A Violetta de Caroggi - Matteo Merli

Testi originali in genovese e traduzione in italiano

A Violetta di caroggi 'Na votta gh'ëa 'na figgia onesta bella, de bonn-a famiggia ch'a s'ëa innamoä de 'n ommo ciû scarmo grammo che galantommo o l'ëa bello e ricco e o gh'aiva promisso o mâ, i monti e a lûnn-a e tanta fortûnn-a ma quande i fiori ëan pronti 'na seia de Mazzo lê o piggia coraggio "sentime ben Violetta comme dîlo no o so ma o mae cheu o l'é de 'n'ätra" pe no voeighe credde a scappa de casa a s'asconde da-a vitta e i anni ghe passan vixin òua a Violetta a gïa pe-i caroggi con tûtte e seu strasse e i seu quattro strofoggi e a va in gïo con 'na faccia tûtta trûccä perché a gh'ha sempre tegnûo a fâse ammiâ Perché a Violetta a l'ëa, comme se dixe, 'na vëa scignoa che se a fortûnn-a a gïa no ti a veddi mai cianze ma ciûttosto a va via e a s'asconde da tûtti pe lasciâse appassî comme in fiore inte 'n libbro sperando ch'o reste coscì comme o l'é e ti gïi pe-i caroggi con tûtte e teu strasse e i teu quattro strofoggi con due sporte de seunni e de libertae ma a nisciûn ti domandi a caitae Òua a Violetta a gïa pe-i caroggi con tûtti i seu anni e seu strasse e i strofoggi a va in gïo con 'na faccia tûtta inciasträ perché a gh'ha sempre tegnûo a fâse ammiâ.	Violetta dei caruggi C'era una volta una ragazza Onesta bella e di buona famiglia Che si era innamorata di un 'uomo Più disonesto che galantuomo Era bello e ricco E le aveva promesso il mare,i monti e la luna e tanta fortuna Ma quando i fiori erano pronti Una sera di maggio lui prende coraggio "Sentimi bene Violetta come dirlo non so ma il mio cuore è di un'altra" non volendogli credere lei scappa di casa si nasconde dalla vita e gli anni le passano vicino ora Violetta gira per i caruggi con tutti i suoi stracci e le sue cianfrusaglie e và in giro con il volto tutto truccato perché le è sempre piaciuto farsi guardare Perché Violetta era, come si dice, una vera signora che se la fortuna gira non la vedi mai piangere ma piuttosto và via e si nasconde da tutti per lasciarsi appassire come un fiore in un libro sperando che resti così com'è e giri per i caruggi con tutti i tuoi stracci e le tue quattro cianfrusaglie con due borse di sogni e di libertà ma a nessuno chiedi la carità Ora Violetta gira per i caruggi con tutti i suoi anni i suoi stracci e le sue cianfrusaglie e và in giro con la faccia impiastricciata perché le è sempre piaciuto farsi guardare
Buga Ûnna seia bella de stae eccome pronto pe anâ a ballâ Mi son bello son ûn artista co-o passo doppio tango e cha cha Scatto drïto in sce duî pê e in to tango fasso casché Poi con duî euggi imbalsamae ghe diggo "bionda, resta con me!" Buga, ti m'ë montòu in scï pê Buga t'ae i euggi imbalsamae Mia, t'ë brûtto da fâ puïa Se ti veu anâ a ballâ a mi no me çercâ Mia se t'eu trovâ moggê No ghe montâ in scï pê Faxendoghe o casché Me sentivo mortificòu a bella bionda a m'aiva mollòu No me fasso condissionâ coscì me metto torna a ballâ Doppo ûn tango appascionòu anche a mazurka ho imparòu A primma donna bella e slanciä a piggio de corsa e anemmo a ballâ Buga! a me dixe anche lê Buga, ti m'ë montòu in scï pê Mia, che me ne vaggo via Ti metti quaexi puïa E te s'aggroppa i pê Mia, no stanni ciû a ballâ E lascimene anâ Me vegne da cacciâ In ta calma veuggio imparâ cöse veu dî savei ballâ Queste donne mi no e capiscio con l'euggio languido e vaggo a çercâ Ghe n'é ûnn-a assettä lì m'avvixinn-o e lê a dixe scì No ghe penso manco ûn momento parto co-a