PIERO SARTORI
L’OSPISSIO DEI PITOCHI
Muri grandi, sporchi,
dai coleti duri
‘na casa stantìa
drio ‘n gropo de vicoli.
Macerie de vita
sepelide nel desmentegòn
a l’ombra de ‘na mureta.
A sera,
come fantasmi,
drio le tendine
de do finestre alte,
face palide, malade,
le guarda rassegnade
i tramonti de l’istà
ingossadi de sol
e le montagne in fondo,
massa alte e destanti
denansi al so spetàr.
Solo le rondenele
sora i fili de la luce,
scrive par lori alegre
‘na riga de canson,
da cantar col vento
‘ndò se slarga i silensi.
(inedita)
La casa dei poveri
Mura alte, sporche,/ dall’aspetto arcigno,/ un casamento fatiscente/ dietro un dedalo di vicoli./ Macerie di vita/ seppellite nel dimenticatoio/ all’ombra di un muro./ Alla sera,/ come fantasmi,/ dietro le tendine/ di due alte finestre,/ facce pallide e smunte,/ guardano rassegnate/ i tramonti dell’estate/ traboccanti di sole/ e le montagne giù in fondo,/ troppo alte e distanti/ rispetto alle loro attese./ Solamente le rondini/ sui fili della luce,/ scrivono allegre per loro/ un rigo di canzone,/ da cantare assieme al vento/ dove si allargano i silenzi.