Piero Sartori

L'era
'na casseta piccinina
'na cassettina bianca
coi so fioreti inçima,
e l'era fine Magio
... e gh'era so mama,
Soina,
che lo çercava coi oci,
desora i albari,
fra i sgoli de le rondene.
... e gh'era so pare,
che con caresse tenare
el comodava i fiori
come i so cavei.
La casseta l'era piccinina,
l'amor e 'l dolor grando,
ma lagrime no ghe n'era.
I l'aveva sepelido nel cor,
prima che in tera.