rumba tango e cha cha Buga ma ti m'ae zà angosciòu Buga! Ma chi te gh'ha mandòu Scappo foscia no saiö bon Me metto a-o collo ûn mon Me caccio da-o barcon Mia son tûtto derenòu E spûsso de stûffòu Ormai so' arroinòu	Buga Una bella sera d'estate eccomi pronto per andare a ballare io son bello sono un'artista col passo doppio tango e cha-cha scatto dritto su due piedi e nel tango faccio il casché poi con due occhi imbalsamati le dico "bionda, resta con me!" " Buga1! Mi sei salito su un piede.Buga ! hai gli occhi imbalsamati guarda, sei brutto da far paura, se vuoi andare a ballare non mi cercare più guarda, se vuoi trovare moglie non le salire sui piedi facendo il casché" Mi sentivo mortificato, la bella bionda m'aveva mollato non mi faccio condizionare così mi metto di nuovo a ballare dopo un tango appassionato anche la mazurka ho imparato la prima donna bella e slanciata la prendo di corsa e andiamo a ballare "Buga" mi dice anche lei "Buga! mi sei salito su un piede, guarda che me ne vado via, fai quasi paura e ti si annodano i piedi guarda, non ballare più e lasciami andare, mi viene da vomitare" Con calma voglio imparare cosa vuol dire saper ballare questa donne io non le capisco con l'occhio languido le vado a cercare ce n'è una seduta lì, m'avvicino e lei dice sì non ci penso neanche un momento: parto con rumba tango e cha-cha "Buga! Mi hai già disgustato.Buga! ma chi ti ci ha mandato" scappo, forse non sarò capace, mi metto al collo un mattone mi butto da un balcone. Guarda son tutto sciancato e puzzo di stufato Ormai son rovinato   1 pesce dall'espressione particolarmente stupida, si usa per indicare individuo dall'aria "bollita"
Canson in riva a o mâ Solo chì assettòu, solo in riva a-o mâ Penso a ti coscì distante ormai No riescio ciû a dormî, no posso ciû mangiâ Me sento comme in pescio feua da-o mâ E 'n ätro giorno o se ne va E questo canto o me riporta in riva a-o mâ E 'n'ätra neutte a torna zà Sensa de ti no vivo ciû no posso stâ Cöse posso dî, cöse posso fâ Intanto che a mae vitta insemme a ti a va E 'n ätro giorno o se ne va E questo canto o me riporta in riva a-o mâ E 'n'ätra neutte a torna zà O teu respïo o ritroviö vixin a-o mâ E l'é zà tanto che son chì Sensa ti, me sento moî Sensa ti, me sento moî Solo chì assettòu, solo in riva a-o mâ Gh'é 'n ombra in lontanansa òua a vegne in sà Te drento de mi, te sento ciû vixin Propio comme l'onda ch'a sfiora quell'öchin E me pä vei ch'a t'ho baxä A primma votta in mëzo a-e barche in riva a-o mâ A nasce a lunna a Portofin A ne veddiä abbrassae in sce l'aenna chì vixin Mi e ti coscì vixin mi e ti Chì vixin in riva a-o mâ	Canzone in riva al mare Solo seduto qui, solo in riva al mare penso a te così distante ormai non riesco più a dormire, non posso più mangiare mi sento come un pesce fuori dal mare E un altro giorno se ne va e questo canto mi riporta in riva al mare e un'altra notte torna già senza di te non vivo più, non posso stare Cosa posso dire, cosa posso fare intanto che la mia vita insieme a te va via E un altro giorno se ne va e questo canto mi riporta in riva al mare e un'altra notte torna già il tuo respiro lo troverò vicino al mare Ed è già tanto che son qui, senza di te mi sento morire Solo seduto qui, solo in riva al mare c'è un'ombra in lontananza, ora viene da questa parte sei dentro di me, ti sento più vicino proprio come l'onda che sfiora quel gabbiano Mi sembra ieri che t'ho baciata la prima volta in mezzo alle barche in riva al mare nasce la luna a Portofino, ci vedrà abbracciati sulla sabbia qui vicino Io e te così vicini, io e te qui vicino in riva al mare
