Collana LÌTERAS A SOS TRES RES

Lìteras a sos Tres Res
1999

CUNCURSU
"Iscrie una lìtera a sos Tres Res"

ORTZÀI, 6 de Ghennarzu de su 1999

Su cuncursu "Iscrie una lìtera a sos Tres Res" est promòvidu, pro su 1999, a contu de sos Tres Res, dae sas Editziones Papiros,
cun su patronadu de Assessoradu de sa Istrutzione Pùblica de sa Rezione Autònoma de sa Sardinna, de su BIM Taloro de Gavòi, de sa Comuna de Ortzài, e de s’Unicef


PRÈMIOS de s’editzione de su 1999 a sas lìteras iscritas dae: Adriana Massa, Ceraxus; Alèssia Putzu, Biddaspetziosa; Alessio Fancello, Durgali; Antoneddu Mereu, Durgale; Fidelica Soro, Ceraxus; Francesca Ferraro, Finiscole; Frantziscu Traccis, Irgoli; Zuanna Cucca, Durgale; Larentu Carta, Ortzài; Luisa Fenu, Garteddi; Mariànzela Carta, Ortzài; Mario Pinna, Irgoli; Mauritziu Curreli, Ovodda; Mauritziu Mucària, Lotzorài; Nicheddu Spanu, Durgale; Pascale Manca, Orgòsolo; Pascale Zucca, Bitzi; Pretu Mannu, Bitzi; Sara Mullanu, Monteponi; Sònia Pistis, Segariu; Tania Sanna, Lòcula.


Sas lìteras sunt publicadas gai comente las ant imbiadas sos pitzinnos.
Libru cuidadu dae Diegu Corraine e Sarvadore Serra
Sa figura de sa coperta est pintada dae Pia Valentinis
© PAPIROS, Nùgoro 1999

Pitzinnos de Sardinna…

Sunt zai 7 sos annos colados paris cun bois e ¡cantos pitzinnos ant iscritu a sos Tres Res: prus de 6000 e dae totu sa Sardinna! E prus de 600 lìteras sunt istadas publicadas, formende una collana fata de sentimentos, passiones, cunfessiones, dolores, ma finas alligria e cuntentesa pro sa famìlia, s’iscola, sos cumpanzos, s’umanidade. Duncas, ades bogadu a campu calidades chi non semper sos mannos bident o cunsìderant. De seguru, leghende-bos, medas pessones mannas ant iscopertu unu mundu nou, su mundu de sos pitzinnos sardos chi tenent raighinas culturales profundas, una limba de milli annos de edade, pro narrer onzi cosa de sa bida, chi sunt creschende cun sentimentos bonos e firmos e disizos bellos e lìtzitos.

B’at de si nde cuntentare, ca, paris cun sos àteros pitzinnos che a bois, de àteros logos de su mundu, sedes s’isperu de s’umanidade. S’isperu chi apedas imparadu chi servit prus s’amighèntzia chi non s’odiu, sa paghe chi non sa gherra. Paraulas santas chi sos mannos, a bias, tenent in buca ma non semper in su coro e, mescamente, in sas atziones. L’amus naradu àteras bias: "Sos disizos de sos pitzinnos sunt sa frama chi alimentat su coro de s’umanidade".

Cun bois in particulare nos agradat a faeddare e a esser amigos, in su bonu e in su malu. Duncas, si cherides, bos podimus dare cussizos e imbiare paraulas de amore.

E tando, cando sedes in dificultade o bos parides solos, amentade-bos de nois e iscriìde-nos, mancari non siat pro su cuncursu, a sa casella postale chi tenimus finas in Nùgoro: bos amus a imbiare in donu sa lìtera nostra, cun s’isperu chi sas paraulas nostras bos podant cunfortare e fagher cumpanzia.

¿Chie at a esser su pitzinnu chi at a leare papiru e pinna pro nos iscrier? Amus a bider.

Cun paghe e cun salude

Sos Tres Res

C.P. 1/C • 08100 Nùgoro


Cadaunu at su ettu suo de achere e zeo non be resesso a mi cambiare."

Alessiu Fancello, Durgale

Salude,

zeo mi naro Alessio e soe unu pippiu meda irgonzosu. Cando mi dimandan cosa, boco un’iscusa pro non mi mutire derettu e naro ca mi deppo prendere un’iscarpa, ca appo carchi cosa de che picare dae sa bussedda o a bortas ca soe istrintu de pissare.

Sas mastras m’accuntentan, ma appena che isso mi torrant a muttire e tando mi paret ca mi manca sa oche e issas mi narant a allegare prus a forte.

Zeo chirco de lu achere ma non be resesso, tando cumenzo a mi tirare sas manicas de su mallione, a intorticare sas ancas intas chi che faco innervosire sas mastras e mi narant a la zelare ca issas non mi nche pappant.

E ana resone, ma cadaunu at su ettu suo de achere e zeo non be resesso a mi cambiare.


No est bellu chi i su munnu b’appat zente chi s’ucchidete, ca sa vida est bella comente a unu vrore, chi su manzanu s’aperiti e su sero moriti."

Frantzisca Ferraro, Finiscole

Caros tres Res,

in custas dies so leghenne unu bellu libru: su diariu de Zlata, chi aeddata de sa gherra. Zlata iti una pizzinnedda che a sas ateras, chene pessamentos. Cuntenta e ispipilla, che colavata sas dies annanne a iscola, e sonanne su pianoforte in domo sua, e intoppanesi chin sas cumpanzeddas. Sas cossas chi m’ammentu de prusu sono: su zoccu de sas bombas, sas bussiladas de sos sordados, sas domos allutas, sa zente morta. Zente chi vochiata contro a sa gherra, chi a guastadu tanta zoventude. Chi sa gherra sa vida de custa pizzinna est cambiada, si depiat cuvare, ca podiat morrere. Leghenne custu libru apo cumpressu chi sa gherra est una cossa mala, comente: sas ispinas de sa rossa, chi canno punghene nos dolene. No est bellu chi i su munnu b’appat zente chi s’ucchidete, ca sa vida est bella comente a unu vrore, chi su manzanu s’aperiti e su sero moriti.

Caros tres Res, su ses de jannarju azes piccadu sos donos a su Pizzinneddu, chi est naschidu in d’una pinneta. Bos preco de vature pache e amore in su munnu, achide chi tottu sos pizzinneddos b’apana s’affettu de una vamilla, e a cussos chi dae gherra son ghirados istropiados, non si disisperene ca su chi contata e su chi juchene in coro. Tantos saludos


Teno unu problema cun unu pitzinneddu: semus cumpanzos, ma unu muntone de vortas seccamu s’amicizia."

Mariu Pinna, Irgoli

Caros tres res,

soe Mario Pinna, teno nove annos, acco sa quarta elementare de Irgoli e teno unu problema chin unu pitzinneddu dae canno lu connosco. Semmus cumpanzos, ma pro modu de narrer, ca unu muntone de vortas seccamus s’amicizia. Est su diaulu in pessone e chin issu b’appo briatu abbotu. Este: maleducatu e malu.

Creditemi, ieo soe timidu e chirco sempere de non mi la piccare pro onzi cosa, ma abbortas chin issu che perdo sa passenzia e miche ando a domo e no esso a iocare pro carchi die.

Mi ammento galu unu fattu chi mata completamente inchientatu. Itti morinne unu gatteddu e ieo chin Marco non bila acchiamusu a lu virmare.Si narata Antonio e bos chiedo chin tottu su coro de lu acchere prusu bravu


Apo una zia chi mi ontada sempere sos ontos de ando issa udi minore e mi aede meda umpanzia: bos pedo i issa abbarrede nessi gai, ommente este."

Larentu Carta, Ortzài

Deo soe unu pizzinnu de 7 annos, mi muto Larentu Carta e frequento sa 2ª elementare. Isto in d’una vidda minore i si narada Orzai. Bos iscrio caros tres Res po bos pedire unu piaghere. Siomente deo appo una zia i ada 93 annos e issa er meda alligra de ispiritu , vinzasa si non podede andare, mi ontada sempere sos ontoso de ando issa udi minore e sin d’ammentada vene de tottus sas ossas, mi àede meda umpanzia.

Bos pedo caros tres Res i issa abbarrede nessi gai, ommente este.

Bos saludo a atteros annos menzusu un zia mia accante


Deu sciu ca in su mundu ci vunti tanti pipius chi sufrinti ed emu a boli chi non ci fessara prusu su fammini."

Sara Mullanu, Monteponi

Carissimus tre Resi,

Deu seu Sara, tengu ottu annusu, fazzu sa 3ª elementare. Bivu in una bella domu, seu mera fortunara poita babbu e mamma trabalanta tutt’e dusu e in domu non si mancara nudda. In famiglia seusu cincu: mamma, babbu, deu e dus fraris.

Mattia teniri dosci annus e Simone tres annus e deusu adottau candu teniara du mesis. Deusu adottau a Casteddu, cando deusu biu po sa prima borta fiara bufendi su biberoni. Deu seu cuntenta de du tennirì cummente frari. Sa dì chi seusu andausu a du pigai fiara una bellissima dì de istari, issu non prangiara ma fariara sceti sorrisus. Ma deu sciuca in su mundu ci vunti tanti pipius chi sufrinti ed emu a boli chi non ci fessara prusu su fammini, tanti genti est morta poi cussu. Po su mundu de grasi emu a boli chi is pipius tenessanta tottu cussu chi di si serbiri po cresci beni.

Chi in su mundu non ci sianta prusu guerras, chi tottus is omonis si ollanta beni cummenti sari imparau Gesusu. Bravus Res Magius cummenti eisi fattu cuntentu Gesusu cun is donus, si pregu de portai a su mundu de oi is arrigalus chi s’appu domandau


Su problema miu prus mannu est ca non be resesso mai a fachere su sartu in artu."

Zuanna Cucca, Durgale

Zeo mi mutto Zuanna Cucca, appo 10 annos e bivo in Durgali e soe naschia su sette Martu, de su 1988. Bos soe iscriende custa littera ca minche cherzo toddere custu problema chi non achet drommire ene sa notte. Su problema miu prus mannu est ca non be resesso mai a fachere su sartu in artu. Zeo issa palestra onnia orta mi iscappa una carrera, ma in dainnantis as’asta mi vrimo. Nda gana sa mastra de narrere ca deppo currere e iscudere unu brinchiu e si minche ruo?

E chi custu pessamentu non brinco mai.

In bon’ora Zuannedda


Ieo tenzo una crapitedda bianca che sa nive e l’appo mutita Froccu de Nive."

Frantziscu Traccis, Irgoli

A sos tres Res

Ieo soe Frantziscu Trazzisi, tenzo sette annos, isto in Irgoli e soe in sicunda elementare. Babbu meu est pastore. Ieo tenzo una crapitedda bianca che sa nive e l’appo mutita Froccu de Nive. L’appo imparatu a arziare supra de sa màcchina de babbu, ma issa siche arziata vinzasa a supra de su trattore e poi brincata a supra de mene e mi achete rughere a terra.

Su sero che la leo assa lozza ca tenete aente e poi mi ata natu babbu chi ifforasa est periculosu a sichela mandicare su mariane. In su tzucu l’appo impicatu su sonazeddu e gai cando l’azzappo deretta. Cando soe mannu mi acco viterinaiu po curare su bestiamene. Bos dimando su piaghere de mi juchere unu libru chi arrejonete de sa campanna e de sos animale

Caros saludos dae Frantziscu Trazzisi


Po mene bozo medas quadernos e pinnas po podere iscriere, puite deo hazo medas irbaglios ando depo iscriere."

