|
Comaredda, Comaredda,
a benies a zogare
a soddos, a perdigheddas,
a sa fune e a botzare.
A zogare a mistieris,
a Maria Pesabòla,
a ladros, carabineris
e a mastras de iscola.
A fagher sos palloneddos
cun fozas de iscrarìa,
cestinos e bambuleddos
de terra, de istratzìa.
A zogare in su cortile
cun Grassiedda e Frantziscu,
cun sa mastra sennorìle
fatta de trigu moriscu.
- Comaredda azoghittàda-
bos dimandat sa carrera
-A ube sezis andada,
ube azes sa ziminera?-
Faghende sa Lunamonta
Comaredda fit distinta.
In su murigheddu pronta
a fagher su brinca-brinca..
Comare teniat mira
in su camminu botzande,
cun sa frunda a tìra a tìra
a sa zente ischitzinande.
Comaredda azoghittada
faghiat sas cammineras,
e a donni temporada
colorìat sas camberas.
Impenas faghiat die,
pesavat a fagher runda:
a sos puzones de nie
chentriavat cun sa frunda.
Zogande a s’attàcca-attàcca
da Tzantzòtto a Laralài
cun sos soddos in buzàcca
zogavat in Ollolai.
Zogavat a avisedda,
a birillos, a dinare;
e fintzas a brocchitteddas
a bendere, a comporare.
Allutta chei su fogu
currende a su tene-tene.
Iscolliavat su zogu
cando no l’andavat bene.
A tottus ispiegande:
- Curre goi, curre gai !
Si perdes inghiriande…
Bessi-mi, Tzambarallài !…
Essi-mi-che da-e pedes
ca mi ruinas su zogu,
ca cun mene non bi sedes,
isbaràtza-mi su logu !-
Ite bellu,! Ite risu !
Ite bella pilocchìa
zogande a su Paradisu !…
S’ammentu de vida mia!
Cussos zogos sunt finidos
in d-un’epoca lontana…
Pudda tzega e bandidos…
in cussa terra galana.
Como est sola sa carrera;
tottus l’ant abandonada…
Comare mea brullera
una mastra est diventada.
E ca l’at amada tantu
in cussu tempus coladu,
liu dedicat su cantu
a tottu su bighinadu.
Comaredda, Comaredda,
a benies a zogare
a soddos, a perdigheddas,
a sa fune e a botzare.
|
GIOCHERELLONA
Comarella, Comarella,
ci venite a giocare
con monete e pietruzzelle,
con la neve e a saltare?
Al gioco dei mestieri,
a Coccinella Vola Vola,
a ladri e carabinieri
e a maestre di scuola?
A fare i palloncini
con le foglie d’asfodelo,
bambolotti e cestini
con creta e stracci di tela?
A giocare nel cortile
con Grazietta e Francesco,
con la maestra signorile
di pannocchie di granturco?
- Comarella, giocherellona,
vi domanda la vostra via
-dove siete, (amica mia),
dove avete il caminetto?-
Nel gioco del “Lunamonta”
Comarella era distinta.
Nel muretto sempre pronta
a saltar con una spinta…
Comare di buona mira
nel lanciar palle di neve,
con la fionda dava addosso
alla gente a più non posso.
Comarella giocherellona
anche le piste preparava,
e quando tanto nevicava,
le gambette arrossava.
Ogni dì giocherellava
e andava a far la ronda:
sulla neve li centrava
i passerotti con la fionda.
Giocava a nascondino
da “Tzantzotto a Laralai”
con centesimi soldini
nella tasca ad Ollolai.
Giocava con fagiolini,
con birilli e con soldini;
le brocchette amava fare
da vendere e da comprare.
Era sveglia come il fuoco
nella corsa acchiapparella.
E lo distruggeva il gioco
se notava comunella.
Insegnava da maestà:
-Corri di qui, corri di là!
Se perdi nel fare il giro…
“Tzambarallai”, ti ritiro!…
Esci fuori dai miei piedi
perché il gioco mi rovini,
tu con me certo non siedi
e sbarazzami il cammino!-
Oh che bello! Che allegria!
Oh che bella fanciullezza
che giocava al Paradiso!…
I ricordi di quella vita mia!
Quei giochetti son finiti
in un epoca lontana…
gallina cieca e banditi
nella cara terra paesana.
Ora è sola quella via;
tutti l’ hanno abbandonata…
Comarella briosa mia,
una maestra è diventata.
E perchè l’ ha amata tanto
in quel tempo che è passato,
glielo dedica il suo canto
all’ intero vicinato.
- Comarella, Comarella,
ci venite a giocare
con monete e pietruzzelle,
con la neve e a saltare?…-
|