Cyrano de Bergerac A contâla a pä leggenda ma creddeime sta stöia a l'é vëa mi son l'anima reincarnâ de Cyrano de Bergerac te ciû drïto do Bergerac o naso lungo ûn parmo e mëzo faeto a bananna e liscio in to mëzo scrivo poemi e declammo poexie sotto a-i barcoin de belle scignoe   che gran poeta ch'o l'é o Bergerac co-a mae spada fasso giûstissia de tûtti i briganti coscì a primma vista poi m'accostippo, o naso o gh'ha o mocco e a-a fin da licensa e a-a fin da licensa? mi ve tocco   che bella lamma ch'o l'ha o Bergerac L'ätra seia inte 'n caroggio sotta 'n lampion gh'ëa do remescio quattro guardie cinque xattae dixeutto scaie e quella de piae   bossa arriva o Bergerac son intervegnûo e co-a mae spada ho misso paxe in ta contrada ûn gabibbo ch'o s'é arraggiòu con 'na nasâ l'ho scistemòu   che bella carubba ch'o l'ha o Bergerac a mae nasâ poco corretta ma pe-o dolore ghe xeua a beretta mi ghe l'ho daeta ma no so comme   dove? là dove a schenn-a a cangia nomme   belin che naso ch'o l'ha o Bergerac Camminando pe vico Casann-a in te 'n recanto gh'ëa 'na fantesca a m'ha dito "mi chiamo Rossana di professione sono mondana"   attento ai franchi Bergerac pe conquistâla gh'ho declamòu quattro versetti là in sciö ballòu ma lê a m'ha dito "se ti veu anâ" cösa a t'ha dito?" tïa feua i franchi no me o locciâ"   no gh'é de poexia cäo Bergerac se tu fossi un cavaliere avresti già un buco nel sedere caro Cyrano già che hai insistito io non sono mondana   e allôa cöse t'ë? son travestito   che brûtta a vitta ch'a l'é Bergerac Amareggiato e disgustato da questo mondo mal concepito il buon Cyrano vuol ritornar da dove è venuto dall'aldilà   sei un gran fantasma Bergerac ma dove siete belle signore madonne brune di ardente calore siete fantasmi di un tempo lontano ritorno da voi…. lo dice Cyrano	Cyrano de Bergerac A raccontarla sembra leggenda ma credetemi questa storia è vera io sono l'anima reincarnata di Cyrano de Bergerac   Sei più dritto di Bergerac1 Il naso lungo un palmo e mezzo, fatto a banana e liscio nel mezzo scrivo poemi e declamo poesie sotto ai balconi delle belle signore   Che gran poeta che è Bergerac Con la mia spada faccio giustizia di tutti i briganti così a prima vista poi mi raffreddo e il naso mi cola e alla fine della licenza e alla fine della licenza? Io vi tocco Che bella lama che ha Bergerac! L'altra sera in un vicolo sotto ad un lampione c'era del movimento Quattro guardie, cinque protettori, diciotto prostitute e quella delle pelate2   Bossa3, arriva Bergerac! Sono intervenuto e con la mia spada ho messo pace nella contrada Un gabibbo4 che s'è arrabbiato con una nasata l'ho sistemato   Che bella carubba che ha Bergerac ! La mia nasata era poco corretta e per il dolore gli è volato via il cappello Io gli l'ho data non so come dove? là dove la schiena cambia nome   Belin6 che naso che ha Bergerac! Camminando per vico Casana in un angolo c'era una fantesca Mi ha detto "Mi chiamo Rossana, di professione sono mondana"   Attento ai soldi Bergerac! Per conquistarla le ho declamato quattro versetti lì sul pianerottolo Ma lei mi ha detto "Se vuoi andare, tira fuori i soldi e non mi scocciare"   Non c'è più poesia caro Bergerac! "Se tu fossi un cavaliere avresti già un buco nel sedere" caro Cyrano già che hai insistito io non sono mondana   E allora cosa sei? "son travestito!"   