La ricéta p’r j’anolén a-la Pramzàna
Ingredjént p’ral pjén:
Par fär al stracòt, cärna äd manz, vitél e gosén, sentzincuanta gram d’pan razù nớza moscäda, säl.
Ingredjént
par la fojäda :
Setzént
gram d’ farén’na cuatr’ ớv socuànt cuciär d’acua.
Maznär fén al stracòt ricavè da méz
chilo äd cärna in-t-na trén’na, mèttor al pan razù e bagnärol col sùg cäld
dal stracòt zontär j’ớv intrèg, al formàj grana razù, e la cärna
tridäda, pù na gratäda d’ noza moscäda, regolär giust al säl amalgamär
bén tutt. Al ripjén al va mìss in frigo, cuatè su e intànt as prepära la
fojäda. Po as comincia a fär j’ anolén, as mètta al ripjén in-t-la fojäda
a mucèt grosi cmé nisớli, pochi par vòlta; as piga la pasta e con al
stampén apòsit as taja j’anolén. Na vòlta fat j’anolén i van mìss insìmma
a un ripjan äd lègn cuatè da na tvaja; e i van tgnù in-t-un pòst frèsch
par vớn o du giớron al masim. Se j’avrì conservär pu a
lớng infarinär un pjàt da portäda e mèttor j’anolén bén distant,
po mèttor tutt in-t-al sachètt par alimént, bén sigilè mèttoria ancòrra
in-t-al congelatớr,acsì
is pớlon mantgnìr par du o trì més.