Mauritziu Curreli, Ovodda

Caros Tres Res,

deo bozo sa paghe in tottu su mundu. Po mene bozo medas quadernos e pinnas po podere iscriere puite deo hazo medas irbaglios ando depo iscriere s’acca. Bozo sos poveros tottus a domo mia e bozo unu pische urruviu in d’una vaschiedda po nde shaere nossire medasa. Deo so Maurizio de Ovodda e tenzo unu oro bonu duncas bozo azudare sos poveros daendelis a papare su pische i ada a nassire in cudda vaschiedda i m’azzese a batire boisi in custu Nadale

Bos saludo un amore e affettu


Jeo non cumprendo puite a Deusu l‘azis iuttu sa mirra, s’incensu e s’oro: jeo l’ippo jutu latte e vistireddos de lana, ca issu teniat gana e vrittu."

Tània Sanna, Lòcula

Adorabiles tres Res,

soe Tania, una pitzinnedda de sette annos. Isto in Locula e soe in sicunda elementares de sas iscolas de Irgoli.

Soe andande donzi die a Irgoli, ca in Locula ana tancatu tottu sas iscolas, ma jeo soe cuntenta su matessi.

Voisi tres Res, azis jutu sa mirra, s’incensu e s’oro a Zesù Cristu, a Deusu e non appo galu cumpresu puite; si vois cheritese torratemi sa risposta. Jeo non cumprendo puite a Deusu li serviana cussas cosas, jeo l’ippo jutu latte e vistiredos de lana, ca issu teniat gana e vrittu

Metas salutos e augurios.


Deu seu una pipiedda fortunada poita ando a pallavolu, seu sana e tengu una famiglia chi mi ollidi bei."

Alèssia Putzu, Biddaspetziosa

Carus re Maggius,

deu mi zerriu Alessia Putzu, tengu sesi annus e fazzu sa prima elementari. Bivu in d’una biddiscedda chi si zerriata Bidda Spetziosa in provincia de Casteddu. Sa famiglia mia esti cumposta de babbu, mammai e una sorri prusu manna de mei chi si zerriada Martina e tenidi dosci annus.Deu a sorri mia giai de candu femmu pitticchedda da zerriammu sempri "OI" e da sigu a zerriai ancora aicci. Carus Re Maggius, deu cun sorri mia e babbu e mammai seu giai andada ad Ortzài dus annus faidi, poita sorri mia adi bintu su cuncursu . Si deppu nai ca deu appu assistiu a sa premiazioi e seu abarrada meda cuntenta de issa. Sa die chi seu stetia ad Ortzài appu penzau candu imparu ad iscri da mandu deu puru sa littaredda. Deu seu una pipiedda fortunada poita andu a pallavolu, seu sana, tengu una famiglia chi mi ollidi bei e no mi mancada nudda, perou dognia notti pegu su "Bambinu Gesusu" poita agiudidi is pipius poberus, maladius e chi non teinti nisciunu; pregu poita ollu chi ci siada sa pasci in sa terra e non ci sianta i malladias leggias.

Gasparre, Melchiorre e Baldassarre s’iscriu in sa lingua mia sarda poita sciu ca osatrus connosceisi tottu i linguasa e mi cumprendeisi.

Candu andaisi a potai i donus a Gesusu Bambinu domandai chi bengata eusaudias tottus is preghieras mias, aici tottusu funti prus cuntentus . Chi s’arregodaisi domandai unu arregalleddu puru pò mei. Emmu a bolli unu paccu de colloris poita mi prascidi meda disegnai. Chi in sa littaredda c’esti meda errorisi scuasaimi ma seu ancora imparendi a iscrì. Chi sa littaredda da pubblicai si curreggidda bosatrus, poita dei chinou fazzu figura leggia cun sa maistra.

Immoi si saludu sperendu chi su 1999 siadda un annu pru bellu po’ tottus. Addiosu. 


Babbu meu s’annu passau, cando deo fia lezzinde, c’hat canzelladu su biculu in ue deo fia lezzinde. Mancu male, proite happo lezzidu meda male!"

Fidelica Soro, Ceraxus

Caros Tres Res,

so una pisedda de deghe annos, mi naro Fidelica e bos iscrio dae Selargius. So cussa chi s’annu passadu hat lezzidu sa littera mandada dae sas quartas de s’iscola Santu Nigola de Selargius. Mamma mia si cramada Maria Grazia, babbu meu si crama Piero e sorre mia si crama Paola. Cun nois istada puru nonnu meu chi si cramada Bustianu.

Babbu meu s’annu passau, cando deo fia lezzinde, s’este emozionau e a s’ispessada c’hat canzelladu su bicculu inue deo fia lezzinde. Hat registrau totus sos ateros, ma noisi no bi fimusu! Mancu male proite happo lezzidu meda male! Deo tenzo cimbe attos, duos minores e tres mannos. Ve este ennida una ighina nostra, pro nos pregontare si li daemusu unu gattolinu. Nonnu este andadu a la tennere cun d’un asciugamanu , ma su attu si c’este fuidu. Nonnu este restauin boidu, e pro pagu non ruede. Noisi no semusu ispaventadas ma issu fit tostu e su risu. Dae sa forza e riere l’este finzas ennidu dolore e matta! Su attolinu si c’este fuidu e amos dezisu de lu mantennere inoche. Deo no bos pregonto nudda pro a mie. Bos cherzo domandare a bois chi potides de chircare de agattare una soluzione a tottus sos problemas chi esistini in su mundu. Prima e tottu dade una famiglia a sos pizzinnos chi non de tenene, azzuadelos a non tennere famine e frittu, e a essere amados

Bos ringratzio de tottu. Bos saludo, Fidelica


...brigungia leggia! eusu perdiu in domu po cruppa de unu "Autogol" scimpru: custa esti scalonnia niedda!"

Adriana Massa, Ceraxus

Caros tres Res,

seu una picciocchedda de dexi annus, bivu a Ceraxius, chi s’acattara accant’e Casteddu et mi zerriu Adriana.Scusaimì si no chistione et no scriu beni su sardu, poita puru babbu e mammai no du scinti chistionai beni et deu, su pagu chi sciu, d’appu intendiu in s’arruga de is atrus.Ariseru, deu impari a is compangius de scola, seu stettia invitada a su stadiu de Sant’Elia po biri sa partida Casteddu –Venezia senz’e pagai nudda. Femus tottus cuntentus, armausu de bandieras et cappeddusu, malliettas et sciarpas arrubias et azuladas po tiffai su Casteddu. Deu mi seu finza pintada unu coru in sa fronti metadi arrubiu et metadi azulu; su maistu ( po una borta) sa fattu zerriai et adi zerriau impari a nosu tottus cussus fueddus chi si naranta a is partidas ( ... et no si nanta!). Ma no est serbiu a nudda poita ( brigungia leggia!) eusu perdiu in domu po cruppa de unu "Autogol" scimpru: custa esti scalonnia niedda!Ma deu sciu cummenti fai cun custa scalonnia: andausu a sa partida de sa Juventus ( ca no pozzu biri) e da feus perdi de mala manera cinqu’a zero. Po custu, candu andaisi a acatai su Bambineddu, procuraimì carantesetti billettusu po sa partida cun sa Juventus, aicci potausu unu pagu de scumminiga inguni puru, aicci fazzu crapai puru fradi miu chi chi mi pigada sempri in giru. O ghi no potaimì una "scatuledda" de fottuna po is attras partidas de su Casteddu.


Finzas in America s’uraganu Mich ari distruttu tottu sa popolazioni. Mera genti morriri de cussa maladia noa s’AIDS. Deu ollu chi finnanta a su pru prestu custos problemas."

Mauritziu Mucària, Lotzorài

Carusu Gasparre, Melchiorre, Baldassarre,

soi Maurizio Mucoria tengiu 10 annusu e soi de Lotzorai in provincia de Nuoro.

Po primma cosa bos pedo sa saludi in totus is biddas de su mundu poita non solu in Kossovo e in Albania, finzas in Sardigna morinti de maladias malas. Mera genti morriri de cussa maladia noa s’Aids. Deu ollu chi finnanta a su pru prestu custos problemas. A Tirana in Albania carrus armaus andanta in cittari e sparanta, ollu pezzi chi accabiri tottu custu.

Finzas in America s’uraganu Mitch ari distruttu tottu sa popolazioni e mera funti mortus e ferius.

Poi mei ia bolli solu una cosa a non tenni sollitudini; mi auguru chi deu non tengia mai solitudini poita sa compangia mi fairi tirai su cun su morali


Candu deppeusu istudiai non sind’impottada nudda:po no fai is compitus besseusu puru chi e‘ proendu."

Sònia Pistis, Segariu

Carus Gurreis,

deu seu Sonia Pistis, tengiu dexi annus e frequentu sa quinta ellementari de Segariu.

Immoi si ollu contai sa situazioni de sa classi mia: sa classi mia e’ mala e numerosa. Seusu bintitresi picciocchedus, simpaticus, barrosus e linguaccius. Candu deppeusu studiai non sind’ippottada nudda e po no fai is compitus besseusu puru chi e’ proendu. Susanna esti unu pagu gellosa e bella grassotedda; Danielli pottada is dentis comenti unu ciappacavallu; Ilaria, candu tzerriada, insudrada a tottusu cumenti un’anadi; Carlu pottada scrobeddu bellu, esti birbanti e mascalzoni; Vallentina esti una manna pidaiola; Matteu esti su prusu dengoseddu e candu scriidi, oiamamia esti troppu sbentiau!; Titzianeddu esti bellixeddu e accallentada e scolla su scamixeddu; Manuella esti birbanti e dogna dì si pigada unu tzerriu de sa maista; manna e grussa esti Sabina Lai, esti studiosa e bregungiosa; Salvatorangellu esti gellosu e non esti unu angiolleddu; a mimmi, mi nanta ca seu meda studiosa e unu pagheddu ariosa; Pamelita e’ sempri prangendi, esti unu pagheddu sbentiada ma meda bona;Simon Luca non abarrada unu momentu frimmu, esti sempri gioghendi e tzerriendi; Valeriu, candu esti cun genti chi connoscidi beni, e’ sempri chistionendi; Sisinniu e’ mau meda e xetti cancuna borta faidi a bonixeddu; Enrica esti bravixedda a scolla perosa, candu dd’accucada, esti spinasa de ottalludu; Sabrina Ulargiu faidi a bona studiada meda e marrida; Alessandru esti unu topixeddu e pottada sempri is pius in facci; Franzisca e’ robusta e pottada is ogus bellus azzurrus; Gigiettu e’ sempri currendi, ma po studiai no curri meda, meda; Gianluca esti su pru bravu de sa classi e, candu fadeusu cancuna cosa, pottada sempri librus de s’argomentu fattu; Stefanu si creidi fotti e studiada abbastanza, candu ndi tenidi gana; Andrea Federica esti ariosa e chiachierona e no ascuttada mai a sa maista.

C’esti fintzasa cancunu unu pagheddu tirchieddu e candu ddi nanta: –Midda prestasa sa pinna? –Arrespundidi: –Ah.. it’è tui non tidda poisi comprai sa pinna o non di tenisi mai?–

Candu attaccausu a chistionai... e chi si podera prusu! Scetti candu sa maista pedridi sa patzientzia, cancunu sind’azzicada e si xitti de pressi puru.

Carus Gurreis si ollu domandai de fai pru a bonixedda deu e totu sa classi mia. Bon’annu millinoixentusunorantanoi a tottusue pai scì chi s’appu a scri prusu!


... bos preco de achere diventare vrate meu unu veru imbenteri... chi non istete sempere chircanne de achere dae unu conzu un’isveglia."

Pedru Mannu, Bitzi

Caros tres res

mi naro Pretu Mannu, isto in via Buggerru 22. B’appo unu vrate, una sorre e un’anzonedda. Como bor naro una cosa: siccomente vrate meu, chi si narata Juanne, est un’imbenteri, isse si credet Einstein, ma vinas a como ata imbentatu solu cosas istrampalatas e trappulas: su canzellatore a batterias, su ventulatore a batterias e una lampadinedda sempere a baterias Pro achere tottu custu, s’istanzia esti diventata una trappula pro chie b’intrata; b’ata vites in tottue, pezzos de machineddas a batterias, presoglios e ilos de ramene. Caros tres res, pro cussu non intretasa a camera mea, poi siccomenti vrate meu seccata s’iscocio, a bias troppu mannu o a vias troppu minore, e al’ischitese a uve annata a finire qustu iscocio?

