Aspiettu ca ciami
A casa, o travagghju
Ri notti, ri juornu
A tutt’uri
Aspiettu
Ccu la cardascìa
Ri quannu ciamàutu
E iu mi strurìa
Pinzannu a li fitti
Nto
cori
Ca rava
Ssu silenziu mutu
Strazzatu
Ri tia
Ca ciamàutu
Pp’aviri cunfuortu
E ancora
Aspiettu
Cca spranza
Ca ciami
ro cielu
ru’ ciàcciri supr’a saluti
re figghj
l’auguriu pi ccu è ca fa
l’anni
U rrialu
ca tu cci vuoi fari…
A-ttruàri
Prucciusu i bbrazzuna
E vasuna
Appui m’arrifici
Ri
notti
Ammucciuni
Mmasuni r’amuri
Ti resi
A-ttia
Ca
m’avisti
Nna panza
Ri quannu era
Nenti
E mi parturisti
Mi rasti la minna
E ppuoi mi criscisti
Ccu ppani
R’amuri
A bbona palora
E
la Firi
Matri mia
Sciurtunata
Apprima
Passioni
Pazienza
E rulìa
Matri
mia
furtunata
Ca ora
T’agguòri
n-eternu
L’Amuri.