|
sa mariposa de Lorenz
Su mastru nos iscriet
s'imbassada
su contu
sa resposta nostra
sos contos nostros
torran!
si cheres
sighire a resonare cun nois |
|
Hiamos rezziu una meda
aggradeschia littera de prof. Mariu Puddu, unu balente istudiosu de limba sarda e
appassionau de indovinzos. E tando sa littera est custa (thiu Mariu chi est'unu amigu
non'os hada a pedire sos dirittos de autore):
Tiu Martine istimadu...
Bos so iscrindhe ca si bos sezis postu a fagher contos no est debbadas! Ispero ebbia chi
fetedas bene sos contos, de torraren zustos. Bos recumandho de bi ponner cabu e contivizu
mannu ca sos contos de nois Sardos sunu...totu fadhidos: paret chi no zughimus conca, o
fossis conca emmo ma chentza cherbedhos, o fossis cherbedhos puru ma chentza
cumprendhoniu, o fossis fintzas cumprendhoniu ma no pro sos contos nostroso!
Mi faghet piaghere de bos mandare carchi riga a sa campidanesa, 'su pastori de centu', e
abbaidade de ischire cantas berbeghes zughiat custu cristianu!
Pastori de centu:
Saluri, pastor'e centu!
Eh, centu no sunti centu! Ma si fiant ateretanti, e sa metadi e unu cuartu, e cun su mascu
de ghias, centu funta is brebeis miasa!
Mariu Puddu
E nois dd'hiamus arrespostu:
Istimadu Professor Puddu,
Happo rezziu s'arreccumandada ostra e no imaginais su piaghere chi m'ha fattu. Grazias
medas de s'indovinzu, m'happo a ponner de lena ona po nde poder bogare azzola e cantu
prima a osi'nde render contu. Sa faina commente essidi,essidi, ca non bastada a s'impreare
po faere cosas bellas. Cun salude!
E custa es' sa soluzione a s'indovinzu:
Si su pastore tenia' tantos pegos, namus x, tando sighinde s'arresonamentu suu po nde
tenner chentu depiad'esser:
x+x+x/2+x/4+1==100
e a contos nostros su tazzu fu de trintases pegos.
Solve[x+x+x/2+x/4+1==100]
{{x -> 36}}
|