Cantadores de Torpè________________________Efiseddu Pau



A SA SARDIGNA
(sonete)


A Sardigna sa Patria istimada
dedico custos versos dae su coro,
pro donzi parte, zona e contrada
Cagliari, Tatari, Oristanu e Nuoro.

Saludende a zente cantu b'ada
ca d'esserepo sardu minde onoro
ma che bezzu emigradu mi addoloro
cando penso ch'est tropu trascurada.

Dae parte de s'istadu italianu
che chi esserat de razza furistera
non l'ammirat che un fiza propia

ca non pensat chi sambene isolanu
bi at ispartu in donzi frontiera
e diat meritare istima dopia.

AMENDE SA SARDIGNA EI SA LIMBA SARDA
(sonete)

In su sardu limbazu iscrio e canto,
sos limbazos istranzos los suspendo,
ca so de samben sardu minde 'anto
e che sardu sa Patria difendo.

S'apenas gridu de lamentu intendo
umbe b'est su bisonzu mi pianto,
loto e da chi prus no aguanto
de bonu coro sa vida li rendo.

C'achistadora est de milli vitorias,
amo dae su coro sa Sardigna
e d'esser fizu sou mi cuntento,

de issa son nobbiles memorias
eternas ca de glorias est digna
e morrer pro Sardigna non lu sento.