Cantadores de Torpè________________________Pepinu Coronas


 COSTA FERONIA
(sonete)


Est in sa sarda parte levantina
Costa Feronia delissiosa sì
fra sa dulche Ismeralda che reina
ei su totu incantu 'e Tortolì.

S'idea bellicosa a lì per lì
de Grecia, de Iberia o Saracina
alguna pius non b'at vela chi
undas profanen sa sua marina.

Ninfas, sirenas, fra sas rocas sunu
de su Tirrenu mare in custa zona
rica d'istoria e d'arcanos piena.

Nde godan sos ristoros in comunu
principes ch'an in testa una corona,
umiles chi si paschen solu 'e pena.

 COSTA ULISSE
(sonete)


Est dulche, ispeziosa e peregrina,
Costa Ulisse tra Budoni e Oro-
sei, a sa parte levantina
de s'isula a sa cale dat decoro.

Deliziante sì anima e coro
sa sua incomparabile marina,
zona tiniscolesa e pasadina
de s'Alta Baronia almu tesoro.

Si cree chi Ulisse cue unu lontanu
tempus mirende logu tantu amenu
neidi a sos suos ue incontrare

'asi biaitu e isplendente mare
den che i custu tratu 'e su Tirrenu
Grecu, Feniciu, Ispanicu o Romanu

ch'isperat unu cras, calmu e serenu,
d'esser de custa zona Esser Sovranu.