A terra! E mama istata semprere a boches nannè, ja b’appo a restare attaccata carchi die!

Caros tres res vinas pro un’àtera cosa bos racumanno de non intrare a camera mea, ca vrate meu si ponete unu profumu chi impestata non solu s’istanzia mea ma totu sa domo e s’ichinatu, bi cherete sa maschera antiga. Vorsisi ne cherete inventare carcuna nova.

Caros tres res bos preco de achere diventare vrate meu unu veru imbenteri: chi imbentete cosasa chi servini in su munnu, e chi non istete sempere chircanne de achere dae unu conzu un’isveglia, chene concludere mai nudda.

Bos saludo!


Mi istau aggradau a cambiare sa oche: non m’aggradat nen cando lezzo e nen cando canto."

Antoneddu Merèu, Durgale

Carissimos tres res,

si s’it istau pottiu, mi istau aggradau a mi cambiare sa oche : non m’aggradat nen cando lezzo e nen cando canto.

Mi diat aggradare a l’aere prus ispipilla ca t’iscurtan de prus cando naras una cosa. Sa oche mia imbetzes est unu pacu sorrocosa e cando allego no est crara e non mi cumprendene ‘ene e a bortas non s’abizan nemancu ca cherio allegare.

Non m’aggradat mancu sa lestresa (chi appo). Mi diat aggradare a binchere, currende imbezes parzo una tostoine; che lampo sempere cando s’ainu ch’est mortu ‘e su risu, in pacas paraulas, a cosas fattas.

Eppuru narant ca chie andat a bellu lompet sanu e a innedda...A mimi mi paret ca sanu che lompet, ma a innedda meda no andat.

A bois ghite bos paret?


Chi su Nenneddu mi salutete meta a mama e chi li narete, si nos est abbaitanne dae cue, de non si irmenticare de noisi ca noisi la pessamu semprere."

Pascale Zucca, Bitzi

Caros tres res

jeo mi cramo Paquale Zucca bo so iscrienne sa prima via, ca prima vrequentaiapo s’iscola in Olbia e litterasa a boisi non sinne iscriiata. Jeo so ennitu a Bitzi in metate annu de terza, ca mama si sentiata male; este istata in s’ispidale pro paiu de mesese, canno er ghirata a domo er morta guasi deretta. Jeo l’isco chi mama non potete torrare i sa terra, tanno acchimusu unu pattu: chi su Nenneddu mi salutete meta a mama e chi li narete, si nos est abbaitanne dae cue, de non si irmenticare de noisi ca noisi la pessamu semprere. Poi bos peto pro priaghere chi sorre mea no faccata arrabbiare a mannedda e dare sa tranquillitate a babbu meu. Jeo como isto in domo de mannedda, d’onzi manzanu acchete su caffè, menzusu de non ne viere, ca parete abba colorata, tinne potese viere cantu ne cherese, tantu non ti acchete nudda e de sicuru non ti piccata su male dessu coro. Como bos aeddo de sorre mea chi timete su vantasma. A bias si ponete venzasa a abbochinare. Caros tres res es possibile chi Tania non timata prus? Bo saluto


Sa vida mia est una gherra ca non be resesso a istare frimmu."

Nicheddu Spanu, Durgale

 

Sa vida mia est una gherra ca non be resesso a istare frimmu. Si non soe ballande in sa cradea soe picande in ziru sos cumpanzos, e tando sa mastra mi briat e zeo m’offendo. Torrau a dommo chirco de mi nde cuare ma mammai mi lu connoschete a sa cara e mi narat: <<e oie ghitte as cumbinau? Pompia ca nen zeo e nen babbu tu amus de nos birgonzare a contare ca ses fizzu nostru.

Ammenta ca su colleggiu t’est ispettande!>>In cussu memmentu mi paret ca at resone, ma sa pac’ora nde so achende calicun’attera, po’ cussu in bichinadu mi connoschen tottu s’umbrini a minche idere colau.

No alleghemus de cando ando a cresia: un’ora achende a seriu che cheret colà e tando sa cattechista mi pittulat a s’iscusia isperande chi zeo la zele de achere a malu.

A mi lu narais commente potto achere po mi cumportare ‘ene, ca jeo non be resesso.

Medas saludos dae Nicheddu


Iuchitemi unu paiu de iscarpeddas numeru 31 po sa palestra."

Luisa Fenu, Garteddi.

Jeo mi naro Luisa Enu, isto in Garteddi. Teno un vrate chi achete a malu, si narata Gianluca Enu. De cantu es malu nos ahcete disperare totus. Bois chi sezisi potentes, achitelu achere prusu vonu. A mie mi piachete abotu sa natura, sos arvores e sos animales, ma sos omines malos distruene e uchiene totu. Sos omines malos custruini sas armas, achene sas gherras, mazzana sos pizzinnos. Po cussu bos petto de achere diventare sos mannos comente sos pizzinnos. L’at nattu vinzas Zesusu. Po mene, si potitese, iuchitemi unu paiu de iscarpeddas numeru 31 po sa palestra. Gai diapo essere sa pizzinnedda prusu velize de su munnu. Si mi lu iuchitese, ieo Bos regalo una iscopedda de pramma chi achete babbu meu. Bos saluto e tantos bacciones, Luisa Enu.


Su nonnu i mi ergo pihare pro sa cresima si narada Kallon e este su prus bravu ioadore."

Pascale Manca, Orgòsolo

Eo no isho ie sezis, però vradile meu mada narau a vois che vatties medas hosas e sezes vestioso a billudu e a cambales.

Eo so Bascale appo sette annos e so Orgolesu. Mamma mea volede i eo aho a Dottore però a istudiare non m’agradada meda, tando menzusu appo isseperau de ahere a ioadore de pallone de su Cagliari, su nonnu i mi ergo pihare pro sa cresima si narada Kallon e este su prus bravu ioadore.

Pro priaghere vattiemiche un’ebba e unu pudderihu pro mi passizare, abbistae non isballiezzas sa domo, a eo isto in su Cres e in cue istada vinas zia Zesuina hi hada una izza i l’aggradana sos ovaddos e michelu podede piare

Ando s’ebba torrada a anzare unu pudderihu. Bollu pedo vinas a bois pro su ovaddu este prus lestru de sos cammellos vostros;

Adiosu a menzus viere dae Bascale Manca.


Deo erzo allegare de sos Curdos, i non ana dommos, e iscolas."

Mariànzela Carta, Ortzài

Caros sos tres res,

deo mi naro Mariangela Carta e isto in una vidizzola de sa Barbagia de Ollolai, i si mutudi Orzai. Apo 11annoso e soe in 5ª elementare. Deo erzo allegare de sos Curdos, i non ana dommos, e iscolas. Deo bos iscrio pessande a una pilocchedda Curda. Sas piloccheddas Curdas no ana nudda po si aere sa dommo, ne ite mandiare.Puite deo appo una terra e issos non d’ana? Usta osa non che li azzo a umprendere, voisi i sezisi in cue ite mi naraese? Deo mi intendo fortunà puite appo una dommo bella, e genitores bravos i mi d’ana a mandiare, mi mandana a iscola, mi mandana un sos umpanzos, mi omporana vestires e butinos.Puite voisi non li darisi carchi osa? Deo cada die assurto su telegiornale e intendo de ustare osas, mi aene male a l’asassurtare e suni ossas lezas. ma este mai possibile i sa zente non este resessia a dare carchi cosa a ustos ma este ressessia a andare a sa Luna? Se ui stetia deo a umandare, prima de tottu avio dau a mandiare, e una terra a tottus omente sos Curdos, deo a lisso i vindana atteros puru.

Bos saludo vinas ust annu, agurande a tottur nois a bois a sos Curdos salude e tempus menzusu


Si holaes in Orgosolo veniebocche vinas a domo mea, gai nos istoriamusu."

Zuanna Corraine, Orgòsolo

Tradutzione de sa lìtera iscritta in "braille".

Sò Juvanna, una pizzinnedda de nov’annos. Sò ahende sa quarta elementare. A mimme non m’agrada a andare a ishola.

Mi udu istau parziu bellu a bennere a Betlemme paris in Bois pro che viere in huve este nashiu Zesusu.

Eo isho a voisi hazzese tres cammellos e che istaes in su desertu. Isho puru a unu de Voisi hada unu izzu e no mi sò hammentande hommente si narada, però m’udu istau aggradau hi èsserede humpanzu meu pro podere johare paris in chini issu. Si abbortas holaes in Orgosolo; abbistae, veniebocche vinas a dommo mea, gasi nos istoriamusu.

Bos saludo meda. Juvanna Corraine


Bos peto unu papagalleddu ca canno non intenno chie arrivata lu ripetiti issu."

Didina Burra, Garteddi

Mi naro Didina Burrai, naschita in Nugoro su 25 de Capitanni de su 1990. Eo isto in Garteddi. Jeo so una pizzinnedda chi mi piachete meta a istudiare, annare a cresia e a sa lutrina. In iscola teno 33 cumpanzos e cumpanzas, teno 4 mastras chi si narana Elena, Antonella, Elvira e Marina, sono meta bravas ponene azzicu compitos e poesias de istudiare ieo las istimo meta. Commo est arrivanne Natale e soe meta cuntenta, ca si achete sa esta de Zesùs Bambinu. Babbu e mamma m’azzuana a achere su presepiu e s’arvore de natale. In su presepiu b’este sa capanna e Zesùs Bambinu, sa vacca, su poleddu, sos pastores, sas ervecches, poi arrivates voisi sos Tres Res chin sos donos a su Bambineddu, a caddu de 3 cammellos.

Bos cherio narrere chi teno vinzasa problemas: soe unu pacu chiaccherona, teno unu vrate chi si narata Juanne Zoseppe.

Acco sognos lezzos, timmo a denotte canno so sola, su mare agitatu, s’eletricu e de mi isparare. Bos peto unu papagalledu ca canno non intenno chie arrivata lu ripetiti issu.

Bos saludo chin tantos vasos.


Paskixedda no esti scetti joghitus e cosa de papai a satzadura."

Micheli Serra, Santubainzu

A is tres gurreis,

seu unu piciokeddu de sa 3ª classi elementari de bia dante de Santu Aingiu. In su mundu Paskixedda no esti scetti joghitus e cosa de papai a satzadura, poita tzertus bivint in sa bia e circant calincuna cosa de papai in s’aliga e no esti nau ki nd’agatint sempri e su ki agatant esti mesu papau de is topis. Ci funti mamas ki depint donai sa tita a is criaturas, ma potant pagu lati poita no tenit cosa de papai.

Pregu a bosatrusu de ajudai custas mamas, non das fatzais morri de famini!


Po Natale non boscio nudda: ioscio solu chi mammai non fumete."

Antonedda Loi, Biddamanna

Buongiorno tres res,

mi nanta Antonella Loi, so nascia in agustu. Eri sero a merie appo nau a mammai ca po Natale non boscio nudda. Dappo nau ca ioscio solu ci issa non fumete. Ogni die fumada massimu duas sigaretas; deo ioscio ci fumete una die eia e una die nono. Ia bole non solu ci non fumede issa ma totus sa gente. Deo cando pappo sa petta a arrostu i mi dimando: poite s’omini ioccidi s’animale? Poite non podere pappae solu frutta? Custas domandas das’appo fatas a mammai e m’adespundiu ca una cosa iste a bocie pos’ì nutrire ed un’altra iste ad’abocie po avididade. Cun custas rispostas mi soe calmada. Tantos saludos.


Sa famiglia mia fiada meda preoccupada poita deu portà una peritonite "gangherada e perforada."

