"
STATTI CITTU CA MO TU LU CONDU"di Berto Rosania
Primu r’ fà juornu, r’ gregne er’n’ ‘ngimma a l’aria.L’ùtumu ausieddu ra cimma a la ras’la r’ la cèuza r’ carriammu ‘nguoddu.
Picca roppu n’ n’ jemmu a sp’culà. Trìrrici màttuli. ‘Ngera na mendana ca ogni puca era nu parmu; rumaner’n’ matronn’l’, pan’can’strieddu, gràl’ti, tenn’la, vezz’ e quacch’ squarcieddu. Li curmi megli megli r’ sciuppammu p’ ruturnà lu pagliaru. Roppu nu zicu, m’ttiemmu manu a r’ mazz’cator’, forch’, grastieddi e accriscitor’, pò chiurnicchi e jral’. S’auzau nu filu r’ faugnu e v’nduliammu e, a calata r’ solu, era chjnu lu cascionu. Na v’ndina r’ tomm’l’ e quacch’ m’zz’ttata sfusa.‘Ndra luci e scura car’cammu a Bbicienzu (lu ciucciu)... isch’ qquà... poggia... àaaaa! Jemmu a lu mulinu a nor’nott’ già curniciemmu fusiddi, matass’ e cìciri a totta juta.
A ghiuornu fattu passammu la josh’ca. Ai voglia r’accogli e vundulià: nunn’assìa cria, sulu puch’ e pagliosch’ca. ‘Ng’ r’ m’nammu a r’ gaddin’ e s’apparar’n’ tònn’ tònn’.
Sti cundi r’ tannu si ponn’ apparagunà a quiri r’ mò?
Na quera r’ pasonn’ e na quera r’ jittati, strutti e cunzumati senza fà lu riestu r’ cria, nè sann’ e nè ten’n’ capu r’ fà lu riestu r’ niendi.
Pov’r’ a lloru, nu li ricu cchiù niendi; queru c’anna passà avasta e sopra.
DETTI PAESANI
di Cettina Casale
Chi r’ nu ciucciu
n’ faci nu cavadduli primi càuci
sò ‘dd’ li sui.
Lu mastru è mastru
ma lu patronu
è capu mastru.
Sèm’na quantu vuò
ca semp’ a giugnu mieti.
R’ loff’ r’ r’ mon’ch’
addor’n’ r’ ‘ngienzu.
Chi ten’ li r’nari semp’ conda,
chi ten’ la migliera bbona semp’ canda.
E’ megliu a ess’ fessa
ca ess’ sìnnucu.
Casa p’ quandu basta,
vigna p’ quandu vivi,
luochi p’ quandu viri.
Le 5 "P" da cui stare lontani:
Pariendi, p’zziendi, putienti,
puttan’ e pagliett’.(avvocati - n.d.r.)
Lu ciucciu viecchiu
mor’ mmanu a lu fessa.
Chi chiangi fott’ a chi rir’.
Vieni a mangià a casa
e portìti la seggia e ru panu.
Stùria quntu vuò, ca ciucciu sì e
ciuciu rumani.
La fatica r’ li fessa, si faci ddoi
vot’.
Furtuna e cauci ‘ngulu viat’ a
chi n’av’.
Chi faci chiacchier’ nnanzi a lu
furnu, perd’ ru ‘ppanu.
Megliu send’ suonu r’ caten’ cà
r’ campan’.
Li soldi fann’ l’ati soldi, li prucchi
fann’ l’ati prucchi.
A cavaddu iastumatu li luci lu
pelu