‘nte ‘n prà vert e lonch,

zircondà da ‘l profum dela vita.

Drio de mi en cagn

co le bave ala boca,

remengo e zidioss.

Vei, gh’ò dit, sta bom,

che chi gh’è post

per tuti doi,

cori, sbaia, rùgolete

‘nte i macioni,

come voi far mi.

Ma lu, gnent,

cargo de rabia

el mireva la me gamba.

Ciapà fià,

som partì de nare,

cossì ‘n freta

che sgoleva ‘nte ‘l ziel.

Vardevo zo e l’era

sempre pu picio,

fim che l’è deventà ‘n puntim.

Ò tolt la goma

e l’ò scancelà.