Notturno dal Monte Baldo
Quando che a sera
se sbassa le ale
dei becanoti
e la giornada
s-gionfa de l’istà
la rugola dai prà
fin drento al lago
sora un bombaso de foschia,
quando col vento
sempre in viaio
se s-gionfa tuta
la vela dei pensieri,
alora no te ghè
più tera drio
e te camini sora la to umbria,
frantumando el silensio
come un vaso de tera-cota.
… e se te scolti,
te senti el pestesàr
de le formighe
e i menuti che passa,
portadi via dal tempo
par man, come i butini.
Le stele te varda da distante
e la note che vien vanti a pian
prepara un bearon scuro
de malinconia.
El treno che sferaia destante
te traversa l’anema
come un tunnel.
NOTTURNO DAL MONTE BALDO
Quando a sera/ s’abbassano i voli/ dei beccaccini/ e la giornata/ corposa dell’estate/ rotola dai prati/ fin dentro al lago/ sopra una bambagia di foschia,/ quando con il vento/ sempre in viaggio/ si gonfia tutta/ la vela dei pensieri,/ allora non hai/ più terra alle spalle/ e cammini sopra la tua ombra,/ sbriciolando il silenzio/ come un vaso di terracotta./ … e se ben ascolti,/ riesci a sentire il pestolio/ delle formiche/ ed i minuti che passano,/ portati via dal tempo/ per mano, come i bambini./ Le stelle ti guardano da lontano/ e la notte che avanza piano-piano/ prepara un infuso scuro/ di malinconia./ Il treno che sferraglia distante/ ti attraversa l’anima/ come un tunnel.