á sviá tuti i penseri.

E lí, soto `n olif, col lac vegnú d'arzent,
gh'ó dit parole che no á pú sentí nessuna,
parole ciare e dolze che se robeva `l vent
lizer sora le onde, ricamade da la luna.