Roberto Caprara

EL SOL SCAMPA

El sol scampa
drìo ‘l Vignòl
l’ombrìa apiam querze el castel
e tute le so erte.
Do merli de la tòr pu alta
se conta vece storie
de siori, de fam, de guere…
Rame spetenàe e sgròvie
careza la tera con rispett,
‘ncor morbia de ‘l sudor
de la pora zent.
…I t’à vestì de nòf,
cocolà, curà le ferìe,
sam e ‘ntrech
te tendi ‘l to paess.
Al piam cresse ‘l fum agro
de i cavai de banda
e tuti i ciàssi de adess,
ma ti dopo do colpi de tòss
te fai ‘ncor da nìo
ai useleti de la to Val.