Na volde, 'o vernedì sande, acquanne asseve la bregessione de le Mistere (sì ca asseve da Sande Grigorie ca da la Vaddise), le piccininne se vestevene a uerriere pe fegherà chidde ca acchembagnavene Criste sop'o Calvarie 'o tiembe de la via Crusce.
Sop'a le sciabue de ramère chidde piccininne pertavene mblezzate le taradde cu zuccre ca ognettande pezzuavene.
Chidde taradde ievene fatte ngase; però nge veleve nguocchedune de famigghie sperte a fa u sceleppe ca iè na cose nu picche fastedeose e diffigele.
Iosce, senza disce ca no nze iacchine chiù uerriere fìinde, percè tutte quande fascene le uerriere adavere che pestole, revoldelle, bbombe e catene, le tarall'e zuccre conviine chiù accattalle da le pastecciire percè u sfizie de falle ngase no mbale la fatiche.