Che brutta che è la vita Bergerac! Amareggiato e disgustato da questo mondo mal concepito il buon Cyrano vuol ritornar da dove è venuto dall'aldilà   Sei un gran fantasma Bergerac! Ma dove siete belle signore madonne brune di ardente calore siete fantasmi di un tempo lontano ritorno da voi…. lo dice Cyrano   1 i corsivi sono cantati dal coro 2 venditrice di castagne bollite 3 esclamazione per esortare al silenzio in vista di un pericolo 4 soprannome, non proprio simpatico, con cui talvolta si indicano i forestieri 5 nel senso di naso 6 per chi non l'avesse mai sentita è l'interlocuzione più usata in Liguria, il significato è facilmente immaginabile
Me ciamman o cëgon Me ciamman o cëgon de Stûrla o ciû bon ve veuggio racconta comme se deve fâ ve parlo òua da primma 'na rossa portentosa e tette comme vette a se ciammava Rosa ne voeivo ûn pittinin a m'ha daeto duî mascoin allôa me son giòu e con coraggio son scappòu E figgie a l'é a veitae me cazzan tûtte ai pê da-a seia a-a mattin g'ho frûsto o robettin !!!!! a l'é arrivâ a segonda da tûtte e parti rionda cavelli a bebé bella davanti e de derrê ricordo a se ciammava a bella Terexin però inte tûtta a vitta... a no l'aia visto mai in belin L'é 'na maledission cöse ghe posso fâ se piaxo a-e donne ciû de Rodolfo Valentin gh'ho sentimento mi gh'é ûn cheu ch'o batte chì l'ûnica donna ch'a me capisce davvei a l'é mae moae De donne ghe n'ho tante da Zena finn-a a Pisa ma a mi no me o loccê e miande gh'ho de ghisa   allôa co-a mae passiensa mi staggo a aspëtâ a l'é in sciä spiägia steisa me sento remesciâ Rebecca o l'é o seu nomme me caccio comme in pescio ma no se mescia ninte... e lê a me dà do nescio Son bello e son fûsto e o diggo con gran gûsto ma no staeme da vixin... donne !!! m'ei rotto zà o belin L'é 'na maledission …..	Mi chiamano cëgon Mi chiamano cëgon1 di Sturla2 il migliore vi voglio raccontare come si deve fare vi parlo ora della prima, una rossa portentosa le tette come vette , si chiamava Rosa ne volevo un pochettino, lei mi ha dato due ceffoni allora mi sono voltato e con coraggio sono scappato Le ragazze, è la verità, mi cadono tutte ai piedi dalla sera al mattino mi consumo il "robettino"!!! è arrivata la seconda da tutti i lati rotonda i capelli alla bebè, bella davanti e da dietro ricordo si chiamava la bella Teresina però in tutta la vita non aveva mai visto un belino E' una maledizione, cosa ci posso fare se piaccio alle donne più di Rodolfo Valentino ho sentimento io, c'è un cuore che batte qui l'unica donna che mi capisce veramente è mia madre Di donne ne ho tante , da Genova fino a Pisa ma a me non me lo menate, le mutande le ho di ghisa allora con la mia pazienza rimango ad aspettare è stesa sulla spiaggia , mei sento rimescolare Rebecca è il suo nome, mi butto come un pesce ma non si muove niente e lei mi dà del cretino Sono bello e sono fusto e lo dico con gran gusto ma non statemi vicino…donne mi avete già rotto il belino!!! E' una maledizione…..   1 traducibile con "piegone" coé colui che piega tutte le resistenze del gentil sesso 2 delegazione del levante Genovese in cui peraltrorisiede veramente Matteo Merli