Sabrina Ulargiu, Segariu

Carusu gurreisi,

deu mi tzerriu Sabrina Ulargiu e frequentu sa quinta ellementari de Segariu. Si scriu po si nai ca seu stada giai unu mesi in su spidalli, e seu meda dispraxia poita no appu potziu fai tottu su chi anti fattu is attrus cumpangius mius. Deu seu stada ricoverara su xincu de Dionnia santi a sa una dopu prangiu, mei Is Mirrionis in su repartu de chirurgia a Casteddu. Sa famiglia mia fiada meda preoccupada poita deu portà una peritonite "gangherada e perforada". M’anti operau a is ottu e mesu de amerì. Deu fia meda gravi e mamma mia fiada preoccupada. Deu seu stada mali ingui e no cidda fadia prusu a ddu abarrai.Doppu duas dis de s’interventu, m’anti donau su tè. Dopu m’anti donau semolinu e pagu pagu pixi: su semolinu fiada acqua e su pixi fariada schifu. Deu innì no pappà giai nudda poita fariada tottu schifu e mi fariada benni gana mala.Seu rientrada a domu su bintisesi de dionnasanti. Immoi stau bei poita potzu pappai giai tottu.

Deu si domandu de fai sanai sa ferida mia a su prusu allestru possibili.

Si fatzu is augurius de Paschiscedda e de annu nou e si salludu cun amori.


Tia cherrere chi mamma mia parturerada una pizzinna."

Nicole Spada, Nùgoro

Caros tres Res,

deo seo una pizzinna de sett’annos. Deo a Nadale ho sempere domandadu unu solu regalu. Cust’annu nde tia cherrer un’atteru. Però Babbu Nadale e bois non lu deve comporare, ma domandarelu a Deus custu regalu: e tia cherrere chi mamma mia parturerada una pizzinna. Proitte in su perentadu meu bi sunu medas fradiles chi no ana ne frades, ne sorres. Mamma mia mi narada: domanda a Emanuela si li piaghede a essere fizza unica. Ma deo insisto a narrere a mamma mia, chi bi sunu pizzinnos chi los cherene comente puru deo. E pizzinnos chi non los cherene. Unu asu mannu da parte mia.


Cesti su maistru ca ogna tanti si creidi unu giogadori ‘e boccia e cun calecuna cosa faidi "gol!"

Deborah Farci, Ceraxus

.Stimausu tres reis,

deu seu una picciocchedda de dexi annus: mi nanta Deborah Farci e bivu in Ceraxus, bandu a sa iscola elementare de Santu Nigola e candu app’essi manna app’essi scrittora.

Sa classi mia esti sa quinta B e deu ndi seu meda suberba poita ogna cosa esti spassiosa de istudiai e custu sutzedidi scetti cun is nostrus maistus de iscola: funti stravanaus! Po si nai: cesti su maistru ca ogna tanti si creidi unu giogadori ‘e boccia e cun calecuna cosa faidi "gol!" e nosu ca seusu is spettadoris feusu parti.

Non si nau de sa maistra de italianu, ca contada: "Ci fiada una borta Cappucceddu Arrubbiu ca portada sa mela velenosa a aiaia ma ... arriba Bambi e si da pàppada ma sa bella, anzis, sa legia, dormia, fiada una birdia, anzis una stria ca tanti est bona ca sarbada Cappucceddu Arrubbiu e ... "bah, s’iscola mia s’ada parri unu pagu istrana e a nai sa beridadi est’aicci poita immoi non chistionan prusu de maistras e maistrus ma de giogadoris e de scrittoras. Custa iscola mia est diaberus bella ma chi si pareus un’jagi de piccioccheddus bonisceddus ascurtendi is maistrus s’isbaglia meda: seus tottus macchillotus.

A s’accabada, deu s’ia bolli domandai unu praxeri a os’ atrus ca eis portau medas arregalus a su Pippiu Divinu: ajuda-mi pò sa vida mia in sicola de is annus chi eninti.

Deu ja bolli ca tottus is istudius mius iant’essi aicci spassiosus, fattus cun praxeri e cun simpatia po is professoris e is cumpangius.


Pro mene dia pedire unu libru i alleghe de totu sas hosas bellas de sa natura."

Sebastian Mastroni, Olìana

Ego mi muto Sebastian e chisto in Uliana e so in sicunna elementare i s’ishola de Santa Maria.

In Uliana issoru de sa domo de su sinducu beste unu iliche e si mutidi s’eliche de melathu ed ego isto in cussu vihinadu.

A sos tres res pedo de vatire sa pahe i su mundu e a sos picinedos i non iuene sa domo, dalia e puru su de mandiare.

E a Nadale vetiellis medas donos. Pro mene bos dia pedire unu libru i alleghe de sos arvores, de sos pugiones, de sos frores e de totus sas hosas bellas de sa natura.

Bos saludo meda e a nos intendere annovas.


Emu a boli chi candu crasi mindi sciru tottus cussas personas non tenesinti prus famini."

Verònica Floris, Monteponi

Carusu is tres gurreus,

Deu mi zerriu Veronica, tengiu ottu annus frequentu sa terza elementari, bivu a Monteboni in Vergine Maria. A bortas pongu a menti a mamma mia e a bortas fazzu a mala poi mindi pesai. A bortas disigiu de abarrai in domu po giogai. A mei prascinti is canis, su dinnai e is coppas ma de prusu unu callelleddu de canilupu. Deu mi ritengu una pipia fortunara poita babbu e mamma mi bointi beni. Sciù ia atrusu pipiusu funti sfortunausu poita non teninti nudda po papai e nimancu poi si bistiri e morinti po su troppu friusu, po i malarìas e de famini.Deu a bortas candu castiu sa televisioni e biu custa cosas chi fainti a biri custus pipius chi morinti de famini, diventu seria. Emu a boli chi candu crasi mindi sciru tottus cussas personas non tenesinti prus famini, poita ema boli chi tottus stessinti beni comenti a mei, e biviri tottus cuntentus e ognunu de tenni unu traballu e una domu

Unu saluru mannu da parti de Veronica Floris;


Sos animales sono rischiande sa morte."

Antoni Serra, Irgoli

 

Istmatos tre re

soe Antoni Serra unu pitzinneddu de Irgoli, tenzo 9 annos. A mie mi piaghete abotu sos animales e non chero chi nessunu los trattete male. Bos depo narrere chi soe meta preoccupatu, a l’ischitese puite? S’abba de su Cedrinu este inquinata e sos pastores chi tenene su bestiamene in sa bassura non ischini ite acchere pò l’abbeverare. Devite ischire chi custu poblema b’este de duos meses e non l’ana galu risoltu. Sos sindacos de sa Baronia ana mandatu sas cisternas, prenas de abba potabile, però non tottus sos pastores tenene sas bottes pò la gullire.Infattisi appo ischitu chi certa zente este dande cuss’abba puttita a sos animales, a sas piantas e a sos campos de medica. Soe timmende, ponitebbi una manu voisi ca binde morit vrancatasa.

Auguro a tottus, mannos e minores, de colare unu Natale de pache e allegria


A mala vozza istudio ca si nono mamma mi mazzada."

Daniela Serra, Otana

Caros tres Res

Oe appo dezzisu de bos iscriere una littera, pro bos faeddare de mea e pro bos contare sas cosas chi sunu capitande in su mundu.

Deo mi naro Daniela Serra, tenzo otto annos, lompios su duos de Nadale, ando a iscola e soe in terza elementare, no est chi m’agradat meda a istudiare, ma a mala vozza istudio ca si nono mamma mi mazzada. Bos cherzo narrere, a bois chi ades tentu sa fortuna, sighinde un’istella de incontrare a Zesu Cristu, e de li zughere cussos bellos donos, comente su mundu est diventau, no este unu mundu bellu, b’at zente morinde de gana, populos isperdios dae sas alluviones, dae sos terremotos, gherras in tottue chi non finini mai. Comente narat nonna, su mundu est bortulau, non si cumprendede nudda, babbos chi occhini sos fizos,fizos chi occhini sos babbos, pizzinnneddos chi si occhini pari pari, non b’at prus paghe nè amore. Bos cherzo domandare unu piaghere, si podiat cuss’istella, a bos acumpanzare finzas a inoghe, pro vattire a nois puru tres donos, non cherimus oro, incensu e mirra, ma paghe, amore e felizidade in totu su mundu, in modu chi fizos nostros bos potzana, unu crasa, iscriere una littera prus bella de custa. Bos mando tantos saludos

cun istimma

Daniela Serra


Sos omines ricos sunt suridos comente tiu Paperone."

Zùlia Zucca, Flussio

Caros Baldassarru, Melchioro e Gasparru,

deo dizzo chi cando soe manna, chi totu vivant in paghe e nisciunu siet poberu. Sos omines ricos tenent tantu dinari e no dant nudda a chie no nde tenet e sunt suridos comente tiu Paperone. Deo chelzo chi sos omines feos no fetant pius male a sos pizinnos e chi tottu sient bonos.

Azzuade sos malaidos e dade una mama a tottu sos pizzinnos chi no la tenent pius e finas unu babbu daideli.

Res, chelzo chi nisciunu abbandonet sos canes e chi non trattent male sos animales.


Acco a mancu de sos ioccos si mamma e babbu si dezzidini e mi iuchere unu vratteddu... ata a essere menzus dessu Cicciobello."

Frantzisca Carboni, Garteddi

Caros Merzioro, Gasparru, Barrasarru

Soe una pizzinnedda de Garteddi e mi muto Franzisca Carboni. Anno a iscola e acco sa terza elementare; siccomente soe unu pacu frigonzosa e timmo a pettire sas cosasa chi mi disizzo. Voisi sezzisi amicos de Zesù Bambinu e po custu non teno dubbitanza a bos pettire sas cosas ca soe sicuru chi non bonne riditese. Ieo donzi Natale busco regaloso, ma po custu annu, acco a mancu vinzasa de sor ioccos si mamma e babbu si dezzidini a mi iucchere unu vratteddu chi lu potapo dare cara dae sola e mi soe pessanne chi ata a essere menzus dessu Cicciobello. Gai in dommo mea si torrata a ridere e a cantare commente canno ipo minoredda ieo. Ieo chero dare sos salutos da sos: parentes meos, mannois, amicos, familiares e dae iscola mea.

Ciao ieo bos ringrazio si custu vratteddu atta a arrivare!!


Erio chi ustos piloccos eppana unu pau de vortuna i sa vida."

Sara Porru, Ortzài

Tres res istimaos,

deo lisso i ve suni piloccos disfortunaos i no ana nen mamma nen babbu. Hana duos parentes ebbìa, e dae largu, e bezzos, hi istana paris un cun issos. Unu andavada a iscola e aviada amios medas e zoavana paris. Ommo issu non v’est prus. Issu si uffidavada un d’unu piloccu solu, i l’udi meda simpaticu. Deo mi naro Sara Porru e erio hi ustos piloccos eppana unu pau de vortuna i sa vida, e i eppana unu babbu e una mamma, e una o duas sorres hi lis erzana vene.

Tres Res, dazzili unu pau de vortuna a ustos piloccos i non ana ne mamma e ne babbu, duas zias e tres zaios i lir erzana vene ommente erene vene a mene


Vozzo i tottus sos zoos de nadale venzana omporaos dae s’edicola nostra."

Augustu Vacca, Ovodda

Deo mi muto Augusto Vacca e frequento sa classe 3ª elementare. Babbu e mamma si muttini Franco Vacca e Maria Grazia Soddu.

Caros tres Res, azzudademmi a andare bene in iscola puite soe sempere malu e hazzo inchietare sas maistras, puite ando nos haene sa lezione deo mi ponzo a istionare un Micheli Ladu puru si liso i non lu deppo haere mai, ma miche tentada sempere. Deo vozzo i tottus sos zoos de nadale venzana omporaos dae s’edicola nostra, gai babbu e mamma badanzana dinare e omporana sor regalos puru s’annu i venidi po tottus. In custa vidda vessunisi meda pizzocheddos i volene zocoso po si zoare tottu paris. Boi batinneddos po Nadale.

