Cantadores de Torpè________________________Juanne Pau

Juanne Pau est naschidu in Torpè su 9 de maju de su 1948; in su 1963, a s'edade de bindigh'annos est emigradu in Germania, in sa citade de Augsburg a trivagliare in frabbica. Inie at trivagliadu finzas a su 1967, poscas, ghiradu a bidda at trivagliadu in sos cantieris forestales pro unu turnu de pagos meses. In su 1968 s'est arruoladu comente allievo sottuficiale. Diventadu sotufiziale at trivagliadu in medas citades de su continente e at ultimadu sa carriera in Casteddu restende in serviziu finzas a su 1997.
Como est in pensione e si potet dedicare chin aficu a sa poesia, passione chi at semper tentu e pratigadu, non solu in su ponner cantones ma finzas in sa chirca de poesias antigas e de maniscritos, de sos cales bantat una bella collezione.