Miagette de creuse1. Benito Merli Miagette de creuse tûtte fiorïe Quarche ciaebella in sce-e feuggie a pousa Profûmmo de l'aiga Disteisa in scë prie Che mûxica dôçe o remescio do mâ O gorfo o l'é bello e cianin cianin Te spunta a lûnn-a da Portofin Ûnna lûxe a s'aççende e a rebiga in sciö mâ O l'é ûn quaddro d'autore me ven da cantâ Neutte de lûnn-a in riva a-o mâ E tûtto l'insemme o cominsa a cantâ I scheuggi s'amantan d'argento ciû fin E creuse diventan de 'n cô çenerin Neutte de lûnn-a in riva a-o mâ I galanti se çercan pe poeise baxâ no gh'é de poeti che peuan declamâ Perché o gorfo de Stûrla O l'é faeto pe ammiâ 'Na serenata de 'na chitära In questa neutte a se sente sûnnâ 'Na figgia bella ch'a se prepara A-o primmo baxo che ghe daian S' adescia o giorno Ma tûtto o resta de questa armonia Ûnna lûxe a cangia e lì nasce o sô o gorfo o l'é bello de ricco splendô	Muretti delle stradine. Muretti delle stradine, tutte fiorite qualche lucciola posata sulle foglie profumo dell'alga distesa sulle pietre che musica dolce, il movimento del mare Il golfo è bello e piano piano spunta la luna da Portofino una luce si accende e gioca sul mare è un quadro d'autore, mi viene da cantare Notte di luna in riva al mare e tutto l'insieme comincia a cantare gli scogli si rivestono dell'argento più fine le stradine diventano di un colore cenerino notte di luna in riva al mare i fidanzati si cercano per potersi baciare non ci sono poeti per poter declamare perché il golfo di Sturla1 è fatto per essere ammirato La serenata di una chitarra in questa notte si sente suonare una bella ragazza che si prepara al primo bacio che le daranno si sveglia il giorno ma tutto rimane in questa armonia una luca cambia e lì nasce il sole il golfo è bello di ricco splendore   1 le creuze sono sentieri di ciottoli e mattoni tipicamente liguri, generalmente non carrabili, che si sviluppano dalla costa verso i monti
O fravego - Franco Bampi - Didattica O fravego o gh'ha 'n scagno lûvego ciû scûo de 'n fondego in te 'n caroggin. Da-o portego o vedde o traffego corrî in sce l'astrego fin da-a mattin. A porta ben serrä chi vegne pe accattâ o sa o deve sûnnâ. O sta in to scagno co-a mamà. Feua gh'é in gïo ûn mandillâ ch'o ghe veu arröbâ ma lê puïa o no ghe n'ha. O fravego o l'é 'n ommo rûstego ghe piaxe o bûddego e do bon vin. A domenega ghe vegne a rantega l'aegua a se spantega sott'a-o bronzin. E o pensa in ta çittae pe mi figgie no ghe n'é e mi n'ho sempre coae ma ho daeto a mente a mae moae misso ai löi pe-a mae etae co-e masche alleitûgae ho tiòu in sce l'aenn-a e rae. L'é teuscego scûggiâ in sciö leppego chinâ in te l'endego dell'assascin. Co-a pertega baccae a raffega sovia a pellantega pe vegnî a-a fin. E comme 'n foestê ch'o va pe-o sò sentê chi picca o l'é lê e seu moae a cazze d'in pê. Lê o a creuve con ûn pappê poi o sciorte in to quartê pe dâse prexonê.	L'orefice - Franco Bampi - Didattica L'orefice ha un ufficio tetro più scuro di una bottega del vino in un vicoletto. Dal portone vede il traffico correre sul lastricato fino dalla mattina. La porta ben chiusa chi viene per comprare lo sa, deve suonare. Sta nell'ufficio con la mamma. Fuori c'è in giro un borsaiolo che lo vuole derubare ma lui paura non ne ha. L'orefice è un uomo burbero gli piace la rana pescatrice e del buon vino. La domenica gli viene il rantolo l'acqua si disperde sotto al rubinetto. E pensa nella città per me ragazze non ce ne sono e io ne ho sempre voglia ma ho dato retta a mia madre preso in giro per la mia età con le guance piene di grinze ho tirato sulla rena le reti. È velenoso scivolare sul viscidume scendere nell'indaco dell'assassino. Con la pertica bastonate a raffica sopra la pelle molla per giungere alla fine. E come uno straniero che va per il suo sentiero chi picchia è lui e sua madre cade d'in piedi. Lui la copre con un foglio di carta poi esce nel quartiere per darsi prigioniero.