Caros saludos de Augusto Vacca.


In classe semus battordighi alunnos, tottus malandrinos e prepotentes."

Zagu Lai, Irgoli

Istimatos tres re,

soe Giacomo Lai, teno nove annos, vrequento sa quarta A de Irgoli, una viddedda in provincia de Nugoro. In classe semus battordighi alunnos, tottus malandrinos e prepotentes. Onzi unu cherete cummandare e po cussu naschini sas brias e arrivammus a nos iscutere. Ieo bos cherio arregonare de unu cumpanzu meu chi si narata Michelli Monne, creditemi non lu chero accusare, ma este ca mi intendo in gurpa. Ieo puru non soe meta vonu, a s’ora de ricreazione po dispettu non l’achimu iocare chin noisi ca non rispettata sas regolas, cherete vinchere sempere, ponete s’isgambetto a sas eminas e las achete rughere.

Cudda die Silvia este rutta, meno male non si atta attu nudda. Mi rendo contu chi devimmus diventare prus vonos tottus e chircare de andare de accordu chenza achere dispettos. De sicuru so pretendende troppu, ma custu Natale commente regalu ippo chertu su computer, però prima accuntentate sos pitzinnedos poveros. A metas annos.


... in is medias, cumenti pozu hai chi mi interrogant e deu non sciu arrespundi?"

Erika Lai, Gergèi

Stimaus re magius

Deu mi zerriu Erika tengu dexi annus e seu in quinta elementari. Mi dispraxidi ca fazu s’urtimu annu de is elementaris, poita in is medias sa cosa est prus dificili, e deu non è chi sia meda brava. Tandus in is medias, cumenti pozu hai chi mi interogant e deu non sciu arrespundi? Du sciu ca depu studiau ma deu su mengianu, candu andu a iscola non m’arregodu prus nudda. Finzasa cust’annu ca tengu s’esami non sciu cumenti fai candu m’anti a interrogai e non m’apu arregodau nudda. Si nau scetti ca su disigiu miu est de arrenesci beni medain iscola.


Sa domo non chest mancu cumminzata, non ammus mancu attu s’iscavu."

Dèlia Mula, Orosèi

Caros Tres Res,

ieo soe sa pizzinnedda chi at iscritu finza s’annu colatu sa litera pro vois. Caros Tres Res sa domo non chest mancu cumminzata, non ammus mancu attu s’iscavu. Soe galu in dommo de mannai. Cando ieo mi che appo andare de mannai mi appo a fachere abbottu prantu pro sa mancanza de sas sas cumpanzas meas. Mata a mancare peri sa piazza de sa grassia inuve iocco e mi appiligo a sa ringhiera. Però si non poto ioccare sempere chi sas vichinas chi tenzo commo poto iocare chin Laura, ca issa istata accurziu a sa dommo chi divimus acchere. Laura este una cumpanza mea de iscola e semus meta attacatas. A babbai li ana regalatu unu calleddu, anzi una calledda ca est emmina. Sa calledda est niedda e su pettusu lu tenet biancu. Est ispizza. Cando mi riet mi che brincat a supra e mi mossierat sos pantalones. In dommo ammus attu s’arvore de Natale est appunta de scoppiare ca est tottu prenu de roba. Vraticheddu no nde cherio prusu ca tenzo duas sorrastras minores. Però si arrivat soe su matessi cuntenta. Caros Tres Res ieo bos saludo, a nos vier a atteros annos si Deus cheret.


Seusu aggiurenti nu pippiu de s’Etiopia azzerriau Milion Ehesethe."

Nicola Puddu, Gonnesa

Stimaus Tres Res

seu unu pippiu de sa classi 5ª de sa scola G. Asproni de Gonnesa. M’azzerriu Nicola Puddu e ti scriu custa littera poita bollu chi s’avereri unu desideriu. In su mundu ci vunti mera genti chi suffrinti, chi non teninti cosa de pappai, chi non teninti domu, inzandusu funti pippius chi tenenti abbisongiu de aggiuru. Nosusu de sa classi 5ª impari a mei eusu aggiurau e du seusu ancora aggiurenti nu pippiu de s’Etiopia azzerriau Milion Ehesethe nu pippiu chi è suffrendi mera. Nosu impari ai mastras seusu donendi i nostras offertas po vai bivi cun s’affettu, amori sostentamentu e s’istruzioni. Sperausu chi in sa terra ci siara sa pasci, amori, amicizia e nudda guerras

Tanti salurus.


Cando bazzese a ube su Billoreddu nazeli de toccare su coro de su mannu e de su minoreddu."

Zuanna Carruale, Orune

Una littera bos chergio imbiare, so minoredda e in terza elementare, e geo so Giovanna Carruale e tenzo 8 annos. Po mene tottu s’umanidatte a bisonzu de amore. Canno bazzese a ube su Billoreddu nazeli de toccare su coro de su mannu e de su minoreddu. e chi s’annu nobu nos acatte ragionare, chi su cherbeddu. A sos pogheros de lir dare una domo e de accatare nesci 10 mizza e in Orune de non b’essere sa gherra.Bos naro chi canno bor bio bos ascurto bene. Rizide unu bette saluttu dae Giovanna Carruale


Emma boli chi totu is pipius sianta presciaus e fortunaus coment’e mimmi."

Frantzisca Lo Cicero, Biddamassarza

Stimausu Tresi Reis,

seu Francisca una pipia mera fortunara poita d’ogna dii papu, bandu a scola e tengu una bella domu. In su mundu ci funti tantis pipius pobirus chi non anti totu ustas cosas e morinti de famini e de frius. Deu emma boli chi totu is pipius de su mundu sianta presciaus e furtunaus coment’e mimi. Bosatrus, ca seis mera bonus, dus poreis aggiurai? Emma boli chi custa Pasciscedda siara bella po cussus comenti aresti po mimi. Si promittu de essi boniscedda e borei donai a cussus pipius calincuna cosa mia po dusu rende allirgus.

Unu basiru mannu mannu de Francisca


Erzo i sos rifugiaos bivana in sa nazione issoro henza gherra."

Pedru Puddu, Ovodda

Haros tres res,

oenzande chi sos disizzos de unu pilocheddu hommente a mene, chi poi sunis sos zohos, sos durches, sos bestires bellos los podimmos tennere cada die; husta vorta mi diada aggradare de bos pedire carchi hosa de diverzu. Husta cassione in sos giornales e in sa televisione si histionada de gherras, de alluviones, de disastros de cada manera e sos prus colpios sunis sos pilocheddos hommente a mene. Deo bos pedo i totus sos pilocheddos e sos mannos puru pozzana essere alligros e tranquillos commente a nois, deo erzo durare a betzu mannu po onnossere atteros tempos un zente bona e zentile. Erzo puru i sos rifugiaos bivana in sa nazione issoro henza gherra puite beninde in Italia urrene su pereulu de morrere in biazzu puite los appo bidos in televisione e mi faene meda pena: sos piloccheddos sunis sempere pranghende e sunis tristos e bruttos.


Soi unu vostru grandi fans. Don’annu cando arribada su natali pensu sempre a bosatru."

Filipu Mele, Lotzorài

Carusu Gasparre, Melchiorre e Baldassarre

deu mi zerriu Filippu Mele, bengu de Lotzorai e tengu undigi annus. Soi unu vostru grandi fans. Dogn’annu cando arribada su natali, pensu sempre a bosatru, d’ogn’orta chi faccu custu, me intendu sempre alligru. Vi iscrio custa littera po allegare de is problemas che ci funti in Italia, vi preu de far firmare is naves de is isestra comunitarius, poita noso non ci da femmoso prusu. Deu soi unu piccinneddu bravu; infatti naro sempre sa beritade. Dus annos faidi appu bintu tottus is medaglias de sa cursa. Tantu saludusu da mimmi.

P.S. A scola sa mia classi esti una pesti totali. Ancora saludus.


Oe su mundu es quasi frittu, est indiferente e prenu de egoismu."

Sìlvia Soru, Otana

Caros tres res

oe su mundu es quasi frittu, est indiferente, e prenu de egoismu. Non si faeddata prus cun sos bighinos, non si rispettana sos anzianos. A mal’apena, faeddamosos sos parentes. Semus prenos de invidia unu cun s’ateru. Tottu custu deo cherio chi non bidi istettiu. D’adessere bellu azzudare a chie ista male, caentare a chie a frittu, a dare unu bucone de pane a chi non dada, consolare cuddos prusu afflittos, a nos rispettare cun tottus, de cualsiaisi colore, religione e cettu soziale. Insomma unu mundu prenu de sinzeridade e rispettu ispezie a sos chi istana pagu vene de salude e sos e sos anzianos chi solu pro su zudissiu chi tenene, andana rispettaos e amaos. Custu deo dia cherrere dae sos tres res. E isperemmmoso chi finene tottusu sas gherras, chi torramusu tottus in paghe e vivemmusu in paghe unu cuns’atteru cun amore e sinzeridade. Sian finios odios e rancores. A tottus a chent’annos cun salude e cuntentesa.


Su mundu est cambiau prima sa zente idi prus sinzera e cuntenta."

Romina Carta, Otana

Caros remaggios

est beninde Natale e su pensieru est po voisi chi ades bidu a Gesù Bambinu cando est naschiu e li ades portau sos donos. Custu Natale deo cherzo chi siede diversu. Su mundu est cambiau prima sa zente idi prus sinzera e cuntenta. I su mundu de oe su desideriu meu est chi sa zente siada prus cuntenta, su triballiu po tottus, chi non bapede pizzineddos mortos de gana e su sorrisu in tottu sa zente chi mi viede. De mea penso chi deppo azzudare sos chi ne tenene bisonzu. Andare bene in iscola, aghere ridere chie est triste e deppo pregare meda a Deus. Deo mi vio una pizzinnedda cuntenta. Comente pesso como non deppo cambiare. Custa littera l’appo iscritta cu su goro.


Deu creu ca in su 2000 ci ant essi prus extra comunitarius che italianus."

Federicu Atzèi, Lotzorài

Carus tres reis

comente esi bitti isceis e itta esti succedendi in su territoriu mexicanu, c’esti s’uraganu Mitch, centinaias de personas funti mortas pu curpa sua, i paridi chi immoi si siada dirigendusi is atras biddas americanas, quindi os naru de du firmai, e de portai de nou su sorrisu in sa facci de is personas colpias de s’uraganu, poitta funti a su minimu de sa disperazioni, e chi su stadu mexicanu e tottus is attrus donianta unu contributu.

Peri pois is extra comunitarius, esti sa solida cosa, funti personas chi si fuinti da su stadu insoru poitta in cuni ci funti is guerras, quindi si fuinti e sa bidda prus vicina po medas de issus esti s’Italia, e di vunti sbarchendi sempri de prus, e su guvernu italianu non isciri aui dus ponniri, deu creu ca in su 2OOO ci ant essi prus extra comunitarius che italianus, po brulla, speru tantu chi osattri Gasparre, Melchiorre, Baldassarre agattais unu rimediu adattu.

Peri po is problemas de sa Sardigna prima de tottus sa disoccupazioni, fei in modu chi prus personas i tengianta su traballu in Sardigna, poitta su 20% de sa popolazioni non tenidi traballu, ciccai de risolvi peri custu problema. Fai in modu che nonnu miu bendara is brebeis e chi si godada sa vida in pasci peri poitta si ndi scidara chizzi peri candu è maladiu.

Faei peri chi finanta is bombas a Tortolì, ciccai de esaudiri custus disiscius e chi ci faesimi portaisi unu goigu a mei.

Deu soi unu mannu ammiratori de bosattri. Cordialus saludus.

