Su graficu
Su contu
Su problema
S'arresonamentu
Antiogu
Cosomo
Bartolu
Sa concluida
Si
cheres sighire a resonare cun nois
|
|
Tres Sennores, una orta,
Antiogu, Bartolu e Cosomeddu si haian leau paraulas e si fuan isfidaos a duellu. Unu
duellu a tres, unu truellu si haiat podet narrer, a corpos de pistola. Una pistola
peromine e unu corpu solu in canna. Si isparat
unu a sa orta. Chie isparat ,isparat, e chie nono arretzit su corpu.
Mutimus A, B, e C sos tres duellantes e semus a connotu chi A, cando isparat, faghet
tzentru una orta onzi tres, B duas onzi tres e C non faddit mai. In termines de
probabilidades:
P(A)=1/3,P(B)=2/3,P(C)=1.
Sos duellantes depen istabilire chie isparat a primu, chie a segundu e chie a urtimu.
Iscartan a tirare a billettes e si ponen a resonare, cuncordande chi,
democraticamente, s'ordine cun su cales si depet isparare si detzidit a vo-
tazione. Istabiliu s'ordine, onniunu isparat a chie cheret.
Si sos tres han arresonau che omines, in modu de otenner onniunu sa massima soddisfatzione
personale, hamus a narrer iscampare sa morte e procurare su dannu prus mannu a sos
avversarios, comente este andada a finire s'istoria?"; "Antiogu arresonat gosi:
Si jeo isparo a primu a compare Bartolu e lu occo,
Cosomeddu isparat a mimi, e si po comente no faddit mai unu corpu mi ochit : no mi
cumbenit. Si jeo isparo a primu a Cosomeddu e ddu oco, compare Bartolu isparat a mimi, e
ca tenet mira ona, mi podet ochire cun probabilidade 2/3.
Si jeo isparo a primu a compare Bartolu e non ddu oco, issu a mimi non mi isparat prus, ca
seo disarmau, e tando cricat de ferret a Cosomeddu, ca si no a pustis Cosomeddu podet
isparare o a mimi o a issu, e a unu de sos duos ddu ferit e semus mortos. Si compare
Bartolu ochit a Cosomeddu seo sarvu, si no cun probabilidade 1/2 Cosomeddu mi isparat. Si
jeo fatzo finta de isparare a primu a Cosomeddu e non lu ferzo, abarro disarmau e non seo
perigulu po nissunu, e tando Cosomeddu, si isparat po segundu, est pretzisu chi isparat a
compare Bartolu, ca si no tenet 2/3 de probabilidades de esser mortu, e jeo so
tzertu de esser sarvu. Mi cumbenit a isparare a primu in aria, e segundu depet esser
Cosomeddu. Compare Bartolu, passienzia.
Cosomeddu arresonat gosi:
Si jeo isparo a primu, a Antiogu o a Bartolu, unu de sos duos lu oco.Mi cumbenit a
isparare a Bartolu, ca tenet mira prus bona, e Antiogu mi poded ferret cun probabilidade
1/3. Non mi cumbenit a esser urtimu, ca a unu de sos duos ddi podet benner a conca a
m'isparare. Si seo segundu e primu est Antiogu mi ferit cun probabilide 1/3, si
primu est Bartolu cun probabilidades 2/3. Mi cumbenit a esser segundu e primu depet esser
Antiogu. Semper chi cumprendat chi sa cumbenientzia sua est a isparare in aria.
Bartolu arresonat gosi:
Non mi cumbenit a esser urtimu ca si compare Antiogu faddit a Cosomeddu, issu m'isparat, e
nemancu segundu ca si compare Antiogu faddit a Cosomeddu, cussu m'ispara e totu. Depo
esser a primu e depo isparare in aria: Cosomeddu depet esser segundu e gasi isparat a
compare Antiogu ca est s'unicu armau. Ma compare Antiogu puru hat a cherrere a esser primu
po sa matessi arresone. Jeo e compare Antiogu nosi depimus ponner de acordu inantis e
amenetzare a Cosomeddu chi ddu votamus a esser urtimu ,e unu de nois duos ddu podet
ferrer. E gasi sa cumbenientzia sua podet esser de non de faer nudda po custa orta. Ancu
mai si torret a bier.
E gai sos tres duellantes si ponen de acordu donniunu po cumbenientzia sua a rinviare a
faer sos contos.
|