Cantadores de Torpè________________________Nicolinu Tarquini
A FIZOS MEOS EMIGRADOS
(Trintases)
A bois fizos in terra lontana
chin sardos e parentes in totue
zirende logu e zon'istraniera.Abbandonada est sa Sardigna intera
sa chi fit tantu digna e calculada
est sa Sardigna intera abbandonada
sa chi fit calculada e tantu digna
abbandonada est s'intera Sardigna
paret chi siat passadu su fogu.A bois fizos in terra lontana
chin sardos e parentes in totue
zirende istraniera zona e logu.Cheria a custa mente dare isfogu
pro racontare comente est sa zente
cheria dare isfogu a custa mente
pro comente est sa zente a racontare
cheria a custa mente isfogu dare
pro comente sas cosas sono andende.A bois fizos in terra lontana
chin sardos e parentes in totue
istraniera sa zona zirende.'Ogni chentu unu ebbia ch'est restende
dae su Gennargentu a Baronia
'ogni chentu ch'est restende unu ebbia
dae sa Baronia a Gennargentu
restende est unu ebbia dogni chentu
sos bezzos solu ca son soferentes.
A bois fizos in terra lontana
zirende logu e zona istraniera
in totue chin sardos e parentes.Sas cosas sun torradas diferentes
ca sas isposas solas sun restadas
sas cosas diferentes sun torradas
ca solas sun restadas sas isposas
torradas diferentes sun sas cosas
unu est inoghe s'ateru est incue.A bois fizos in terra lontana
zirende logu e terra istraniera
chin sardos e parentes in totue.Fuidu, iscapadu as finas tue
e as su nidu tou abbandonadu
finas tue as fuidu, iscapadu
abbandonadu as su tou nidu
iscapadu as finas tue, fuidu
a cussu logu ca b'at miliardos.A bois fizos in terra lontana
zirende logu e terra istraniera
in totue chin parentes e sardos.Tenzende nostalgia e reguardos
pensende ch'a lontanu as a Maria
reguardos tenzende e nostalgia
ch'a lontanu as a Maria pensende
nostalgia e reguardos tenzende
muzere e fizos lontanu tich'ana.
Chin sardos e parentes in totue
zirende logu e zona istraniera
a bois fizos in terra lontana.Com'in sa nazione italiana
in dogni domo b'at confusione
com'in s'italiana nazione
confusione ba't in dogni domo
s'italiana nazione como
paret torrende a su tempus de gherra.Chin sardos e parentes in totue
zirende logu e zona istraniera
a bois fizos in lontana terra.Sa zente sardignola in dogni perra
soferente restende est a sa sola
in dogni perra sa zente sardignola
a sa sola restende est soferente
in dogni perra sa sardignola zente
disisperados chin pena e fastizos.Chin sardos e parentes in totue
zirende logu e zona istraniera
a bois in lontana terra fizos.Cantos minores no ana consizos
sos genitores in terra lontana
cantos minores consizos no ana
in terra lontana sos genitores
consizos no ana cantos minores
e pagos bind'at ubbidientes.A bois fizos in terra lontana
zirende logu e zona istraniera
in totue chin sardos e parentes.