P.S. Poi si faeisi unu prasceri a sa maistra mia, de di portai una macchina noa, una OPEL ASTRA noa, aicci poniri da parti cussa beccia chi narada de tenniri, poi a mei non paridi aicci beccia, commenti narada, aicci cun sa noa andara in giru cun is amigus e forzis mi invitada


Volio i non esistiada sa clonazione. Nois non deppimos essere tottus uguales ma diversos."

Gràtzia Cuga

Caros tres re: Gaspare, Melchiorre e Baldassarre

soe una pizzocchedda de à annos, frequento sa 4ª elementare, mi muto Grazia e isto in Ovodda. Volio i non esistiada sa clonazione, puite si una maistra teniada tottus sos pizzocheddos uguales, i faiana tottus sa stessa ossa fudi noiosu puite si be furini tottus sos pizzoccheddos uguales fudi lezzu. Nois non deppimos essere tottus uguales ma diversos. Volio puru i su mundu fudi prus pau inquinau e i sa zente non fuliavada sos rifiutos po sas istradas puite sos ambientalistas lu erene pulire, ma sa zente, sighidi ad inquinare.

Poi volio galu i non be furini sas gherras puite si ponene sas bombas a vicenda. Deo volio i ustu desideriu si avverede e i su mundu fudi prenu de ossas bellas. Ma omo bos saludo de Grazia Cuga.


Si domandu de penzai a cussus chi teninti prus abbisongiu de mimmi."

Luana Tedde, Biddamassarza

Stimau Tresi Res

bosatrus du scesi benius ca in su mundu mera genti penzara a bivi bene e non penzara a is atrus. Deu si domandu de portai mera donus e amori a totus is pipius chi stanti mali, a cussus chi sufrinti su famini, a mimi bastara s’amore de mamma e de babbu miu. Si domandu de corus de penzai a cussus chi teninti prus abbisongiu de mimi. Naradi a Gesusu chi in su 2000 portiri sa pasci in totu su mundu.


Cando soe mannu cherzo diventare pastore e cherzo chi in Orune b’apa traballu e pache."

Frantziscu Zidda, Orune

Caros Res

soe Franziscu Zidda isto in Orune e appo 8 annos.

Orune est una vidda bella, e b’istata zente meda brava.

Inoche s’ista bene e est meda bellu po mene ca hapo una bella familla e meda zente chi mi chere bene.

Orune però est una vidda meda triste ca b’a mortu meda zente, sos zovanos no ana traballu e canno si imbreacana isparana a sos lampiones.

Po cussu sos zovanos si che depene annare. Caros tre Res vidu chi sezisi annanne a nue Gesù Bambinu cherzo chi li nezzes chi canno soe mannu cherzo diventare pastore e abbarrare in Orune e cherzo chi in Orune b’apa traballu e pache.

Bo saludo, Franziscu.


Fate ca su mundu cambi e non ci siant pru lottas, litigius, guerras."

Anzelu Forresu, Gonnesa

Carus Re Magius,

bosatrus che eisi tetiu sa fortuna de provai momentus de felicità a bi Gesù nasci, vi domandu unu miu favori personali, aressi cussu de fai proai a is pipius de totu su mundu un’emozioni po is poveriteddus copertas po su frius, arrobba po si bistiri, acqua po buffai, cibo po papai e domus po si riparai.

Solidarietà, amori, felicità, stai beni con su dinai e con sa saluri, custu è su pagu ca si dimandu. Accontaimi a me e a bosatrusu.Fate ca su mundu cambi e chi fra tottus is pipius, mannus, paesi, nazioni, continenti non ci siant pru lottas, litigius, guerras e donasindi su beni ca du bollu a Ges

Salurus e baccionis, Angiuleddu Forresu


Ia bolli chi mi agurisi a realizai is mius disigius, chi sorri mia i curiri."

Elisabetta Demurtas, Lotzorài

Carus Gasparre, Melchiorre e Baldassarre.

Comenti istais? deu soi Elisabetta Demurtas deu ia bolli chi mi agurisi a realizai is mius disigius, chi sorri mia i curiri, peri po sa saludi mia e de cussa de sa famiglia mia. Peri chi deu sia prus calma ca soi propriu una pipia nervosa. Però deu ollia solu custu. E chi su Natali i du festeggu bellu. Peri po su problema de sorri mia. Ia bolli chi is disigius mius i si realizinti tottus. Aici i mi ndi liberu de tottus custus problemas chi tengu. Carus Gasparre, Melchiorre e Baldassarre, seis maggiorennis e sia bolli donanci calencuna cosa. Mi podeisi aggiudai a realizzai tottus custus disigius?


Pessamus solu osas chi cherimus, ad esempiu zocos chi no ischimus prus inue los ponnere."

Erika Fancello, Durgale

Ieo pesso a totu sos pippios de su mundu, no ane tottu a pappare che a nois! Cando sa familia nostra nos dat a pappare, carchi’orta nos lamentamus! Ma issos nos narant: –Pessa a tottu sos pippios de su mundu, chi no ane nudda, tue imbezzes as tottu!– Est abberu custu contu, ca nois los depimus azuare, ma imbezzes pessamus solu osas chi cherimus, ad esempiu zocos chi no ischimus prus inue los ponnere, istires bellos, iscarpas, e atteras cosas bellas chi issos no ane. Tottu sos poveros no ane ‘inare po si leare custas cosas, e an bisonzu dess’azudu nostru. Chin sas paraulas narammus ca los azuamus, ma a pustis non che irmenticamus.


Orthiu ci is picciocos ci guidanta sa macchina faccanta prus pagu is maccos."

Luca Casari, Biddamanna Strisaili

Salude! Deo so Luca Casari, iscrio de Iddamanna Strisaili. Ia orthiu de osatros Maggios caligunu cambiamentu in custu periudu nataliziu. Prime de tottu ia orthiu ci is picciocos ci guidanta sa macchina faccanta prus pagu is maccos e s’accelleradore lu carchente prus pagu. Segundu ia orthiu ci sa giustithia iada agatau cussos ci ponente su fogu e ci faente balentias graves po do s’accapiare in presone. Ia orthiu peri ci ais pipios de su terthu mundu dis arribede cosa de papae, bestires e caligunu giocatulu po do fae istae un pagu prur bene de comente istanta. Po urtima cosa ia orthiu chi su tempus de a su mese de Lampadas i fattu colae all’estru poite intramesu de su mese de mau e Lampadas deppo fae sa prima cumunione e non de bio s’ora!!!!!

Tantos saludos de Luca Casari


Si bor dimanno chi sor fizos tenzana rispettu pro sar mamas."

Antonedda Congiu, Finiscole

Caros tres Res,

mi naro Antonella Congiu tenzo deche annos, acco sa quinta elementare, s’iscola mea est i sa localitate de Sa Sedda non bos so chiedende meta cosas ma solu unu pacu de onistade, azicu e pache e generositate in tottu su mundu. Azicu e amore pro sos populos chi son sofrinne, pro sor malaidos chi sono in sas viddas inuve b’est sa cattiveria chi achet solu male e non iuchete a nudda. Bos cherio narrere puru de chircare de risolvere azicu sas fainas chi tenen sar familias ocatar de pare e de azuare azicu sa zente chi non tenet inari, ca commo b’est meta egoismu e qindi neune daet nudda a neune si no est a paccamentu. Si bor dimanno chi sor fizos tenzana rispettu pro sar mamas, ca como non b’est prur gentilezza? Chin custa litera ieo so chircanne de bos cumbinchere ad averarese custos desiderios chi mi rennene meta cuntentu. Be como bos saluto e bos auguro unu vonu natale.


Ieo bos peto chi vrate meu siata prus bravu."

Zuanne Pira, Orosèi

Mi naro Iuanne soe de Orosei e soe izzu de Franziscu Paulu Pira. tenzo unu vrate chi si narat Marco Pira. Est maleddu e ispipillu. Commo bos conto unu fattu chi est suzessu ianteris. Sicomente ammus mortu sa sughe, ammus fattu sa chena, e ammus invitatu tottu sos parentes nostros. In su mentre chi immus mandicande frate meu catta atu rughere s’ampulla de s’abba . Mammai tando li atta datu una iscambessata e che l’ata dispazzatu a lettu. Cando c’ammus vinitu de mandicare ieo e fratiles meos semus andatos a lu picare in ziru. Però naro una cosa chi ianteris immus nois puru diauleddos. Ieo bos peto caros Tres Res chi vrate meu siata prus bravu. Ieo bos petto chi custu annu che iuchetas pache in sas domos e travallu a sos disocupados.

Bos saluto

Pira Iuanne e a chent’annos


Sperau chi mama mia abarrat in attesa de unu pipieddu e su disigiu si esti averau."

Antoni Carta, Gergèi

Stimaus re magius

deu mi zerriu Carta Antoni e tengu dexi annus. Deu sperau chi mama mia abarrat in attesa de unu pipieddu e su disigiu si esti averau. Speru chi su pipiu nasciat sanu e deu speru un’atra cosa chi nasciat mascru, du ollu zerriai Lorenzu, chi nasci femmina non iat ascia cumenti dda zerriai.

Su pipiu nascit a lugliu, e deu speru e non biu s’ora chi arribbiri.

Si salludu


In su mundu genti meda esti pobura e no tenit dinai mancu po mandai is piçoheddus a scola."

Luca Chessa, Santubainzu

A is tres gurreis.

Seus acanta de Paschixedda, nosu siguramenti eus a tenni sa mesa prena de cosa prena de cosa bella de papai, ma nc’esti genti hi no esti prexada meda, poita no tenit nudda e po no morri de fami circat in s’arrefudu de is atrus.

Apu biu ominis nieddus hi bendiant muncadoreddus de paperi po gadangiai unu pagheddu de dinai, ma niçunus ndi pigat.

In su mundu genti meda esti pobura e no tenit dinai mancu po mandai is piçoheddus a scola.

A mei dispraxit, ma no sciu ita fai po dus aiudai.

Ia a bolli hi totus tenissint una vida sena de tribullias.

Pregu a bosatrus de essi generosus cun cussa pobura genti


Faghide, a chie non l’hat, su regalu de unu tribagliu, chi est preziosu pius de s’oro."

Manuela Meloni, Macumere

Caros tres res,

Dei so una pizzinna de 4 elementare de s’iscola de Macumere, Padru’e Lampadas. Bos mando custa littera non pro pedire donos pro mene, ma bos prego de pensare a tottu cussos chi non hana nudda, a sos malaidos e a sos bezzos chi sun solos.

Bos prego de faghere torrare sa paghe in tottu su mundu e sa serenidade in donzi familia.

Faghide, a chie non l’hat, su regalu de unu tribagliu, chi est preziosu pius de s’oro. Cherzo chi no esistat pius sa violenzia e sa paraulas sequestru e omicidiu benzat cancellada.

Deo so sigura chi ois meda potentes, m’azis accuntentare.

Bos saludo e ringrazio


Appu accettau de iscriri sa litira in sardu puite est una bella limba. Mi paridi ca enidi iscultada de prus da osatrus ca esti sa limba mia."

Frantzisca Cadeddu, Gadoni

Carus Tres Res

seu una picciochedda de dexi annus mi nanta Francesca Cadeddu, seo nascia in Sorgono e bivu in Gadoni. Appu accettau de iscriri sa litira in sardu puita esti una bella limba ca esti iscumparendu e mi paridi ca enidi iscultada de prus da osatrus ca esti sa limba mia. Ia boliri meda ci mi acuntenteisi su disigiu de attiri sa paxi in su mundu po sempri puita sa gherra attidi sa carestia e morti assa pobera genti innocenti e medas fundi custrintus a lassari sa proria terra cun tottus is parentis istrintus e medas bortas i barinti in viaggiu affogaus o streccaus in is barcas. Atra boltas is pipus inti su babbu e sa mamma uccitus de is fusilis de su nemigu e uccinti is pippius puru e custu mi faidi troppu ferenu, puita sa molti spettada a Deus a nosida giari, e is familias depinti abbarrari sempri parisi in sa terra insoru liberusu senza depiri tenniri de essiri a foras puita dus podinti sparai. Carus Tres Res ci iscultais custu disigiu miu eisi affairi cuntenta non sou a mimmi ca grazias a Deus istu beni ma su prus ant a essiri cuntentus tottus is pippius e mannus de totu su mundu


Sos chi semus in sa palte ricca de su mundu semus de malu coro comente a Malispina."

