Ai péi de na cros
sfioris na ghirlanda
en ghirlo
de rose passe
che t’à sponzù ‘nte ‘l cor.
Po’ te la meti ‘n banda
per altri fiori
altri lumini da ‘mpizar,
e te cori
su ‘nte na strada longa
da caminar.

Anca na madaia d’oro
la finis de esser lustra,
la magna polver
de fòr
e de dent de ti
che te ài slongà la mam
per tòr
en sogn
e za l’è bel
che de la madona
- come rideva me pòr popà.-

Sul sinter no è restà
ombrie, sventade
o gozze de mel:
le péstole te le desfi
e ten fai de le altre
ti, sempre ti
che te resti.