Cantadores de Torpè______________________Pera e Salvadore Ispanu

Spanu Pietro (Pera) fit naschidu in Torpè su 6 de maju de su 1903 e nd'est mortu su 23 de jannagliu de su 1971. Salvadore Ispanu, frade de Pera, fit naschidu su 23 de abrile de su 1911 e nd'est mortu su 21 'e triulas de su 1995. Fin ambos duos massajos e chin paga iscola, tenian però boghe 'ona e fin connotos de sos menzus cantadores a tenore de sa 'idda. Ischian cantare in poesia, finzas a bolu, ma no an iscritu mai sas cantones insoro.
Po cussu inoghe potimus presentare pezzi duos sonetes, postos a puntigliu tra frades, dedicados a sa morte 'e su puddu e cantados in su 1946; custos sonetes nolos at nados Juanne Ghisu de Torpè e son istados currezidos e cunfirmados dae Juanne Ispanu (Janne Funedda), su fizu de sa biada 'e ziu Pera.