-
N’abbaglio,
ntra veglia e suonno
-
-
Prìmm’e me sosere,
ll’ata matina
-
m’aggio fatt’
n’atti muorz’e sunnellino.
-
È cchiù sapurit’
si, pecché è arrubbato
-
a ‘o tiempo nfame,
fra nu rintocco
-
[e n’ato!
-
Comm’a nu film, ca
spost’a
-
[nquadratura
-
nu mumento...
aggio turnato criatura,
-
mputrunito a
lietto, ntra veglia e suonno
-
na matina ‘e festa
e chi sà qual anno!
-
-
D’a senga d’a
porta ‘o rraù se nsinuava,
-
e a dduje rummur’
a tiempo,
-
[s’ammescava.
-
Era mamma, a fore,
ca laganiava.
-
Papà grattava ‘o
ccaso, puveriello!
-
(E sienze, alierta
primma d’o cerviello,
-
arravogliano
verità e fantasia!)
-
-
Nzieme ntunavano
sta melodia
-
pe... “laganaturo
solo e grattacasa”:
-
quasi un preludio
a chella sinfunia
-
ca se spanneva
cchiù tarde int’a casa!
-
Ca fosseno fusilli
arravugliati,
-
bucchinotti tunni,
o pure cavati...
-
nun c’era bene ca
tu vuliv’e cchiù:
-
quann’a recotta
s’abbracciava c’o rraù!
-
...Cu o naso
tellechiato a chili’ addore,
-
cu e rrecchie
ancora chiene
-
[d’o rummore,
-
m’aggio scetato,
nfuso de sudore!
-
Fore, n’ammuina
degna e na cagnara!
-
Se fonne nzieme a
‘llucchi
-
[e na cummara:
-
«Sciorta mia!...
S’è appicciato
-
[o munnezzaro!»
-
-
A “sciorta”... è a
mia: embè
-
[che ve ne pare?!
-
Sentì museca addò
nce sta rummore...
-
na puzza ‘e chelle
c’addeventa addore:
-
a faccia nterra
riuscì a vede’ a Luna!
-
Sti miracul’ e pò
ffa’ sul’ Ammore...
-
ah, putesse durà
chesta furtuna!
|
Poesia dialettale |
