Una die so naschia
in custa Sardinna mia.
Custu mamma mi l’at nadu
e no l’apo ismentigadu.
Fit su trinta de Aprile,
a sas chimb’ ‘e s’impuddìle.
Naschia a lugor’ ‘e luna,
pitzinnedda bella bruna!
Naschia a lugh’ ‘e istella,
pitzinnedda bruna e bella!

Posta in d-una pedd’ ‘e lana
tottu a sonu de campana.
Campanas de alligria
sonavant in domo mia.
Fit in su barantaghimbe
e sa gherra fit fininde.
Sa zente fit tottu in festa…
Jaja mea lestra-lestra
amaniànde su bratzòlu,
mancari chene lenthòlu.
Babbu fit in terra anzena
e m’ant postu Madalena.

Cando l’ant telefonadu,
babbu derettu est ghiradu
a bolu chei su bentu,
allìgru, meda cuntentu,
nande:-Ite bella cosa,
m’est naschia una rosa!
Profumada, lisa-lisa…
Naschia cun sa camisa!
Naschia a lugor’ ‘e luna,
pitzinnedda bella bruna!
Naschia a lugh’ ‘e istella,
pitzinnedda bruna e bella!

E cando m’ant battizzadu,
puru custu mamma at nadu:
-Fias tue, cara fiza,
in sos bratzos a sa ritza !
Cherìas abaidare
sa zente curiosare
in s’istrada e in sa via
a tue, pitzinna mia!
Colorìda che una mela.
Un’ispàntu! Una pandèla!
Naravant sos tzios mannos:
-A bona e a chent’annos!
E chi tenzas bonasorte
che reina de sa corte!
E su re innamoradu
ti cantet in su costadu:
-Pitzinnedda bruna e bella,
naschia a lugh‘ ‘e istella!
Pitzinnedda bella bruna,
naschia a lugor’ ‘e luna!-
Che antiga profetzìa
custu at nadu mamma mia.
E donni notte serena
intendo sa cantilena:
-Pizinnedda bruna e bella,
naschia a lugh’ ‘e istella!
Pitzinnedda bella bruna,
naschia a lugor’ ‘e luna!

LUCE LUNARE

Un giorno sono nata
in questa Sardegna mia.
Questo mamma me l’ ha detto
e non l’ ho dimenticato.
Era il trenta di Aprile,
alle ore cinque , all’alba.
Nata con la luce lunare ,
bimbetta bella bruna!
Nata con la luce stellare,
bimbetta bruna e bella!

Messa su una pelle di lana
al suono delle campane.
Campane di allegria
suonavano a casa mia.
Era l’anno quarantacinque
e la guerra stava finendo.
Tutta la gente faceva festa…
La mia nonna lesta, lesta
preparava la culla
anche senza lenzuolino.
Mio padre era in terra straniera
e mi hanno chiamato Maddalena.

Quando gliel’ hanno telefonato,
babbo subito è rientrato
Al volo come il vento,
felice e contento,
esclamando:-Che bella cosa,
mi è nata una rosa!
Profumata, tutta liscia…
Nata con la camicia!
Nata con la luce lunare,
bimbetta bella bruna!
Nata con la luce stellare,
bimbetta bruna e bella!

Quando mi hanno battezzato,
pure questo mamma ha raccontato:
-Tu, figlia cara, eri in piedi
tenuta fra le braccia!
Volevi osservare
la gente curiosare
nella strada e nella via
a te, figlia mia!
Colorita come una mela.
Una meraviglia! Una bandiera!
Dicevano gli anziani:
- Che sia buona e a cent’anni!
E che abbia buona sorte
come una regina di corte!
E il re innamorato
canti al tuo fianco:
-Bimbetta bruna e bella,
nata con la luce stellare!
Bimbetta bella bruna,
nata con la luce lunare!-
Come un’antica profezia
questo ha detto mamma mia.
Ed ogni notte serena
sento la cantilena:
-Bimbetta bruna e bella,
nata con la luce stellare!
Bimbetta bella bruna,
nata con la luce lunare!