O mae porto Ricordo con mae poae anavo a passeggiâ lì vixin a-o mâ derrê a casa mae navi in quantitae pronte da scaegâ camalli lì assettae pe poeise riposâ mancinn-e in assion ûn pö de confûxon balle de pappê bananne e poi caffè e foscia quarchedûn quarcösa o l'ha piggiòu cangiando a situassion do povio desgrassiòu O l'é o porto da mae Zena questo chì o mae porto o arregordo ancon coscì grosse navi all'imbocco lì da-o meu tanti ommi co-i ganci in sciö panê ûn ricordo che lasciâme o no veu o l'é o porto quello che mi veddo chì chi pensava ch'a finisse poi coscì l'Eritrea e o Ponte Calvi ni gh'en ciû ma i camalli gh'han lasciòu a zoventû e a niätri figgieu ne divan fortûnae perché inte quello porto louava nostro poae nisciûn o peu smentî ch'a l'ëa propio coscì ma quanta penn-a òua a pä tûtta 'na foua o porto önô de Zena pe quanti o l'ëa o pan pensae invece òua nisciûn gh'ha ciû ûn doman "città per il turismo" ne dixe chi governa ma se neghesci tûtti a saieiva 'na quaterna O l'é o porto quello che mi veddo chì chi pensava ch'a finisse poi coscì l'Eritrea e o Ponte Calvi ni gh'en ciû ma i camalli gh'han lasciòu a zoventû ûn ricordo che lasciâli o no peu ne invexendan con l'acquario pe-a çittae ma mi veuggio ancon dîve a veitae quanta gente a l'ha avûo da mangiâ e o seu porto çerto a no o porriâ ascordâ ne invexendan con l'acquario pe-a çittae ma mi veuggio ancon dîve a veitae quanta gente a l'ha avûo da mangiâ	Il mio porto Ricordo che con mio padre andavo a passeggiare lì vicino al mare dietro a casa mia navi in quantità, pronte da scaricare scaricatori lì seduti per potersi riposare mancine in azione, un po' di confusione balle di carta , banane e poi caffè e forse qualcheduno qualcosa ha anche preso cambiando la situazione da povero disgraziato E' il porto della mia Genova questo qui il mio porto lo ricordo ancora così grosse navi all'imbocco lì dal molo tanti uomini con i ganci sul sedere un ricordo che lasciarmi non vuole è il porto quello che io vedo qui chi pensava che finisse poi così l'Eritrea e il Ponte Calvi1 non ci sono più e gli scaricatori ci hanno lasciato la gioventù E a noi bambini dicevano fortunati perché in quel porto lavorava nostro padre nessuno può smentire che fosse proprio così ma quanta pena ora sembra tutta una favola Il porto onore di Genova per quanti era il pane pensate invece ora nessuno ha più un domani "città per il turismo" ci dice chi governa ma se annegaste tutti sarebbe una quaterna E' il porto quello che io vedo qui chi pensava che finisse poi così l'Eritrea e il Ponte Calvi non ci sono più e gli scaricatori ci hanno lasciato la gioventù un ricordo che lasciarli non può ci confondono con l'acquario per la città ma io voglio ancora dirvi la verità quanta gente ha avuto da mangiare e il suo porto certo non potrà dimenticare.   1 nomi di due moli del porto di Genova
