S’emigrante
Un ricordo dell’emigrante di un tempo, purtroppo ancora tanto simile al nostro.
di Cornelio Arra
Dae Loceri cust’annu iso’ partidu
Giustu a sal noe cun sa corriera
Indin’attimo mi so’ decididu
De bi torrare in terra istraniera
Ma de comente vio addoloridu
Pario andende a intrare in galera
Lassende cussa patria nadìa
Cun lagrimas ancora a mamma mia
Dopo un’ora de viagiu in Lanusée
Tando inie appo devidu firmare
Ca bi devio unu cumpanzu ispettare.
Pensende non podìa istare in pee
E custu ti lu giuru cree a me.
Vi’ gia decisu a torrare a rientrare
Aio su coro gai rattristadu
E poi su cumpanzu est’arrivadu.
Custu cumpanzu vidi unu giovanu
Chi de mene vid’unu connoschente
Candu m’a’ bidu m’a’ dasu sa manu
M’a’ nadu ite bi asa in sa mente
Pensa solu ca cras a menzanu
Idimos dae nou su continente
E li naro <<si, si>> sorridente
Pero’ a su logu meu vi pensende
Poi cuss’ora puru est’arrivada
E che mene non bi vi s’uguale
Intantu sa corriera si este aviada
Senza podere faghe unu signale
Diretta a Tortolì Baunei e Dorgale
Orosei Sinniscola e Posada
E deo sempre gai decisivu.
A sas sette a Olbia s’arrivu
Dopu tottu sa die in istrada
Cun pensamento chi non podìa istare
Ecco inìe sa nave ancorada
Chi parìada nois a ispetare
Tandu an dadu su permissu a intrare
Casi non bidio s’intrada
A sas undighes precisas es’ partida
Addiu narende Sardigna dechida
Ecco tandu s’arrivu su menzanu
I bi viada de gente una colonna
Inìe leamos su trenu pro Roma
Tandu Firenze, Bologna e Milanu
Poi a Como, Ciassu e Luganu
Inìe mancu puru vio in forma
S’Italia, Isvizera e Francia pustis oltrapassadu
Tandu soe in Germania arrivadu
Pustis chi soe in Germania arrivadu
Subito mi so’ postu a tribagliare
Sempre pensende pro ita vio andadu
Pro poder calchi cosa godagnare
Si vi’ pro non risparmiare
In logu meu mi vio restadu
Ma a sos tres meses in datta vatale
I che l’apo finida in s’ispidale.