Lu
territoriu di Bilchiddeddu
|
|
Li pianti: L'animali: |
Tuttu lu tirritoriu di Bilchiddeddu
e li frazioni, facini palti di lu cumuni d'Olbia; finu a fà la leggji
di lu 16 d'austu di lu 1958, Bilchiddeddu faccia palti di lu cumuni
di Buddusò. Tra Bilchiddeddu e frazioni semu un middi passoni cilca.
Tuttu lu astu territoriu di Bilchiddeddu, cunfina cu li cumuni di Alà
dei Saldi a sud-ovest, di Monti a ovest, di Loiri a nold e a est, e
cun Patru a sud. A nold vi sò tanchi boni pà la semina, a sud và locu
malu è carragjiatu di buschi di
kessa, lioni, liccia,
mucchiu, suara
e litarru. Vi so poi dui
manni pianuri in lu monti di Sorili e l'Ena e la pira. Tutta la zona
è ricca d'eni d'ea chi facini currì dilli rii minori undi piscani anghidda
e trotta. Tutti chisti rii s'aunini in la Castagna e in Li Campitti,
chi poi unendisi in sembi ad alti rii minori, folmani lu riu Palasoli.
A lu cunfini orientali vi so eni d'ea e altri rii cumpresu Tummianu
e di Petra Bianca e lu Patenti Nieddu. Abà Bilchiddeddu è collegatu
a la cittai di Tarranoa pa mezu di un caminu asfaltatu chi passa pa
Loiri, finu a raggjungnini li frazioni di "La Castagna", "Lu Carrulu",
"Lu Trainu Moltu", "Battista" e "Mammusi". L'altu caminu passendi pà
Pedru Gaias, raggjiungji lu caminu di Monti-Alà passendi pà punta Iscala,
finu a Sorulis, alla cantonera di Mazzinaiu.. In lu monti di Sorulis
ani fattu lu dimaniu forestali chi cunfina cu Monti, Alà e Patru. Chistu
dimaniu selvi pà ricostruì tutta la vegetazioni distrutta da lu focu.
L'animali chi ci so in chista zona, so: pulciavri,
leppari, parrici,
maccioni, bredduli
(donnola), bassili (martora) e lu iattu
arestu. Finz'a poch'anni fa in lu monti di l'Ena La Pira, v'erani
puru calche mufloni, falchi ecc…
|