A Bbare asselute da picche se màngene le panettone e le dolge che la creme ca vènnene bell'e fatte.
A le tiembe de nononne pe dolge, a le dì de feste (oldre a chidde ca sò ditte apprime ca se facèvene asselute pe le feste de Natale) se mangiavene le strascenate ngelesciate de recott'e zuccre.
Pe fa cusse dolge no nge vole nudde. Pigghie la recotta frescke de pèghere; ammine sope tanda zuccre fìngh'acquanne la siinde dolge 'o punde giuste (attenzione a no mangialle tutte cu assagge); nge mitte nu sprefume de scorze de lemone grattate; ce i è toste assà mitte nu squicce d'acque de maccarune e acquanne menestriisce le strascenate l' ammine jinde, doppe ca sì mettute sop'o piatte de fìierre smaldate chidde da acchenzà cu ragù.
Ngelesciisce le maccarune che la recotte e le mange a l'uldeme momende dope fernute de gnotte tutte u bbene de dDì ca si appreparate. Tu disce ca nonn'è nu dolge tande pe la quale? U si prevàte? ! Meh, assaggeue apprime e, dope ca te si alleccate u musse e u : piatte, ne parlame.
