Alor l’è vera

i ghe l’à fata
vegnùi de sera
co ‘n giòm de bata
netài via en colp sol
ani de storia… Sacrifizi…
Tuti i diss che no i ghe ‘n pol
politizi propi da precipizi.

Tra en rosàri de parole
zerca aiuto ‘n zitadim
smissia frasi senza bole
qualche verbo anca latim
e alor su a Roveredo
a far còa nei coridori
‘na boca agra come asedo
sgiònf de mal e de dolori.

Par suzeda ala pora zent
de dover sentirse mal
ma se capita el moment
che ‘n cagn gross zerca ospedal
spero sia dopo Borghet
cossì ‘ntant che el còr sbala
tra l’angossa ‘n poc de fret
saria comot anca Ala…