Clara Meloni, Pedru Dau, Valentina Sanna, Berchidda

Nois in custos annos amus chilcadu de cumprender su mundu de oe. Tres paltes sunu peveras meda meda e nois semus in sa palte ricca meda. Si che vizis istados bois nos aizis aggiuadu a ponner sas paghes, e a dare una palte a totu. Sos chi semus in sa palte ricca semus de malu coro comente a Malispina, chi fidi un omine de unu contu antigu. Si che fizis istados bois su mundu fidi istadu pis bonu, e sos pizzinnos no fini istados ilfruttados comente a oe. Nois Belchiddesos in su tempus passadu amus appidu unu preideru de lumine Pedru Casu chi iscriada cantones de Nadale, e una de custas fidi intitulada: "Andhemu a sa grutta" e un’istrofa dedicada a boisi:

Sos tres Res de levante,

s’istella caminante

sighendhe enin cun coro

e li donan inzensu, mirra e oro.

S’istella caminante semus nois creschende, e bois chi nos aggiuades dandenos sa lughe de Deu.

saludu e trigu e Bonas Pascas de Nadale e de sos Tres Res.


Deu pensu che su stadu poriara costruiri una domu po sa genti povera."

Federica Saba, Iglèsias

Carus is tres Gurreis,

Seu Federica, bivu a Iglesias, tengu 8 annus appena lompius. Frequentu sa III elementari in sa scola de Montebone. Deu seu mera fortunara de teni meras personas chi mi onti beni. Babbu miu teneri unu traballu siguru, fairi s’infermieri, confronti a atrus, babbus e picciocus che non teninti traballu. Deu pensu che su stadu poriara costruiri una domu po sa genti povera, ca suffrinti. Deu boremmu che po su Santu Natali a gusta genti non di mancara nudda, chi sianta presgiausu. Deu non intendu rinunciai a unu donu, ma boremmu chi tottus ne tenianta unu po su Santu Nadali. Poi boremmu che in su mundu non ci sianta prusu guerras e s’odiu tra sa genti. Deu mandu unu basiru a tottus e che sianta prasgiaus comenti mimi


Custa littera deusu iscritta a su computer poite i bivius in cust’era de ‘s’informatica."

Alessandra, Marta, Simona, Biddanoa Strisaili

Caros Tres Res,

seus tres piccioccheddas meda amigas e frequentaus sa classe quinta elementare de Biddanoa Strisaili. Ai scola ir lompiu su cumbidu de Olzai po osi iscrie una littera e noso aus decidiu de partecipae. O si scrieus po osi chistionae de sa famene e de sa poberesa de su Mundu in cui bivius. In meda logos de sa terra, meda sgente sunfridi pro su famene comente in medas zonas de su Brasile. Noso conosceus una missionaria sarda ci traballada in sa idda de Itabuna, ci nos’ade contau sa vida de cussa sgente. Iscius ca faente una vida meda pobera: tenente po omu una barracca fatta de farscas, enue bivinti pari medas famiglias; non tenente eite papae po si sfamae; funti estios cun istraccios e certos usgente is cosingios ci noso usaus po andae a su mare; non tenente mezzos de trasportu de sa cosa. Sa classe nostra tando, ade decidiu de dir mandae inare e litteras po si ponne in contattu cun is piccioccheddos de incui. Chiedeus ci du nareisi a su pippi Gesusu po doso asgiudae.

Imoe o si chistionaus de noso. Deo Alessandra soe nascia in Freargiu e soe sa segunda a lompe is annos in classe mia. Soe meda arta, meda langia, isportiva. Is pilos funti longos, usgio is occhiales. Mi prasgede a mi estie cun sa unnedda longa: comente si usada imoe, stivales artos e a taccu. Ando a sa pallavolo e assa scola de musica, iscio sonae su pianoforte. Funti bellos ma olente meda impegnu. Soe in d’una famiglia de tres personas, non tengio atra sorre: soe fisgia sola e custu mi disprasgede. DEo, Simona, soe langia, arta, is pilos cursos, is ogros marrones. Soe nascia in Freargiu e soe sa prus manna de sa classe. Ir mias attividades funti sa scola de ballu e sa pallavolo. Sa famiglia mia iste formada de cincu personas: tengio duas sorres ci andanta a su liceo, funti meda prus mannas de mimmi. Deo, Marta, ando a iscola de musica, ir meda bella, ma in su stessu tempus meda difficili. Soe nascia a Ogniassantu e soe sa prus pittica de sa classe. Sa famiglia mia iste formada de quattro personas: tengio unu frade ci si muttidi Tony e tenede quattro annos in prus de mimmi. Soe bascia, langia, is pilos funti cursos, is ogros irdis. Comente biesi custa littera deusu iscritta a su computer poite i bivius in cust’era de "s’informatica" e noso seusu unu pagu espertas in custu campu. Pregae ci diventeus piccioccheddas bonas e bravas po su bene de s’umanidade. Imoe o si saludaus e spereus ci s’annu nou pertede pane, pasge e cuntentesa a tottus is piccioccheddos de su Mundu.


Ieo so unu pizzinnu allegru, mama mi giamat furbillu e nonna mi narat birbante."

Zuanne Luca Mureddu, Macumere

Occ’annu m’han invitadu a Olzai, ca nachi b’est s’appuntamentu cun sos tres Res. Eo los cherzo faeddare sos tres Res ma in s’isettu de los connoscher los iscrio e lis iscrio pro lis pedire unu favore, unu donu pro nadale.

Ieo so unu pizzinnu allegru, mama mi giamat furbillu e nonna mi narat birbante ma deo so cunvintu d’essere in su gruppu de sos piseddos chi giughe su coro ‘onu, chi faghe cosas bonas po sos pizzinnos bisonzosos. S’attera die happo azzuadu a babbu a carrigare su camiu de sas cosas pro sos missionarios, pois ando in parrocchia e azzuo sa zente c’hat bisonzu, ubbidiente a su chi mi narat su preideru. Cun sos cumpanzeddos su matessi, so gentile e mi divido finzas una caramella, e pois onzi die naro sa preghierina: a Santu Giuseppe, a Nostra Sennora e a su Bambineddu po mi lassare sanos a babbu e a mamma e a nonna, ca tenzo una nonna malaida meda chi non bidet. Solu chi custa nonna mia sognat sempre e pregat chi bi la fettet a faghere una funtana in onore de sa poesia sarda e de sa limba sarda? L’happo intesa s’attera die chi nariat: "Ohi si m’intendiat Gesù bambinu, si m’iscultaiat Santu Giuseppe e Maria chi faghet tantas grascias!". Ma deo cando happo intesu chi bi fint sos tres Res happo nadu: "Deo su piaghere lu pedo a sos tres Res". Ca issos non suni cuddos chi enin de oriente. Occ’annu sun sardos, a cantu happo cumpresu deo, e sun de Olzai. Sigomente incue happo ischidu, ca bi so andadu un’attera ia, chi b’hat una cava e pedra e tando tia narrer si b’hat carchi re de Olzai, si mi lu faghides custu piaghere de mandare a bidda mia po render felice a custa nonna malefadada chena oggios assumancusu unu camiu ‘e pedra piccada po l’azzuare a fagher custa funtana. No so pedinde sa luna, no so pedinde su sole, no so pedinde nudda po me. Tando deo bos ringrazio, e si mi lu podides fagher custu piaghere faghidemilu. E in cussos cassioneddos indorados, cantos sognos e cantos disizos: accuntentadolos totus si podides. Un’abbrazzu e unu asu a totas tres

Viva, viva sos tres Res.


Ema boli che in su mundu de crasi non ci siara prus gherras e totus siant cuntentus."

Frantzisca Giranu, Iglèsias

Deu mi zerriu Francisca e seu una pipia brava e sturiu sempri, frequentu sa 3 elementari. Bivu a Iglesias. A scola apu fattu mera amicizia cun is cumpangius mera bravus. Seu mera felici poita tengu mamma e babbu chi mi ointi mera beni e mi regalanta de is cosas bellas. Deu deis arregalus che mi vainti issus mi divertu a giogai. Babbu miu est unu meccanicu inveci mamma mia est una sarta. In famiglia seusu in quattru, deu, sorri mia, mamma e babbu e andaus mera de acordiu. Deu però sciu che ci vunti personas mannas e pipius che non porinti andai a scola. Non teninti nudda de papai. Deu dusu d’ema aggiurai ma sciu che a sola non ci d’ema pori fai mai. In su mundu ci vunti mera personas malarias e non porinti mai curai poita non teninti mescina. Ema boli che in su mundu de crasi i pobirus e che is ominis si olontanas bene e che in su mundu non ci siara prus gherras e totus siant cuntentus.

Unu basiru dae Francisca.


Como chi ana approvadu sa legge de "Su piseddu comente unu zittadinu" lu sunu isfruttende fatendelu tribagliare fina a doighi oras sa die."

Manuele Bombòi, Austinu Puggioni e Mirku Gaias, Berchidda.

Gasparru, Melchiorre, Baldassarru

bois azis cumpresu a Cristu, e cherimus chi nos aggiuedas a cumprendere puru su mundu ‘e oe, a li dare una meghina pro sanare dai sos males. Bois enide puru in custu tempus pro fagher creschere ‘ene sas raighinas de unu mundu pius bonu. Ca como chi ana approvadu sa legge de "Su piseddu comente unu zittadinu", lu sunu isfruttende fatendelu tribagliare fina a doighi oras e pius sa die. Faghide frimmare sa malura de sos omines e dade a sos pizzinnos de su mundu: su mandigu, s’abba, babbos e mamas e sa libeltade. Sos fizos de niunu in sos annos immentigados chi sunu in sa gherra dadelis calchi cosa e si bi resessimus bos aggiuamus puru nois. E cando tuccades dai s’oriente cun s’istella l’adorades devotamente e nades: "Re divinu inoghe ses. Sa paghe inue este?". Su Nadale est arrividu pro istare totu unidos pro faghere unu mundu ‘e paghe e a nos cherrer bene.

Bona Pasca ‘e Nadale e de sos Tres Res. Austinu, Mirko, Manuelle.


Bos pedo de fachere sanare su poddiche de frade meu che ata appiu una disgrazia chin sa moto."

Fabiu Bandinu, Nùgoro

Ghesparru, Merzeoro e Baldassarre, salude!

Cad’annu bos vio i su presepiu, sedes innedda, ma sa die de sa Befana a su Sarvadore sedes accurzu dande donos: oro, nincensu e mirra. Pois istudiaes sa astronomia. Appo iscrittu custa littera gai bois podies azzudare sos poveros. Bos pedo de fachere sanare su poddiche de frade meu che atta appiu una disgrazia chin sa moto.


Comente faeisi a cumprendere su sardu? Nde teneisi de vocabolariu?"

