Dae s'intervista a sa signora Pina Vincentelli
e sa signora Maria Manchia. Amus intervistadu sa signora Pina Vincentelli
e sa signora Maria Manchia e nos ana contadu comente est naschida sa frazione
de Multa Maria. Sa prima domo este istada costruida in su 1903 dae Gioseppe
Vincentelli, da poi ana costruidu su botteghinu de Filigheddu e sa cantonera.
Su botteghinu este unu negoziu inue bendene unu pagu de tottu. In su 1912
ana costruidu s'iscola inue bi fini duoso istanziasa, una pro sa mastra
e s'attera pro sos piseddos. In su !929/30 este istada costruida sa cresjia,
su Santu patronu es Santu Gioseppe e sa Madonna. Narana chi su logu si
narada "Multa Maria" proite in giru a sa cantonera bi fidi sa multa e
proite sa padrona de su terrinu si naraiada Maria.Piusu in subra de sa
cresjia b'este sa frazione de "Maltineddu". Sos primos domoso costruidoso
a Maltineddu fini cussoso de Remundu Giagheddu e de sos parentese.
Su terrinu fidi ed este ancora tottu s'issoro e si lu tramandana de babbu
in fizzu. A Olbia s'andaiada a pe' o a caddu e s'abba si leaiada dae sos
rios chi iscurrene ancora in custoso terrinoso. Prima, candho non bi aiat
sa televisione, sas seras contaiana istoriasa.
Sa festa de Santu Gioseppe
S'ultima duminiga de Maju faghene sa festa de Santu Gioseppe. A comente nos ana contadu, pro organizzare sa festa bada unu comitadu cun jente de Multa Maria, chi iscegline s'annu prima. Sos de su comitadu iniziana a preparare sa festa meses prima. Essini a chilcare inari in sos paeses acculzu e a sicundu de su inari chi an coglidu decidini ite faghere pro sa sa festa, chi durada duas dies. Sa festa la faghene a dainnanti a sa cresjia inue bada unu piazzale mannu chin d'unu palcu. Su vesperu est su sabadu e sa duminiga beste sa missa cun sa processione. Supra 'e unu furgoncinu jughene su santu e, chin sa jente fattu, faghene su giru de tottu sa idda. Su sappadu a serentina beste unu gruppu chi sonada e coghene sa salzitta pro tottu.. Sa duminica a sera, bi sono sos jogoso pro sos piseddoso e a de notte beste sa musica e……. de asie finidi sa festa de Multa Maria.