-
Australia
sìcula
-
Alla
curtisissima attinzioni do Diritturi Salvatore
Samuel Mugavero di l’Associazioni “Trinacria”
-
-
Ehi, salutamu,
Australia, comu va,
-
e un baciamo le
mani a vvui paisani
-
ca v’attruvati
distaccati dda,
-
ai tanti assai ca,
tutti siciliani,
-
lassàstivu stu
suli e ccu gran pisu
-
partìstivu pi ss’àtru paradisu.
-
-
Cca nui ni la
passamu bbona assai,
-
comu si sa, ni sta
Sicilia bedda
-
fami e bbisognu
nun ni manca mai
-
e ognunu ciàvi
ormai la so’ minnedda
-
puru si sbummicò
na calurìa ca aguannu
-
ormai s’ha mmisu a
camurrìa.
-
-
Di novità, c’è ca
nni fanu un ponti,
-
si, chissu di ssu
strittu di Missina
-
e a nnui, ca di
tantànni semu pronti
-
p’attravirsari
appena si camina,
-
nni piaci, ca
emigrannu o suppergiù
-
ddu ferribbottu
nun ni servi cchiù.
-
-
Comu guvernu avemu
l’alternanza,
-
dui grossi e
cuntrapposti schieramenti
-
ca si scàncianu a
ttipu cuntradanza
-
però ccu vinci
vinci, un cangia nenti
-
c’a un dèbitu
oramai fora misura
-
stentamu pi
truvàrici la cura.
-
-
E ppuru stu
Guvernu reggionali
-
gira, vota e firrìa
comu si vò
-
và pi pigghiari
volu e sbascia l’ali,
-
nun c’è putenza
umana ca ci po’
-
ca s’un canciamu
nui mintalità
-
cu cumanna cumanna,
è sempri ddà.
-
-
E l’aspittamu, sta
pàssula ‘nbucca,
-
ca pi
rassignazioni e lagnusìa semu
-
tra i primi e
ormai mancu pi cucca
-
si parti o si
sprumenta fantasìa
-
ca cca tutta la
nostra picciuttanza
-
passìa, ma di
travagghiu nun n’avanza.
-
-
Vistu ca ormai la
mafia nun esisti,
-
anzi pari ca nun
ci ha statu mai,
-
campamu d’aria e
di chiossà turisti
-
ca sta nostra
Sicilia, comu sai,
-
è cchina di
biddizzi e maravigghi
-
ca t’arricria
d’unna la pigghi pigghi.
-
-
Ma tu lu sai, ca
puru a ss’àutru munnu
-
p’arricurdarti di
sta terra, amara
-
ma chi trasi ndo
cori e gira ‘ntunnu,
-
l’associazioni
forsi la cchiù cara
-
la facisti
Trinacria e in bellavista
-
chiamasti il
Ficodindia la rivista.
-
-
E a chista
Australia sìcula di cori,
-
ca stavi
‘nparadisu ma nni penza
-
e a mmenti torna
ca sinnò ci mori,
-
subbitània mi
sbummicò l’urgenza
-
di farci aviri
chistu ca vi dicu,
-
scrivutu cu
parrata di l’anticu.
-
-
Perciò quannu ogni
tantu vi sintiti
-
a scorcia di
cannolu e in nustalgìa
-
vistu ca di sta
terra siti ziti
-
nun c’è nenti ca
megghiu n’arricria
-
di na bedda
parrata in sicilianu,
-
puru scrivuta e
puru di luntanu.
-
-
E quannu
arriturnati anchi pi picca
-
nni sta terra ca
sempri ecchiù v’aspetta
-
sapiti già ca
essennu la cchiù ricca,
-
tantu di cori e
picca di sacchetta,
-
idda si mostrerà
cuntenta assai ca
-
di so’ figghi nun
si scorda mai.
-
-
Chiddu ca t’ava a
ddiri ti lu scrissi,
-
Australia, e ti
cuntavu l’alti e bassi
-
ora scrìvimi tu,
si ssiti i stissi,
-
fammi sapiri comu
ti la passi,
-
comu si campa beni
stannu bboni
-
a mmenzu a sta
putenzia di nazioni.
-
-
E allura,
Australia sicula, saluti,
-
saluti allegracori
e tant’aguri
-
pi tutti ssi
paisani scunusciuti
-
ca di Trinacria
spàrginu sapuri,
-
ca st’ìsula ca
spicca munnu munnu
-
è parti di ssu
cori vagabunnu.
|
Poesia dialettale |