Frantziscu Etzo, Atzara

Caros tres res

Deo seo unu pipiu de Atzara, tengio otto annos, mi nanta Francesco Etzo.Sa prima cosa chi si pregonto est comente faeisi a cumprendere su sardu? Nde teneisi de vocabolariu? O mancari aeisi attoppau calencunu Tonaresu o Desulesu bendendo castangia, sonagios e palas de forru e oisi imparau a cumprendere su sardu, o forsisi boisatroso cumprendeisi tottus i limbas de su mundu, comente si siada seo seguru ca mi cumprendeisi e tando si naro ca seo disigiando chi fazzada una bella frocada comente cussas chi faiada cando fiada pittiu babbu ca mi raccontada ca frocaiada meda e issos fianta cuntentos e si imbuscinaianta il su nie, ma non frocada e proede, a bortas proede troppu e in meda logos a istrupiadura, faede donos, che leada finza sa gente e tando sufrinti e morinti ca is omines anta inquinau tottu e su tempus est cambiau. sa cruppa de tottu custu est de chie ada guastau finzese s’aria po guadagnare dinare meda. pregae a Gesù bambinu a di si faede a cumprendere ca gasi no andada bene e a ponnere rimediu a tottu custu chi non cando ausu a essere mannos noso sa terra ada a essere furriada a su contariu.

Si ringrazio meda meda.


Hando che so mannu hergo ahere su veterinariu, proha hergo vene a tottus sos animales."

Frantziscu Miscera Menneas, Orgòsolo

Salude a sos Tres res.

So Francesco. So de Orgosolo. Appo ses annos e mesu e so in prima elementare. Hando che so mannu hergo ahere su veterinariu. Proha hergo ahere su veterinariu. Proha hergo vene a tottus sos animales. Voisi hi che sezzese in chelu parisi in Zesusu, bos pedo solu de li dare unu vasu mannu a mamma. Parisi in d’una rosa. Proitte so unu pizzinneddu orfanu. Però appo una zia, unu mannoi, una mannai e medas amihos e parentes i mi herene meda vene.

A Zesù Bambinu li hergo pedire de azzudare sos pizzinneddos de tottu su mundu. Unu vasu a Zesusu e tantos saludos a sos Tres Res.


Boe pedo de fachere sanare sa maladia a mama mea e a protezere sa familia."

Elena Piroddi, Nùgoro

Caros Ghesparru, Merzeoro e Baldassarre,

cada annu deo bos vio in su presepiu meu accurzu a su Sarbadore.

Bo so iscriende custa littera pro bor dimandare de protezzere sos pizzinnos in sa gherra dae sa zente mala.

Bos pedo de fachere sanare sa maladia a mama mea e a protezere sa familia.Salude!


Faghide chi finzas sos riccos de como andene da sos poberos po los azzuare."

Fiorella Zucca, Flussio

Caros Tres Res

deo penso chi oe su mundu est troppu malu e disizzo chi cambiet, chie siet pius bonu e chi sos omines no fetan pius sa gherra, faghideli bois cumprendere comente b’istant male sos pizzinnos e sa zente chi no b’intrat nudda e no si podet difendere. Deo chelzo unu mundu de Paghe, de Amore, de Libertade e de Amighizia. Como sa zente est troppu egoista, pensat pius a su ‘inari e sinn’immentigant de sos omines poberos chi sufrint ca non tenen nudda po mandigare e ne domo po dromire. Bois chi hazzis bidu Gesu pizzinnu e bos sezzis imbenugrados adananti a issu, hazzis dadu unu esempiu mannu, faghide chi finzas sos riccos de como andene da sos poberos po los azzuare. Si totta sa zente si gheret bene su mundu est pius bellu e in paghe e deo soe pius cuntenta.


Nos an postu in d’una aula minoredda e semus troppu in astrintu."

Simona Fanni, Ortzài

Caros tres res,

soe una pilochedda de nove annos e mi naro Simona Fanni. Isto in d’una vidda i si narada Ortzai. Ommente cad’annu, bos iscrivo una literedda pro bor dimandare unu piaghereddu , si milu podies ahere. Intantu bos herio narrere si podiavazis ponnere una bona paragula, po haere cottiare a d’accabbare sos triballos de sas iscolas elementares. semus ahende sas leziones i sas iscolas medias ama e mene non m’agradada meda, nos ana postu in d’una aula minoredda e semus troppu in astrintu vinzas si semus minores de tempus semus mannos de arena e erimus una classe prus manna pho non moere mezus, sinono si sos bancos suni troppu accurziu sunu uss’atteru, a calihunu li venidi tenteos de copiare vinzas sos compitos. Vi urini medas osas i bor erio dimandare, ma iae bos ana bastare sos pessamentos i aziis aere enza bondazzure atteros e pho oannu lassamus goi un s’isperanzia i mi podies auntentare bos saludo.


In bidda mia non c’adi paxi poita funti furendi, ponendi fogu, e sa natura esti isparessendu."

Viviana Sìrigu, Iscroca

Carus Gasparru, Mertzioru e Baldassarru

mi nanta Viviana Sirigu seu de Iscrocca e seu nascia in Casteddu. Mamma mia si tzerriada Melinda e faidi sa meri de domu, babbu miu si tzerriada Antoninu e fadi su ragionieri in su comunu de gergei. Deu tengu una sorri chi ddi nanta Federica e tenidi setti annus. In bidda mia non c’adi meda paxi poita funti furendi, ponendi fogu, e sa natura esti isparassendu: infatti non c’adi prus mottos. Po cussu non c’esti paxi nè tra mannus e ne tra pittius. In iscolla puru deppiaaus fai una recita, ma una maista adi tentu problemas in famiglia sua e no dd’eus prus fatta po rispettu, d’eus a fai prus ainnantis. Tzia mia puru esti sempri addolorada poita dd’esti mortu unu fillu de bintunu annus in d’unu incidenti.

Deu bollu chi tottu su mundu siada in paxi e in saludi.


Soe fiduciosu meda ca Ghesparru, Merzioroe Baldassarre non piccana in ziru."

Zosepe Licheri, Nùgoro

Caros Ghesparru, Merzioro, Baldassarre

Ite istraccos chi sezis de camminare supra de sos cammellos. Bos appo bidu cad’annu cando vaco su preseppi. Bos ponzo meda innedda de sa capanna chi depies arribbare sa die de sa Beffana issoru de sa capanna. Sezis ischios e fortes. Iscrivo ca bos pedo carchi piachere de sanare Iaia e Iaiu che tottar duos sunu maladios. Finzas un ateru piachere bos deppo pidire: medas pizzinnos benini isfruttaos a trabballare e a mimme mi dispiacchete, ca sunu maletrattaos e sunu pizzinneddos minores chi no an a nemmos. Deo soe unu pizzinnu chi ata iscrittu a boisi propriu ca cherio che cussos piacheres che appo iscrittu prima andene a su pizzinneddu. Deo soe sicuru che su messaggiu arribete, soe fiduciosu meda ca Ghesparru, Merzioro, Baldassarre non piccana in ziru. Ciao e tantos saludos, nor bidimmus sa die de sa beffana.


Certas gherras non si comprende poite cominzan e tanta zente moridi senza motivu."

Sarvadore Brasu, Otana

In tempus de oe s’intende certas cosas chi ti aghene male a su coro. Certas gherras chi non si comprende poite cominzan e chi non tenene mai fine e tanta zente moridi senza motivu lassande tantas famiglias abandonadas e tantos pizzinnos morinde de ghana costretos a emigrare in terras prus trancuillas.

Ispero i un futuru custa zente podada acattare sa paghe e chi sos mannos si ponzene dacordu e chi sa paghe vi siede in totto su mundu e che tottu sa zente si gherze bene e chi non bisiede prus pizzinnos morinde de gana


Poita non andaisi cun su cammellu a salvai tottus cussus chi soffrinti?"

Zuanna Fadda, Lotzorài

Carus Gasparre, Melchiorre, Baldassarru

deu soi de Lotzorai e mi zerriu Giovanna Fadda tengu desci annus. Deu disciu ca bosatri beneis de su lontanu orienti po portai is donus a Gesù Bambinu chi nascidi a Nadali; deu ollu chi bosatri faeisi s’arregallu prus mannu a Gesù Bambinu ma puru a is pipus poberus che funti soffrindo, puru ai terramotaus chi vunti in Umbria. Pagus disi faidi funti mortas medas personas e puru pipieddus prus mannus e neonatus , po fortuna sa maggior parte furianta ferius. Deu disciu ca realizzai custu disigiu esti meda faticosu, poita is pipieddus e sa genti manna de sa terra funti milionis e aggiudai a tottus esti impossibili ma forzis non po bosatri. Bosatri chi seis prus giovani de Babbu Natali e benneis a portai tottus is donus cun su cammellu, poita non andaisi cun su cammellu a salvai tottus cussus chi soffrinti?

Chi a mei faeisi cussu chi appu pediu in custa littera deu vi ollu meda beni, e vi naru ca deu custa littera d’appu scritta cun su coru pensendu a bosattri e a cussus chi soffrinti. Vi saludu e vi ringraziu, vi pregu de liggi attentamenti custa litterae de esaudiri is mius disigius.


Vozo i sos pilocheddos non iscopien sos petardos a unu de bidda si cheste zai istruppiau."

Claudia Frongia, Ovodda

Caros tres res,

deo mi mutto Claudia e vozzo i boisi mi azudedas a azzudare sos poveros, sos terremotaos, sos malavios e tottu s’attera zente de ustu mundu, i nde tenede bissonzu. Poi deo vozo i sos pilocheddos non iscopiene sos petardos a unu de bidda si cheste zai istrupiau. Vozo i po ustu Nadale siana tottus untentos, minores e mannos. Ussu i non m’agradada in sa televisione est sa zente i moridi i oie po su frittu, oie po gurpa de sos griminales e sos pilocheddos i morini par gurpa de sos pedofilos. Vozo i ustos pedofilos andene a galera e non ch’essana prus puite sos pilocheddos non si depene toare mai.

Bosso ispetto sa notte de Nadale in domo mia.


No avio nemmancu tres annos cando mamma si ch’est andada in chelu. L’avio essia a mi preparare su presepi o s’arvule e su pacchetto de su regalu."

Nataly Meloni, Ortzài

Soe Nataly, soe nassia in Cesena su 9 de lampadas de su 1989. No avio nemmancu tres annos cando mamma si ch’est andà in chelu mi l’ammento pau sa cara sua, l’avio essia a mi preparare su presepiu o s’arvule e su pacchetto de su regalu omente a sos ateros pizzocheddos omente a mene; si la viede uno de voisi in chelu naraili i reede pro mene e pro sos pizzocheddos prus tristos de mene sor i no ana pane ne dommo e ne bistire. Deo apo a babbu i mi dada tantu amore pro issa puru.


Emma a bolli chi in Nicaragua si rifazzara totu cussu chi sa tempesta ari destrutu."

Fabiu Casula, Biddamassarza

Stimaus Tresi Reis

seu Fabio, unu pipiu de segunda alementare. A scola non seu mera bravu, ma da oi appu a circai de fai d’ogna cosa mellus.

Emma a boli chi mamma sia mellus de saluri, chi in Nicaragua ant a tenni cussu chi dengu deu e chi si rifazzara totu cussu ca sa tempesta ari destrutu. Speru meras cosas bellas puru in cussus logus aui sa genti mali.

Disigiu chi ci siara mera saluri po totus e sa pasci in su mundu


Certos picana sos isprait e pasticciana sos muros, certos brujana sos arbores e calicunu inquinat s’ambiente."

Pedru Farina, Orune

Caros Tres Res

soe Pietro Farina. Ieo isto in Orune e appo 8 annos. Orune est una bidda allegra però certas pessones lo sono rughinanne. Certos picana sos isprait e pasticciana sor muros, certos brujana sos arbores e calicunu inquinat s’ambiente. Azzudade Orune ca cherimus chi diventete una bidda bella, pulida e ordinada. Bos cherimus meda bene a tottus tres però non azzudedae pezzi a Orune, puru a sos pogheros, a sos extracomunitarios e a sos carcerados. Quindi custu significat chi debides protezere tottu su munnu. Azzes dadu oro, incenso e mirra a su Sarbadore. Como dazze sa pache, s’amore, achide tottu amicos biancos e nigheddos. Bos preccamus po sarbare su munnu dae su male. Bois podides sarbare su munnu!