Sciûscia vento Sciûscia sciûscia vento de sciöco sciûscia sciûscia vento de mâ ch'o fa cioccâ a camixa in sciä pelle marsa suä lepego in taera de sporco e de sâ a raggia ch'a monta te vegne da criâ ligae da stu sciöco ch'o no fa respiâ amiëmo o remescio de l'aegua, a melassa in to mâ l'onda ch'a scrosce in sce l'aenna che a-i scheuggi a s'é arrembä e barche i pesci e i Cristien son sfinïi zà da-o bollezzâ   Aegua rossa da-o çê bonn-a solo a inciastrâ ti sbraggi a 'n figgieu ch'o zeuga in ta scâ veddri serrae e drento facce appannae anche pe fa l'amô gh'é da mesciâse gh'é da suâ a pelle a s'incolla a-a pelle e o cheu o batte finn-a a scciûppâ e gossa a gossa o çervello zû pe-o fî da schenn-a o côa 'na voxe in ta testa de longo a te crïa òua scappa via Sciûscia sciûscia vento de sciöco sciûscia sciûscia	Soffia vento Soffia soffia vento di scirocco soffia soffia Vento di mare che fa impazzire la camicia sulla pelle marcia di sudore viscido in terra, di sporco e di sale la rabbia che monta, ti viene da gridare legati da questo scirocco che non fa respirare guardiamo il ribollire dell'acqua, la melassa nel mare L'onda che scroscia sulla sabbia che agli scogli si è appoggiata le barche i pesci e i cristiani sono sfiniti dal ribollio Acqua rossa dal cielo capace solo di sporcare gridi ad un bambino che gioca nella scala vetri chiusi e dentro facce appannate anche per fare l'amore c'è da muoversi, c'è da sudare la pelle s'incolla alla pelle e il cuore batte fino a scoppiare E goccia a goccia il cervello giù per la spina dorsale cola una voce in testa ti grida continuamente "ora scappa via"
Stagioin Ghe son stagioin che ti, ti no ti peu dormî e no te vegne mai, no te vegne mattin Quando no gh'é de lòu, pä che te manche o sciòu e ti te fae man man sottî e no ti sae pe chi pregâ de travaggiâ de travaggiâ Ghe son stagioin che ti, ti no ti peu capî vegnan che san de sciòu, che san de vin Marzo da fâ negâ, sciöpo da fâ cagâ vegnan che no ti sae, pe chi e no ti sae pe chi pregâ pe travaggiâ, pe travaggiâ Anche e stagioin da puïa, gian comme na reua e o mä de cheu o stramûa, o stramûa da ti Mentre ti cacci a sâ, te vegnan a ciammâ che ti te peu imbarcâ, e ti sottî sottî comme 'n'ancioa t'ë lì che no ti veddi l'ôa de navegâ de navegâ	Stagioni Ci sono stagioni in cui, tu non puoi dormire e non ti viene mai, non ti viene mattina Quando non c'è lavoro, sembra che ti manchi il fiato e ti fai sempre più sottile e non sai per chi pregare di lavorare di lavorare Ci sono stagioni che tu, tu non puoi capire che sanno di fiato, che sanno di vino Marzo da fare annegare, sciroppo per fare cagare verranno che non sai per chi e non sai per chi pregare per lavorare, per lavorare Anche le stagioni della paura, girano come una ruota e il mal di cuore se ne va, se ne va date mentre butti il sale, ti vengono a chiamare che ti puoi imbarcare, e tu sottile sottile come un'acciuga sei lì che non vedi l'ora di navigare di navigare.
