-
Tanticchia i lustru trasi
r’ jintra tu purteddu
-
lassatu picca, picca,’ccu
na filazza
-
‘n-ciarisci u jazzu na
‘n-cianchiteddu
-
purtannisi u jelu ro
stiddazzu.
-
Appaciatu ma ‘rrusbigghiu
-
stiracchiannu i quattro
ossa
-
m’assuma javutu un
varagghiu
-
sugnu vivu, no jiutra na
fossa.
-
Stanotti co pinzeru ha ju
vulatu
-
nun ricurdannu nenti ro
passatu
-
mugghèri e figghi ha ju
truvatu
-
nuddu ma dittu ca sugnu
carciratu.
-
L’occhi mi scrufunìu
-
abbannunatu, ora mi
ritrovu
-
mi votu e mi furriu
-
comu a badda jintra a
cozza i l’ovu.
-
Chiddu fu nu jornu
malidittu
-
quannu ‘n-corpu ha in
sparatu
-
tu pigghiai a centru i
pettu
-
stinnicchiànnulu ‘n-tò
sarciatu.
-
L’onuri lavai ‘ccu tu
sangu
-
Ora, mi
tuppuliu u pettu e mi
pentu.
-
È nu pisu ca portu
‘n-capu a cuscenza
-
i sbagghi si sapi, si
sbursunu a distanza
-
nu chiovu fissu, c’haju
jintra a menti
-
sulu ‘Ddiu canusci i
sentimenti.
-
Atturniatu ri sti quattro
mura
-
comu nu surci na rattera
-
u pinzeru m’accuttura
-
sugnu n’ommunu
‘n-galera.
|
|
