Cantadores de Torpè______________________Antoni Maria Pala

MUTOS

 

Maria Nazarena
Mama 'e su Redentore
senza manza 'e pecadu.

Maria Nazarena
Chie no at proadu
su distacu 'e s'amore
no ischit it'est pena.

 

 

Coro dae lontanu
ti mando un'adiosu
iscritu in poesia
e s'istento a torrare
trista non vivas bella.

Coro dae lontanu
S'essere rondinella
capazze de 'olare
m'azardao e benia
sas oras de riposu
pro t'astringher sa manu.

 

 

Acera a custa perra
dae lughe a sa barca
candida prus che nie
sa lugura 'e Torpè.

Acera a custa perra
Non bi fit che a tie
sa palumba 'e Noè
bolada dae s'arca
pro iscoberrer terra.