Tempo de guaera Ti o senti o pippetto o l'é zà in pö ch'o gïa E staneutte se dorme in galleria Co-a piccinn-a ch' l'ha e rossazze Ingûggeita inte 'na coverta zû pe-a scâ Povia Lina teu maio in porto a travaggiâ Mentre a neutte a s'aççende in sciä çittae Ogni córpo ûn resato a-o cheu Ogni botta 'na lagrima in scï teu figgieu Pe fâte coraggio ti pensi a-o teu tempo ciû bello a-a teu primma figgia inandiä in sce 'n pròu de stae A quelle domeneghe primma da guaera Assettä stanca morta in cuxinn-a In sciä toua de marmo 'na çimma e o pin pe-i raieu… i teu raieu Ma doman cöse t'inventiae pe poei mangiâ E teu figge han da cresce e no bastiä o pan pöso arrestòu in ta cantia Pensa Lina con 'na palanca cöse fâ T'han mandòu in sciä Cheullia de nascosto a accattâ Piggia in sacco de faenn-a e ûn pö de sâ Pe-i tedeschi t'aspëti ûn figgio L'é ûn fangottu ligòu streito sott'a-o vestî E ûn giorno lontan ti vediae saiä tûtto ûn ricordo Da contâ a-i teu nevi, o giorno de Natale Ma no saiä façile fâghe accapî che e teu stöie No son foue ma tòcchi de vitta Ogni tòcco 'na rûga profonda in sciä faccia teu Me a ricordo ancon… ancheu	Tempo di guerra Lo senti "pippetto"1 è già un po' che gira e stanotte si dorme in galleria con la piccina che ha la rosolia avvolta in una coperta giù per le scale Povera Lina tuo marito in porto a lavorare mentre la notte s'infiamma sulla città ogni colpo un tuffo al cuore ogni botta una lacrima sui tuoi bambini. Per farti coraggio pensi al tuo temp più bello alla tua prima figlia concepita su un prato d'estate a quella domeniche prima della guerra seduta stanca morta in cucina sul tavolo di marmo una cima2 ed il ripieno per i ravioli… i tuoi ravioli Ma domani cosa inventerai per poter mangiare le tue figlie devono crescere e non bastera il pane raffermo rimasto nel cassetto pensa Lina con un soldo cosa fare Ti hanno mandato sulla Cheullia3 di nascosto a comprare prendi un sacco di farina e un po' di sale per i tedeschi aspetti un figlio ma è un fagotto legato stretto sotto al vestito E un giorno lontano vedrai sarà tutto un ricordo da raccontare ai tuoi nipoti il giorno di Natale ma non sarà facile fargli capire che le tue storie non sono favole ma pezzi di vita ogni pezzo una ruga profonda sulla tua faccia me la ricordo ancora …oggi   1 era il soprannome che la gente dava a Genova , durante la seconda guerra mondiale agli aerei da ricognizione che con il loro passaggio avvisavano dell'imminenza di un bombardamento 2 tipico involucro di carne bovina ripieno di verdure e uova che si cuce e si fa bollire 3 vecchio quartiere di Genova
Voxi de Zena E voxi de Zena ti e senti da-o mâ inte 'na neutte de lûnn-a anando a pescâ e lûnn-a ciû grande no poei immaginâ a l'é vixinn-a da poeila toccâ In mëzo a sto grande silensio a barca a se perde lontan in sce ûn nastro d'argento e i ommi assettae in çimma a-i bordi han voxi pe rïe e pe parlâ e quande l'é l'ôa pe cantâ e o seu canto o s'allarga in to gorfo portòu in gïo da-o vento e da-o mâ o l'intra in ti paixi fin drento ai caruggi pe tutta sta neutte de stae fin drento a-e giöxie arrembae intran e voxi de niätri mainae E voxi de Zena ti e senti da-i monti ascose da-o verde e l'argento di erboi se vive e se loua lasciû scaen de pria da montâ e da chinâ terrasse affaccae in sciö mâ…. creusette in te fasce e cantâ de cigâ cheu leggero che pä de xoâ saiä che o profûmmo di boschi de pin o se mesccia con quello do mâ chi o respïa son segûo ch'o sentiä e nostre voxi pe sempre cantâ	Voci di Genova Le voci di Genova le senti dal mare in una notte di luna andando a pescare e luna più grande non potete immaginare è lì vicina da poterla toccare. In mezzo a questo grande silenzio la barca si perde lontano su un nastro d'argento e gli uomini seduti sui bordi hanno voci per ridere e per parlare e quando è l'ora per cantare e il loro canto si estende nel golfo portato in giro dal vento e dal mare entra nei paesi fin dentro ai vicoli per tutta questa notte d'estate fin dentro le persiane accostate entrano le voci di noi marinai Le voci di Genova le senti dai monti nascoste dal verde e l'argento degli alberi si vive e si lavora lassù, scalini di pietra da salire e da scendere terrazze affacciate sul mare…. sentieri nelle fasce e cantare di cicale cuore leggero che pare di volare sarà che il profumo dei boschi di pino si mescola con quello del mare chi lo respira son sicuro che sentirà le nostre voci per sempre cantare